MIKA 2:11 - Ombibeli Iyapuki

¹¹ Ngeenge tape uya umwe ta ende nomhepo yokufufya nokukengelela ndele ta ti: “Ame ohandi ke mu xunganekelela omaviinyu noikolwifa yeenghono, oye omuxunganeki woshiwana eshi.”

MIKA 2:11 ပူးပေါင်းရင်းမြစ်များ

1 EEHAMBA 13:18

Ndelenee ye ta ti kuye: “Naame yo omuxunganeki ngaave, ndele omweengeli okwa lombwela nge pandjovo yOmwene ndele ta ti: ‘Mu twala pamwe naave keumbo loye, opo a lye omungome ndele a nwe omeva.’ ” Ye okwe mu lombwela oipupulu.

1 EEHAMBA 22:6

Opo nee ohamba yaIsrael ya ifana ovaxunganeki ve fike pomafele ane, ndele tai va pula: “Nandi ka homone tuu Ramot shomuGilead ile nandi shi efe?” Ndele venya va nyamukula: “Inda, u ke shi homone, osheshi Kalunga ote ke ku pa efindano.”

JOB 31:5

“Ame ngeenge nda enda noipupulu neemhadi ngeenge da endelela okukengelela:

OMAYELETUMBULO 25:14

Omulumenhu ou te litangele eeshali ite di yandje e li ngaashi oilemo nomhepo ihe nodula.

JESAJA 28:7

Naava yo tava i oshidungwe komaviinyu, noikolwifa tai va pungaukifa, omupristeli nomuxunganeki otava i oshindungwe koikolwifa, omaviinyu e va etela oshitelele, ova pungaukifwa koikolwifa. Otava puka momamoniko, ndele tava i pomunghulo mokutokola.

JESAJA 9:15

Omukulunhu noshipuna oye omutwe, nomuxunganeki ou ta longo oipupulu, oye omushila.

JEREMIA 14:14

Ndelenee Omwene okwa lombwela nge, ta ti: Ovaxunganeki otava xunganeke oipupulu medina lange; Ame inandi va tuma nongaashi inandi va lombwela noinandi va popifa. Otave mu xunganekele omamoniko oipupulu nomaxunganeko oipupulu nomakoto omitima davo vene.

JEREMIA 23:14

Ndelenee movaxunganeki vomuJerusalem onda hanga mo oixuna yongaho inene; vo ohava teya ohombo nohava ende noipupulu. Vo ohava pameke omake ovalongi vowii, nosho ngaha itapa monika nande umwe te lidilulula kowii waye. Vo aveshe ove li moipafi yange ngaashi Sodom, noonakukalamo musho ngaashi Gomorra.”

JEREMIA 23:17

Alushe hava lombwele oonakudina nge: Omwene okwa popya: ‘Otamu kala mu nombili,’ naaveshe ava hava ende moukukutu womitima davo otave va lombwele tava ti: ‘Oshiponga itashi ke mu hanga.’ ”

JEREMIA 23:25

Ame onda uda osho ovaxunganeki ovo tave shi tongo, ava hava xunganeke oipupulu medina lange ndele tava ti: Ame onda nangala ondjodi, onda nangala ondjodi!

JEREMIA 23:32

Tala, Ame onda hala okuhanga ava tava xunganeke eendjodi davo doipupulu, Omwene ta ti, vo otave di hepaulula notava pukifa ovanhu vange noipupulu yavo nonokulitanga kwavo, nande Ame inandi va tuma, Ame inandi va lombwela, nongaashi kave na eshi tava kwafa ovanhu vange. Omwene osho ta ti.

JEREMIA 28:15

Ndele omuxunganeki Jeremia okwa tya komuxunganeki Hanania: “Hanania, pwilikina! Omwene ine ku tuma, ahowe, ndelenee oshiwana eshi ove we shi lineekelifa oipupulu.

JEREMIA 5:31

Ovaxunganeki otava xunganeke oipupulu, ovapristeli ohava pangele pahalo laavenya; novanhu vange osho ve hole osho. Ndelenee hauxuuninwa otamu ka ninga ngahelipi?

OMAIMBILOKEMO 2:14

Ovaxunganeki voye ve ku monena oinima yoipupulu noyoulai. Vo inave ku hololela owii woye, opo okukala kwoye ku lunduluke, ndelenee vo ove ku monena omaxunganeko oipupulu nomapukifo.

HESEKIEL 13:22

Nye eshi mwa nyikifa omitima dovayuki oluhodi noipupulu, nande Ame nda li inandi hala oku mu nyikifa oluhodi, ndele mwa pameka omake omuhenakalunga, opo ye ehe lialuluke kondjila yaye ii, a kale nomwenyo.

HOSEA 7:14

Itava ifana nge komitima davo, ndelenee hava yayaana momitala davo. Ohava ongalele oilya nomaviinyu. Ove nondubo naame.

MIKA 3:11

Ovakulunhu vasho, eendjovo otave di tokolele ombubo. Novapristeli vasho otava longele ofuto, novaxunganeki tava xunganekele oimaliwa. Nande ongaha, vo otave liameke kOmwene, ndele tava ti: “Omwene ita kala hamba mokati ketu? Kape noshiponga tashi ke tu hanga.”

MIKA 3:5

Omwene osho ta ti mokupopya ovaxunganeki, hava pukifa oshiwana shange, ava hava udifa: “Ombili!” ngeenge ve na sha momayoo avo shokutaafina, ndelenee ou ite va pakele po sha momakanya avo, vo otave mu shiivifile olwoodi.

OVAROMA 16:18

Osheshi ava ve li ngaha, itava longele Omwene wetu Kristus, ndelenee omadimo avo vene, nokeendjovo davo da fewa da fa omaadi, ohava pukifa omitima domalai.

OVAFILIPPI 3:19

Exulilo lavo olo ekano, nedimo lavo olo kalunga kavo, nefimano lavo ohoni yavo, nohava diladila ei yopadu.

1 JOHANNES 4:1

Ovaholike, inamu itavela keshe omhepo, ndelenee yelekeni eemhepo, ngeenge oda dja tuu muKalunga; osheshi ovaxunganeki ovanaipupulu vahapu ova ya mounyuni.