MIKA 2:10 - Ombibeli Iyapuki

¹⁰ Fikameni, indeni! Osheshi apa kape nonhele yetulumuko molwonyata ei ya eta ehanauno, heeno, ehanauno kali shii kupolekwa.

MIKA 2:10 ပူးပေါင်းရင်းမြစ်များ

1 EEHAMBA 9:7

opo nee Ame ohandi ka halakanifa Ovaisraeli medu lavo, nde li va pa, nongulu oyo Ame nde i yapulila edina lange, Ame ohandi ke i ekelashi koshipala shange, opo Israel tashi ka ninga oshitevo neimbilo lesheko mokati koiwana aishe.

2 EEHAMBA 15:29

Pomafiku enya aPeka, ohamba yaIsrael, Tiglat-Pileser, ohamba yOvaasiria, ye uya ndele tai nangala Ijon naAbel-Bet-Maaka naJanoak naKedes naHasor naGilead naGalilea, oshilongo ashishe shaNaftali. Ndele yo ye va twala moukwatwa kuAsiria.

2 EEHAMBA 17:6

Momudo omutimugoi waHosea, ohamba yaAsiria ya nangala Samaria, ndele ya twala Israel moukwatwa kuAsiria. Ndele ye va tula muHalag nopuHabor omulonga womuGosan, nomoilando yomuMedia.

2 OMAFIMBO 7:20

opo nee Ame ohandi ke va duda mo moshilongo shange eshi nde shi va pa, nongulu ei nde i yapulila edina lange, Ame ohandi ke i ekelashi koshipala shange, ndele handi i ningi oshitevo neimbilo lesheko mokati koiwana aishe.

OMAPSALOME 106:38

ndele va tilashi ohonde ihe netimba yovamati noyoukadona vavo, ava ve va fiyawilila oikalunga yaKaanan, nedu ola nyatekelwe komatimba.

OMAPSALOME 95:11

Opo nee mehandu lange onda anene nda tya: ‘Vo itava fiki metulumuko lange!’ ”

JEREMIA 10:18

Osheshi Omwene osho ta ti: Taleni oonakukala moshilongo ohandi va kupula mo paife eshi nohandi va hepeke va kute oudjuu.

JEREMIA 3:2

Lyaamena koikulundudu ove u tale. Openi ino nangalelwa ko? Owe va kalela omutumba peendjila ngaashi Omuarabi mombuwa, noshilongo osha nyatekwa koipala nokoulunde woye.

JEREMIA 9:19

Osheshi muSion omwa udika elilaano: “Otwa hanaunwa po filufilu! Fye otwa fifwa ohoni shili, osheshi fye otu nokudja mo moshilongo, osheshi omaumbo etu a hanaunwa po.”

HESEKIEL 36:17

“Kaana komunhu, eumbo laIsrael eshi la kala moshilongo shalo, lo ole shi nyateka nokweenda kwavo noilonga yavo. Okweenda kwavo kwa li moipafi yange ngaashi onyata yomukainhu a mona ohani.

HESEKIEL 36:19

Ndele Ame onde va halakanifila moiwana, ndele vo va halakanifilwa moilongo. Ame nde va tokola pakweenda kwavo nopailonga yavo.

DEUTERONOMION 12:9

Osheshi nye inamu fika natango monhele yetulumuko nomedu lefyuululo, Omwene Kalunga keni te ke li mu pa.

DEUTERONOMION 30:18

opo nee handi mu vilikile nena eli nokutya, otamu hanaunwa po shili. Itamu ka hapupalifa omafiku moshilongo omo tamu ka ya mo nokutauluka Jordan, opo mu ke shi nangale.

DEUTERONOMION 4:26

Opo nee edu neulu nali ninge ondobwedi yange nena eli oku mu pa oushima nokutya, otamu ka tewa mo divadiva moshilongo, omo tamu i mokutauluka Jordan, mu shi nangale. Ndele itamu ka kala omafiku mahapu, ndelenee tamu ka halakanifwa shili.