MIKA 2:1 - Ombibeli Iyapuki

¹ Woo ava, hava diladila oulunde nohava longekida owii momitala davo. Ongula ngeenge kwa sha, ohave shi ningi. Osheshi vo ove neenghono momake avo.

MIKA 2:1 ပူးပေါင်းရင်းမြစ်များ

GENESIS 31:29

Ame ondi na eenghono oku mu monifa oixuna, ndelenee Kalunga kooxo okwa lombwela nge oufiku wonena ndele ta ti: ‘Likelela uha popye naJakob nande ouwa ile owii.’

1 EEHAMBA 21:7

Opo nee omwalikadi waye, Isabel, ta ti kuye: “Haave mbela ho pangele Israel ngaashi ohamba? Penduka, lya omungome, nomwenyo woye nau hafe. Ame ohandi ke ku pa oshikokola shomiviinyu shaNabot, Omujisreel.”

ESTER 3:8

Opo nee Haman ta ti kohamba Ahasveros: “Moitukulwalongo aishe yomoshilongo shoye omu noshiwana shimwe she lihana ndele tashi likalele mokati koiwana, neemhango dasho odi lili hangaashi eemhango doiwana ikwao aishe. Ndele ihava diinine yo eemhango dohamba, onghee itashi dulika ohamba tai va efa va kale po.

ESTER 5:14

Opo nee omwalikadi waye Seres nookaume kaye aveshe tava ti kuye: “Mu ningila hano omuti wokumangeleka mo, oule wao omaludimbo omilongo itano u lombwele ohamba mongula inene, vo va endjelelife Mordekai muwo. Opo nee to i nehafo pamwe nohamba koitelekela.” Ondjovo oyo ya wapalela Haman, nokwa pangelifa omuti wokumangeleka mo.

ESTER 9:25

Ndelenee osho eshi sha udika kohamba, yo oya shanga ndele ya yandja oshipango, nokutya omhangela yaye youkolokoshi ye e i diladilila Ovajuda, i nokuwila komutwe waye mwene. Ndele ve mu endelelifa novana vaye ovalumenhu komuti wokumangeleka mo.

JOB 15:35

Vo ve noufimba woupyakadi ndele tava dala ehanauno. Nomadimo avo taa longekida ekengelelo.”

JOB 24:14

Fimbo eluwa inali tenda omudipai ta penduka, ta dipaa omukwanaluhepo nohepele; ndele oufiku ye ta ende ngaashi omulunga.

OMAPSALOME 36:4

Mokunangala kwaye ota dutu okulonga owii, ta hovele okweenda ondjila youmbudi, ite u nyonyodola.

OMAPSALOME 36:5

Omwene, ouwanghenda woye otau hange fiyo okeulu, noudiinini woye otau tu fiyo okoilemo kwi.

OMAPSALOME 58:3

Ovahenakalunga ovo ovaefi, nghee va dalwa; novanaipupulu ovapuki, nghee va dja medimo laina.

OMAYELETUMBULO 12:2

Ou muwa ta hokiwa kOmwene, ndelenee ou okayoka komedu ote mu tokola.

OMAYELETUMBULO 14:22

Ihava puka mbela ava hava diladila owii? Ndelenee ava hava diladila ouwa tava ka mona ohole nelineekelo.

OMAYELETUMBULO 3:27

Ino anya okumonifila omukwanaluhepo ouwa, ngeenge ho dulu oku shi ninga.

OMAYELETUMBULO 4:16

Osheshi vo hava nyengwa okukofa ngeenge itava longo owii. Ndele itava kumuka, fimbo inava pundukifa omunhu.

JESAJA 29:20

Osheshi oimhulu kai po vali, novasheki ova xula po, naaveshe ava va diladila owii, ova hanaunwa po,

JESAJA 3:14

Omwene ote uya ketokolo ndele ta tokola ovakulunhu novapangeli vovanhu vaye: “Nye omwa likifa oikunino yomiviinyu, neliko mwe li nyeka ohepele oli li momaumbo eni.

JESAJA 32:7

Ndele oilongifo yoshimhulu oii, ndele ta diladila oilonga youkolokoshi yokunyona po ovafininikwa noku va lundila, nande omufyoona ne mu tomhe, ta popi doshili.

JESAJA 5:8

Woo, ovo tava shaameke eumbo neumbo, ndele tava tula kumwe epya nepya, po kape na vali onhele; osho ngaha tamu nangala oshilongo, onye amuke.

JESAJA 59:3

Osheshi omake eni okwa nyika ohonde, nominwe deni oda nyika oulunde, omilungu deni tadi popi oipupulu nelaka leni tali lundile.

JEREMIA 18:18

Ndelenee vo ova tya: “Ileni tu ka hangakeneni Jeremia. Osheshi elongo itali xulu komupristeli nomayele kovanaendunge nondjovo kovaxunganeki. Ileni tu ke mu denge nelaka, fye tuha pwilikine vali eendjovo daye.”

HESEKIEL 11:2

Opo Ye okwa lombwela nge: “Kaana komunhu, ovo ovalumenhu hava diladila eshi inashi yuka ndele hava yandje omapukululo mai moshilando,

HESEKIEL 33:26

Nye otamu lineekele eongamukonda leni, nye otamu longo oixuna ndele tamu nyateke keshe umwe, omukainhu womukwao, nye ngeno mu pewe nee oshilongo shi ninge sheni vene?

HESEKIEL 38:10

Omwene Kalunga ota ti ngaha: “Mefiku tuu olo omadiladilo taa ka penduka momutima woye, ndele to ka uka euko lii,

HESEKIEL 46:18

“Ndele ohamba ihe nokukufa omifyuululwamikunda dovanhu noku va ta mo momapya avo. Omepya layo mwene nai tukulile ovana oitukulwa, i ninge efyuululo lavo, paha kale omunhu womovanhu vange, a tewa mepya laye.”

MIKA 6:12

Osheshi oipuna yomoshilando oi yadi oukolokoshi noonakukalamo musho hava popi oipupulu, nelaka lavo li yadi ekengelelo momakanya avo.

NAHUM 1:11

Mwoove, oshilando, omwa dja ou a diladilila Omwene owii, ou e nomauko mai.

SAKARIA 7:10

Ndelenee inamu hepeka omufiyekadi nofiye onghwailongo nomukwanaluhepo, ndele momitima deni inamu diladilila omukweni owii.’

MARKUS 15:1

Hano eshi tuu kwa ka sha, ovapristeli ovakulunhu novakulunhu novanongo vomishangwa, oshiongalele ashishe shovakulunhu osha tokola, ndele vo ova mangifa Jesus, ndele tave mu twala, ve ke mu yandje kuPilatus.

LUKAS 20:19

Ndele ovanongo vomishangwa novapristeli ovakulunhu va hala oku mu kwata efimbo tuu olo, ndele ova tila ovanhu, osheshi va koneka efaneko olo tali va popi.”

JOHANNES 19:11

Jesus okwa nyamukula: “Eenghono dokutokola nge ngeno ku di pelwe da dja kombada, ngeno ku di kwete. Onghee hano ou a yandja nge kwoove, oye e netimba li dule loye.”

OILONGA YOVAYAPOSTOLI 23:12

Ndele ongula eshi kwa sha, Ovajuda ova udafana nova ana eano, vo vaha makele nande eendja novaha nwe sha fimbo inava dipaa Paulus.

OILONGA YOVAYAPOSTOLI 23:15

Hano paife onye noshiongalele shovakulunhu, ka shiivifileni omuneyovi, e mu tume kunye, mwa fa mwa hala okuuda nawa eendjovo daye, ndele fye otwe lilongekida tu mu dipae, ofimbo ina fika kunye.”

OVAROMA 1:30

ovaambi, ovalundili, ovatondikalunga, ovakolokoshi, ovalinenepeki, ovalitangi, ovatoti voinima ii, oonakuhadulika kovakulunhu,

DEUTERONOMION 28:32

Ovana voye ovamati noukadona tava ka kwatwa nokutwalwa koshiwana shimwe fimbo omesho oye tae shi tale nefiku alishe tae va djuulukwa neenghono, ndele ove ito dulu okuninga sha.