MIKA 1:8 - Ombibeli Iyapuki

⁸ Omolwaashi ame nda hala okukema nokulila nokweenda ndihe neenghaku nondi li hamunghele. Ame nda hala okukwena ngaashi ouvandje nokunyika oluhodi ngaashi eemho.

MIKA 1:8 ပူးပေါင်းရင်းမြစ်များ

2 EEHAMBA 18:13

Ndelenee momudo omutimulongo nomutine wohamba Hiskia, Sanheerib, ohamba yaAsiria, ya homona oilando aishe i neehotekuma yomuJuda, ndele ye i hanauna po.

ESTER 4:1

Mordekai eshi a uda ashishe osho sha ningwa, Mordekai okwa pombaula oikutu ndele a djala oikutu yeefya, ndele e liunda omute komutwe waye, nokwa ya mokati koshilando ndele ta ingida pombada eendjovo douyehame.

JOB 30:29

Ame nda ninga omumwaina wokavandje nakaume komho.

OMAPSALOME 102:6

Onda fa oshikakalwa mombuwa, onda ninga nda fa exuvi meputu.

JESAJA 13:21

Ndelenee oifitukuti yomofuka tai ka tulumukilwa mo, nomaumbo avo otaa ka kala e yadi omaxuvi, eemho omo tadi kala, noilulu otai danaukile mo.

JESAJA 13:22

Ndele oimbungu tai ka kwenena meembala dayo da wapala, nouvandje otava ka kala meenguluhafo douhamba. Ndele efimbo lasho oli li pokufika, nomafiku asho itaa ehene ko vali.

JESAJA 16:9

Onghee hano ohandi lili pamwe naJaeser, handi lilile omiviinyu domuSibma, nomahodi ange ohandi ku tutike, oove Hesbon naave Eleale, osheshi mekolelo leeviinyu nometeyo omwa udika onghuwo.

JESAJA 21:3

Oshiya shange onghee tashi kakama unene, onda hangika kouyehame, handi fetwa ngaashi omudali; eshi nde shi uda, sha petameka nge, nda haluka, ndele nghi wete ko.

JESAJA 22:4

Opo nee ohandi ti: Taleni pamwe pe lili, hakwaame, opo ndi shiive okulila nokuli lilila; inamu uya okuhekeleka nge molwehanauno lomona okakadona koshiwana shange.

JESAJA 32:11

Kaleni mwa tumauka omaxwilili, onye ava muhe noisho! Kakameni onye ava muhe noisho! Liduleni, mu kale olutu longaho, djaleni oshako meembuda deni.

JEREMIA 4:19

Akutu, onhulo yange, onhulo yange! Ame handi kakamifwa kehaluko! Oikololo yomutima wange, omwenyo wange wa tukuluka, itandi dulu okumwena, osheshi ove omwenyo wange wa uda omanghuma taa kuwaana nonghuwo yolwoodi tai kuu!

JEREMIA 9:1

Akutu, omutwe wange ngeno omeva, nomesho ange ofifiya yomahodi, ngeno nda lila eenghali doonakudipawa vomona okakadona koshiwana shange omutenya noufiku.

JEREMIA 9:10

Ame ohandi ka kwena nokukema pombada omolweemhunda, nomolweehambo domofuka ohandi lili eenghali. Osheshi odo da pya komundilo nokape nomunhu ta ende ko, nongaashi ihamu udika oshikuta shoimuna. Eedila dokeulu noifitukuti oya tembuka mo, ya ya onhapo.

JEREMIA 9:19

Osheshi muSion omwa udika elilaano: “Otwa hanaunwa po filufilu! Fye otwa fifwa ohoni shili, osheshi fye otu nokudja mo moshilongo, osheshi omaumbo etu a hanaunwa po.”

HESEKIEL 32:18

“Kaana komunhu, kemena eemhunga daEgipiti, nava kulukifilwe mo pamwe novana oukadona voiwana idjuu monhele yokoshielela yomombwili yomedu, kwaavenya va kulukilile mombwili.

MIKA 2:4

Mefiku olo tave ke mu yelulila eimbilosheko nokwiimba eimbilokemo, tali ti: “Sha twa.” Osho tava ka tya: “Fye otwa hanaunwa po sheke. Ye okwa lundulula oshitukulwa shoshiwana shange. Ngahelipi Ye te shi kufa nge! Omapya etu Ye te a tukulile oonakuliteeka.”

1 SAMUEL 19:24

Naye mwene yo okwe lidula oikutu yaye nokwa xunganeka koshipala shaSamuel nokwa wila eombe nokwa nangala hamunghele omutenya aushe noufiku aushe. Onghee taku tiwa: NaSaul ye oku li movaxunganeki hamba?