MIKA 1:6 - Ombibeli Iyapuki

⁶ Onghee hano Samaria ohandi ke shi ninga onduba yomamanya moixwa shi ninge onhele yokutwika mo omiviinyu. Nomamanya asho ohandi a alangatifile mefilu nomakanghameno asho ohandi a nyonauna po.

MIKA 1:6 ပူးပေါင်းရင်းမြစ်များ

2 SAMUEL 17:13

Ndele ye ngeenge ta i moshilando shimwe, Ovaisraeli aveshe otava ka eta eengodi moshilando osho, ndele fye ohatu shi kokololele mefilu fiyo itapa monika nande emanya limwe.”

2 EEHAMBA 18:10

Ndele vo ove shi nangala pexulilo lomudo omutitatu. Momudo omutihamano waHiskia, owo omudo omutimugoi waHosea, ohamba yaIsrael, Samaria sha nangalwa.

2 EEHAMBA 18:9

Ndelenee momudo omutine wohamba Hiskia, owo omudo omutiheyali waHosea yaEla, ohamba yaIsrael, Salmaneser, ohamba yaAsiria ya homona Samaria ndele ye shi kondeka.

2 EEHAMBA 19:25

‘Ino shi uda? Ame nde shi lilongekidila nale nonde shi litokolela momafiku onale? Paife onde shi wanifa nokutya, oilando yoye yeehotekuma ove u i ninge eenduba dongaho,

JESAJA 17:1

Okuxunganekwa kwaDamaskus taku ti: “Tala, Damaskus otashi ka ekelwashi, kashi fi vali oshilando, otashi ningi oikulukuma, oshilando sha teka po.

JESAJA 25:12

ndele eehotemanya da pama domomakuma eni Ye ote a ngumauna po, ndele te a yelakanifa pamwe nedu, te a ngumauna po fiyo mondwi.

JESAJA 25:2

Osheshi oshilando owe shi shitukifa onduba yomamanya, nohotekuma ya pama, onduba yongaho, noupunangulu wovanailongo kau fi vali oshilando; fiyo alushe itashi ka tungululwa vali.

JEREMIA 31:5

Ndele ove oto ka twika vali oikokola yomiviinyu keemhunda daSamaria, naava tave di twike otave ke di lya yo.

JEREMIA 51:25

Tala, Ame ohandi ku totele, oove omhunda ohanauni, Omwene osho ta ti, ove ou ho hanauna edu alishe. Ndele Ame ohandi ke ku yelulila eke lange, ndele handi ku undula ko komhunda, ndele handi ku ningi omhunda ya lungwina po.

JEREMIA 51:37

Ndele Babilon otashi ka ninga onduba yomamanya, onhele youvandje noshinima shoixuna yongaho noshodino shihe noonakukalamo.

JEREMIA 9:11

Ndele Jerusalem ohandi shi ningi onduba yomamanya shi ninge onhele yeembadje, noilando yaJuda ohandi i ningi omaputu.

OMAIMBILOKEMO 4:1

Akutu, oshingoldo osha laula ngahelipi, oshingoldo shiwa sha shituka, omamanya mayapuki okwa ekelwashi momashakeneno omapandavanda aeshe!

HESEKIEL 13:14

Ndele ekuma, nye mwe li kolongifa nokalka, Ame ohandi ke li ngumauna po noku li undulila poshi, fiyo ekanghameno tali ka holoka. Opo nee oshilando tashi ka teka po, ndele nye otamu ka fila mo; ndele nye otamu ka shiiva nokutya, Aame Omwene.

HOSEA 13:16

Vo otava ka fya keongamukonda, ounona vavo tava ka nyanyaulwa, novalikadi vavo vafimba otava ka tandwa omadimo.

AMOS 5:11

Onghee hano eshi tamu lyataula omukwanaluhepo ndele tamu kufa kuye oilya yefendelo, nye ava hava tungu eengulu nomamanya a hongwa, ndelenee nye itamu ka kala mudo. Nye omwa twika oikokola iwa yomiviinyu, ndelenee itamu ka nwa omaviinyu ayo.

AMOS 6:8

Omwene Kalunga okwa ana muye mwene, Omwene Kalunga komatanga ovakwaita ta ti: “Ame handi nyonyodola elinenepeko laJakob, ndele handi tondo eengulu daye doupuna. Onghee hano handi efa oshilando nakeshe eshi shi li mo.”

MIKA 3:12

Onghee hano Sion tashi ka pululwa epya molweni naJerusalem tashi ka ninga onduba yomamanya, nomhunda yotembeli otai ka shituka oshikulundudu shi noixwa.

HABAKUK 3:13

Ove to holoka u xupife oshiwana shoye, u xupife Omuvaekwa woye. Ove to teyaula omutwe weumbo lomudinikalunga, nekanghameno Ove to fe mo fiyo okoluma. Sela.

MATEUS 24:2

Ndele Ye okwa nyamukula ta ti kuvo: “Kamu a wete aeshe oo! Oshili handi mu lombwele: itapa fiwa apa emanya la tenhekwa kulikwao inali ngumaunwa po.”