MIKA 1:5 - Ombibeli Iyapuki

⁵ Ashishe eshi tashi ka ningwa molwomatauluko aJakob nomolwomatimba eumbo laIsrael. Jakob eshi a tauluka, omolwalyelye? HaSamaria mbela? Noikulundudu yomayambo yomuJuda ya dile peni? HaJerusalem mbela?

MIKA 1:5 ပူးပေါင်းရင်းမြစ်များ

1 EEHAMBA 11:7

Salomo okwa tungila Kemosh, oixuna yOvamoab, oaltarikulundu komhunda i li koushilo wokuJerusalem, nosho yo e shi tungila Molek, oixuna yOvaammoni.

1 EEHAMBA 13:32

Osheshi ondjovo yOmwene tai ka wanifwa shili, oyo e i lombwela oaltari yomuBetel neetembeli adishe doikulundu i li moilando yomuSamaria.”

1 EEHAMBA 16:24

Ndele okwa landa omhunda yaSamaria kuSemer noitalenti ivali yoshisiliveli, nokwa tunga oshilando komhunda, ndele e shi lukila Semer, omwene womhunda, Samaria.

2 OMAFIMBO 34:3

Ndele momudo omutihetatu wepangelo laye, fimbo ye omunyasha natango, okwa hovela okukonga Kalunga kaxe David, ndele momudo omutimulongo nomutivali okwa hovela okuyapula Juda naJerusalem nokukufa mo oikulundu yokuyambela nomiti omalupwelele aAsera noihongwafano noitelekwafano.

2 OMAFIMBO 34:4

Ndele moipafi yaye va ngumauna po eealtari daBaal. Neengudi detango da li ko, okwe di xwandaula, nokwa teyaula po omiti omalupwelele aAsera noihongwafano noitelekwafano nokwe i twa oufila ndele te i undu keembila daava va li ve i yambela.

JESAJA 7:9

ndele omutwe waEfraim oSamaria, nomutwe waSamaria oye omona waRemalja. Ngeenge itamu itavele, itamu kala po.”

JEREMIA 2:17

Haave mwene we shi likongela, eshi wa efa Omwene Kalunga koye, omafiku enya eshi e ku endifa nondjila yaye?

JEREMIA 2:19

Owii woye mwene otau ku denge, nokuliteeka kwoye kudjuu otaku ku handukile. Hano, kala u shi shii nokumona oululu woshiponga shoye apa u fike, eshi wa efa Omwene Kalunga koye, ndele ino kala nokutila nge. Omwene osho ta ti, Omwene womatanga ovakwaita.

JEREMIA 23:13

“Movaxunganeki vomuSamaria onda mona oixuna. Ohava xunganeke medina laBaal, ndele tava pukifa ovanhu vange Ovaisraeli.

JEREMIA 23:14

Ndelenee movaxunganeki vomuJerusalem onda hanga mo oixuna yongaho inene; vo ohava teya ohombo nohava ende noipupulu. Vo ohava pameke omake ovalongi vowii, nosho ngaha itapa monika nande umwe te lidilulula kowii waye. Vo aveshe ove li moipafi yange ngaashi Sodom, noonakukalamo musho ngaashi Gomorra.”

JEREMIA 4:18

Ondjila yoye neenghedilonga doye, oyo ye ku etela ei aishe, oulunde ou woye ulula, ndele tau hange fiyo okomutima woye.

JEREMIA 5:25

Ndele omanyonauno eni okwa dongakanifa oinima ei, nomatimba eni okwe mu imba okumona ouwa.

JEREMIA 6:19

Edu pwilikina! Tala, ovanhu ava ohandi va umbu omupya, owo oshiimati shomadiladilo avo, osheshi vo inava pwilikina eendjovo dange nomhango yange ve i ekelashi!

OMAIMBILOKEMO 5:16

Omutumbo wa wa komutwe wetu. Woo fye, eshi twa nyona!

HESEKIEL 16:46

Ndele omukulu woye omukainhu oye Samaria, ye pamwe novana vaye oukadona, ava ve li koumbangalanhu woye. Ndelenee ondenge yoye omukainhu, ou e li koumbuwanhu woye, oye Sodom novana vaye oukadona.

HOSEA 7:1

Fimbo handi velula Israel, oulunde waEfraim nowii waSamaria tau ka holoka, osheshi hava diinine okukengelela, nomulunga ta panukile mo, nongudu yoimhulu tai vake mepandavanda.

AMOS 6:1

Woo, ovatulumukwi muSion naava vehe noshisho keemhunda daSamaria, ovafimanekwa komesho moiwana, ovo kuvo eumbo laIsrael tali uya!

AMOS 7:9

Ndele oikulundu omayambelo aIsak tai ka hanaunwa po, neetembeli domuIsrael otadi ka ninga eenduba domakuma, ndele eumbo laJerobeam Ame ohandi ke li yelulila eongamukonda.”

AMOS 8:14

vo ava hava anene etimba laSamaria, ndele ohava ti yo: ‘Oshili ngaashi kalunga koye e nomwenyo, Dan!’ Navali: ‘Oshili ngaashi eenghedi domuBerseba di nomwenyo!’ Ndele vo otava ka wila po noitava ka penduka vali.”

MIKA 1:13

Oonakukalamo muLakis, mangeleni eenghambe ketemba! Osho ehovelo lokunyona kwomona okakadona kaSion okwa dja mwoove, osheshi mwoove mwa monika omatauluko aIsrael.