MIKA 1:16 - Ombibeli Iyapuki

¹⁶ Ninga epalu pokati komutwe ndele likululila ovamwoye. Epalu loye li kulula linene, li kale ngaashi lonhwa, osheshi vo ova dja po pwoove ndele va ya moupika.

MIKA 1:16 ပူးပေါင်းရင်းမြစ်များ

2 EEHAMBA 17:6

Momudo omutimugoi waHosea, ohamba yaAsiria ya nangala Samaria, ndele ya twala Israel moukwatwa kuAsiria. Ndele ye va tula muHalag nopuHabor omulonga womuGosan, nomoilando yomuMedia.

JOB 1:20

Opo nee Job a fikama, ta pombaula oshikutu shaye shokombada, a kulula eexwiki daye dokomutwe, nokwa wila poshi ta indile,

JESAJA 15:2

Otava i kuBait nokuDibon, keemhunda diyapuki, va ka lile. Moab ota lili pombada muNebo nomuMedeba; komitwe davo adishe ope na omapalu, neendjedi adishe oda kululwa ko.

JESAJA 22:12

Ndele mefiku tuu olo Omwene, Kalunga komatanga ovakwaita, ote va ifana kelilo nokeenghali nokekululo lomapalu nomitwe nokomundjalo weefya.

JEREMIA 16:6

Ovakulunhu nounona ove nokufila medu eli, itava ka pakwa. Itava ka lilwa eenghali. Kape na ou te va lile eenghali ile te likululile omapalu omolwavo.

JEREMIA 4:8

Onghee hano lidikeni eeshako, kemeni nokulila, osheshi oupyuhandu wOmwene inau tu efa.

JEREMIA 47:5

Gasa okwa ninga ongwala. Askelon sha hanaunwa po pamwe noshixupe shomefilu lavo. Fiyo onaini to ka kala nokulishata?

JEREMIA 6:26

Akutu, omona okakadona, oshiwana shange! Lidika oikutu yeefya, ove u alangate momute. Shiva eenghali, ove u lile ngaashi ewifa hali lilwa eenghali nokulililila, osheshi omuhanauni ote ku faukile diva.

JEREMIA 7:29

Kulula ko eexwiki doye dokomutwe, Jerusalem, u di ekeleshi ove u ka lile eenghali keemhunda, osheshi Omwene okwa ekelashi nokwa kandula po epupi la hangika kehandu laye.

OMAIMBILOKEMO 2:19

Penduka po! Ingida moufiku omefimbo lenangelo longuloshi. Tilashi omwenyo woye ngaashi omeva okoshipala shOmwene. Yelula kuye omake oye omolweemwenyo dounona voye, ovo tava file ondjala pomashakeneno omapandavanda aeshe.

AMOS 7:11

Osheshi osho Amos okwa tile: ‘Jerobeam ta ka fya keongamukonda, naIsrael ota ka dja mo moshilongo shaye ndele ta i shili moukwatwa.’ ”

AMOS 7:17

Onghee hano Omwene ta ti ngaha: ‘Omukainhu woye ota ka ninga ombwada moshilando, novana voye ovamati noukadona tava ka wilwa keongamukonda, nedu loye tali ka tukulwa noshiyelekifongodi, naave mwene oto ka fila moshilongo sha nyata, ndele Israel ota ka dja mo shili medu laye nokuya moukwatwa.’ ”

AMOS 8:10

Oivilo yeni ohandi i lundululila moluhodi nomaimbilo eni aeshe omaimbilo oupongo, ndele Ame ohandi tula moiya aishe oshako nokomitwe adishe ongwala. Ndele ame ohandi shi ningi ngaashi okulilwa kwomona ewifa, ndele tashi ka xula ngaashi efiku lilula.

DEUTERONOMION 28:41

To ka dala ovana ovamati noukadona, ndelenee ito ka kala navo. Osheshi vo otava ka ya moupika.