MATEUS 4:4 - Ombibeli Iyapuki

⁴ Ndelenee Ye okwa nyamukula ndele ta ti: “Okwa shangwa: ‘Hakomungome auke omunhu ta kala e nomwenyo, ndelenee okondjovo keshe tai di mokanya kaKalunga.’ ”

MATEUS 4:4 ပူးပေါင်းရင်းမြစ်များ

DEUTERONOMION 8:3

Ndele Ye e ku ninipika nokwe ku fifa ondjala nokwe ku lifa omanna aa inaa shiivika kwoove nooxo, opo e ku shiivifile nokutya, hakomungome auke omunhu ta kala e nomwenyo, ndelenee oye ta kala e nomwenyo kondjovo keshe tai di mokanya kOmwene.

LUKAS 4:4

Ndelenee Jesus okwe mu nyamukula ta ti: “Hakomungome auke omunhu ta kala e nomwenyo.”

JOHANNES 6:63

Omhepo oyo tuu tai yandje omwenyo; ombelela kai na eshi tai kwafa. Eendjovo edi nde di mu lombwela, odo omhepo nomwenyo.

OVAROMA 15:4

Osheshi keshe eshi sha shangwa nale, osha shangelwa elongo letu, opo tu kale tu neteelelo hali di melididimiko nomehekeleko lomomishangwa.

OVAEFESO 6:17

nembale loshivela lexupifo li tambuleni, neongamukonda lOmhepo, nokutya, eendjovo daKalunga.

EXODUS 16:15

Ovaisraeli eshi ve i mona, ova tongafana tava ti: “Eshi oshike hano?” Osheshi inava shiiva eshi oshike. Opo nee Moses e va lombwela: “Eshi omungome, Omwene te mu pe okulya.

LUKAS 4:8

Opo Jesus e mu nyamukula ndele ta ti: “Pa shangwa: ‘Omwene Kalunga koye u noku mu twila eengolo noye aeke u noku mu kalela.’ ”

EXODUS 16:35

Ndele Ovaisraeli va lile omanna omido omilongo ine fiyo va fika moshilongo shi novanhu. Vo ova lile omanna fiyo va fika kongaba yedu laKaanan.

EXODUS 16:8

Opo nee Moses okwa tya: “Hano opo tuu opo Omwene ngeenge te mu pe onguloshi ombelela yokulya nongula omingome da wana, osheshi Omwene a uda ko eenhangu deni, mwe mu tangunina. Osheshi fye ovashike mbela? Hafye mwa tangunina, ndelenee mwa tangunina Omwene.”

MATEUS 4:10

Jesus okwa tya kuye: “Dja po, Satana, osheshi opa shangwa: ‘Omwene Kalunga koye u noku mu twila eengolo, noye aeke u noku mu kalela.’ ”

MATEUS 4:7

Jesus okwa tya kuye: “Okwa shangwa yo: ‘Ino shinda Omwene Kalunga koye.’ ”

LUKAS 4:12

Ndele Jesus okwe mu nyamukula ta ti: “Okwa tiwa: ‘Ino shinda Omwene Kalunga koye.’ ”

EXODUS 23:15

Oshivilo shomungome uhe nonhafi, shi dana: omafiku aheyali ove u nokulya omungome uhe nonhafi ngaashi nde ku lombwela momafiku a tongwa mohani yaAbib, osheshi muyo wa dja mo muEgipiti; ndelenee inamu holoka hamakasha koshipala shange.

MATEUS 15:11

Hasheshi hashi i mokanya tashi nyateke omunhu, ndelenee osheshi hashi di mokanya tashi nyateke omunhu.”

MARKUS 7:20

Ndele Ye okwa tya: “Osho hashi di momunhu, osho tashi mu nyateke.

JOHANNES 15:26

“Nge Omupopili te uya, Omhepo yashili ou ta di kuTate. Ou handi mu tumu ta di kuTate, Oye ta hepaulula nge.