MATEUS 3:2 - Ombibeli Iyapuki

² ndele ta ti: “Lidilululeni, osheshi ouhamba weulu we uya popepi.”

MATEUS 3:2 ပူးပေါင်းရင်းမြစ်များ

1 EEHAMBA 8:47

moshilongo shoukwatwa, ngeenge tave lialuluka, ndele tave ku indile nokuhepaulula nghee va nyona kwoove, Omwene, uda eindilo lavo.

JOB 39:12

To i lineekele tuu nokutya, tai aluka ndele tai ongele oilya yoye moshipale shoye?

JOB 42:6

Onghee hano handi alula eendjovo dange ndele handi lidilulula mondwi nomomute.”

HESEKIEL 33:11

Tya kuvo: Oshili, ngaashi Ame ndi nomwenyo, Omwene Kalunga ta ti, oshilielela, Ame ndihe nohokwe nefyo lomuhenakalunga, ndelenee omuhenakalunga ne lialuluke mondjila yaye opo a kale nomwenyo. Lialulukeni! Lialulukeni keendjila deni dii! Molwashike wa hala okufya, oove, eumbo laIsrael.

DANIEL 2:44

Ndelenee pomafiku eehamba dinya Kalunga ou komeulu ota ka dika ouhamba itau ka teka po fiyo alushe, nepangelo lao itali ka yandjwa koshiwana shimwe. Ndele wo otau ka nyanyaula notau ka teyaula omauhamba aeshe noku a xulifa po, ndelenee woovene tau ka kala fiyo alushe,

MATEUS 10:7

Ndele keshe apa tamu ende, va lombweleni mu tye: ouhamba weulu wa ehena popepi.

MATEUS 11:20

Opo tuu Ye okwa hovela okutangunina oilando inya mwa ningilwa oilonga yaye ihapu yeenghono, osheshi oyo inai lidilulula:

MATEUS 12:41

“Ovalumenhu vaNinive otava ka nyumuka pamwe nepupi eli metokolo, ndele tave li pe etimba; osheshi ovo va li ve lidilulula keudifo laJona, ndele tala, ou e li apa oku dule Jona.

MATEUS 13:11

Oye okwa nyamukula ndele ta ti: “Nye omwa pewa okushiiva oiholekwa youhamba weulu, ndele venya inave i pewa.

MATEUS 13:24

Ndele okwe va lombwela eendjovo dikwao domafaneko ta ti: “Ouhamba wokeulu owa fa omunhu, a kuna ombuto iwa mepya laye.

MATEUS 13:31

Neendjovo domafaneko makwao okwe va lombwela ndele ta ti: “Ouhamba wokeulu owa fa ombuto yoshinapi, omulumenhu e i kufa ndele te i kunu mepya laye.

MATEUS 13:33

Neendjovo dikwao domafaneko e va lombwela: “Ouhamba wokeulu wa fa onhafi, omukainhu e i kufa ndele te i pilulile moufila weelita omilongo nhee, fiyo aushe wa pya.”

MATEUS 13:47

“Ndele vali, ouhamba wokeulu owa fa oshiyulifo sheeshi, sha endifilwa mefuta, ndele sha ongela eeshi doludi keshe.

MATEUS 13:52

Ndele opo nee Ye okwe va lombwela: “Onghee hano keshe omunongo womishangwa ou a ninga omulongwa wouhamba wokeulu okwa fa mwene weumbo, ta holola melimba laye oipe noikulu.”

MATEUS 18:23

“Onghee hano Ouhamba wokeulu wa fa ohamba ya hala okuvalula oikolo yovapiya vayo.

MATEUS 20:1

“Osheshi ouhamba wokeulu wa fa omushamane, a meneka a ka shivile epya laye lomiviinyu ovalongi.

MATEUS 22:2

“Ouhamba wokeulu u nokufanekwa nohamba ya ningila omona ehombolo.

MATEUS 23:13

“Woo nye, ovanongo vomishangwa nOvafarisai, ovanaihelele nye, eshi tamu idilile po ovanhu oshivelo shOuhamba wokeulu. Osheshi onye vene itamu i mo, ndele tamu kelele ovo va hala okuya mo.

MATEUS 25:1

“Opo nee ouhamba weulu otau kala wa fa oukadona omulongo, va kufa eelamba davo va ye va ka shakeneke omuhomboli.

MATEUS 25:14

“Osheshi otaku ningi ngaashi omunhu ta ka enda koilongo: okwa ifana ovapiya vaye ndele te va pe oinima yaye;

MATEUS 4:17

Ndele okefiku olo Jesus okwa hovela okuudifa nokutya: “Lidilululeni, osheshi ouhamba weulu owa ehena popepi.”

MATEUS 4:23

Ndele Ye okwa endaenda muGalilea ashishe, ndele ta longo meeshinagoga davo, ndele ta udifa evaengeli lOuhamba, ndele ta velula oudu keshe noungone aushe movanhu.

MATEUS 5:10

“Ovanelao ava, tava hepekelwa ouyuki, osheshi ouhamba weulu owavo.

MATEUS 5:3

“Ovanelao eehepele domhepo, osheshi Ouhamba weulu owavo.

MATEUS 6:10

Ouhamba woye nau uye; ehalo loye nali wanifwe kombada yedu ngaashi yo meulu;

MATEUS 6:33

Ndelenee kongeni tete ouhamba waKalunga nouyuki waye, opo tamu wedelwa ko ei aishe.

MARKUS 1:15

ndele ta ti: “Efimbo ola fika, ouhamba waKalunga wa ehena popepi, lidilululeni nye mu itavele evaengeli.”

MARKUS 1:4

Johannes Omushashi okwa holoka mombuwa nokwa udifa kutya, ovanhu nave lidilulule nava shashwe, opo omatimba avo a dimwe po.

MARKUS 6:12

Ndele ova ya, ndele va udifa nokutya, ovanhu ve nokulidilulula.

LUKAS 1:16

Ndele vahapu vomovana vaIsrael ote va alulile kOmwene Kalunga kavo.

LUKAS 11:20

Ndelenee shimwe ashike, eendemoni ngeenge handi di tefa nomunwe waKalunga, opo nee ouhamba waKalunga owe uya kunye.

LUKAS 13:3

Ahowe, ndele ngeenge itamu lidilulula, osho nanye yo tamu ka nyonauka po amushe.

LUKAS 13:5

Ahowe, ndele nanye yo, ngeenge itamu lidilulula, osho tuu tamu ka nyonauka po amushe.”

LUKAS 15:10

Ohandi mu lombwele, osho tuu tamu ningi ehafo movaengeli vaKalunga omolwomulunde umwe e lidilulula.”

LUKAS 15:7

Ohandi mu lombwele: ‘Osho yo meulu tamu ka kala ehafo lokuhafela omulunde umwe e lidilulula, li dule olo lokuhafela ovayuki omilongo omugoi nomugoi ava itava pumbwa elidilululo.’

LUKAS 16:30

Ndelenee okwa tya: ‘Ahowe, tate Abraham, ngeenge umwe womovafi ta i ko kuvo, ngeno tave lidilulula.’

LUKAS 21:31

Osho ngaha nanye yo ngeenge tamu mono ei ya ningwa, shiiveni ouhamba waKalunga ou li popepi.

LUKAS 24:47

ndele medina laye elidilululo nedimepo lomatimba oli nokuudifilwa oiwana aishe nokuhovela muJerusalem.

LUKAS 6:20

Ndelenee Ye okwa yelula omesho aye, a tala ovalongwa vaye ndele ta ti: “Ovanelao nye eehepele, osheshi ouhamba waKalunga oweni.

LUKAS 9:2

Ndele okwe va tuma okuudifa ouhamba waKalunga nokuvelula ovanaudu.

OILONGA YOVAYAPOSTOLI 11:18

Ndele vo eshi ve shi uda, ove limwenenena, tava hambelele Kalunga tava ti: “Osho ngaha Kalunga okwa yandja nokovapaani yo elidilululo lokumona omwenyo.”

OILONGA YOVAYAPOSTOLI 17:30

Kalunga okwe lididimikila omafimbo enya okuhashiiva, ndele paife eshi ta lombwele ovanhu aveshe naakushe, ve nokulidilulula,

OILONGA YOVAYAPOSTOLI 2:38

Ndele Petrus okwa tya kuvo: “Lidilululeni, nakeshe ou ne lishashifile medina laJesus Kristus, mu diminwe po omatimba eni, ndele nye otamu ka pewa oshiyandjwa shOmhepo Iyapuki.

OILONGA YOVAYAPOSTOLI 20:21

fimbo nda hepaululila Ovajuda nOvagreka, ve nokulidilulula nokwaalukila kuKalunga nokwiitavela Omwene wetu Jesus Kristus.

OILONGA YOVAYAPOSTOLI 26:20

ndele tete onda udifila Ovadamaskus nOvajerusalem, nokonima onde shi ninga medu alishe laJudea nomovapaani yo, nda tya: Ovo ve nokulidilulula nokwaalukila kuKalunga, va longe oilonga ei ya wapalela elidilululo.

OILONGA YOVAYAPOSTOLI 3:19

Hano lidilululeni, nye mu lialuluke, omatimba eni opo a dimwe po,

2 OVAKORINTO 7:10

Osheshi oluhodi lopahalo laKalunga otali longo elidilululo lexupifo, omo omunhu ite lialuluka mo vali; ndelenee oluhodi lounyuni tali eta efyo.

OVAKOLOSSI 1:13

Ou e tu xupifa mo mepangelo lomulaulu nokwe tu tembulila mouhamba wOmona waye omuholike.

2 TIMOTEUS 2:25

ye e nokupukulula ovanandubo e nombili, ngeno Kalunga e va pe elidilululo opo va shiive oshili,

OVAHEBERI 6:1

Onghee hano tu efeni omahovelolongo aKristus, ndelenee tu lalakaneneni ewaneneno, tuha tungulule vali ekanghameno lelidilululo lokoilonga ya fya noleitavelo okwiitavela Kalunga,

2 PETRUS 3:9

Omwene ina fya ounye okuwanifa eudaneko laye, ngaashi vamwe hava diladila nokutya, okwa fya ounye, vati, ndelenee ohe mu tale onheni, osheshi ina hala pa kane nande umwe, ndelenee aveshe ve lialulukile melidilululo.

EHOLOLO 2:21

Ndele Ame onde mu pa efimbo lelidilululo, ndele ye ina hala okulidilulula, a efe oluhaelo laye.

EHOLOLO 2:5

Dimbulukwa hano oko wa wa ko, u lidilulule, ove u longe oilonga yoye yotete. Ndelenee ngeenge hasho, ohandi uya kwoove, ndele handi kandula po oshixwekelwashela shoye ponhele yasho, ngeenge ito lidilulula.