MATEUS 27:52 - Ombibeli Iyapuki

⁵² neembila oda yeuluka, omalutu mahapu oonakufya ovayapuki a nyumuka.

MATEUS 27:52 ပူးပေါင်းရင်းမြစ်များ

2 EEHAMBA 13:21

Ndele fimbo hava pake mombila omulumenhu umwe, vo ova mona eemwiila. Onghee va ekela omulumenhu mombila yaElisa. Ndele omulumenhu eshi a kuma oipongolo yaElisa, ye okwa ninga omunamwenyo nokwa kala ofika neemhadi daye.

JESAJA 25:8

Ye ota ka hanauna po efyo fiyo alushe, ndele Omwene, Kalunga ta ka feta po omahodi momesho aaveshe, ndele ta ka xulifa po odino yovanhu vaye kombada yedu alishe. Osheshi Omwene osho a popya:

JESAJA 26:19

Ovafi voye otava ka ninga ovanamwenyo, oimhu yange otai ka nyumuka. Dudulukeni, nye mu nyakukwe, onye amushe ava mwa nangala mondwi, osheshi omume yoye oyo omume youyelele, nedu otali ka eta mo ovafi.

DANIEL 12:2

Ndele vahapu vomwaava hava nangala mondwi yedu, tava ka penduka, vamwe tava nyumukile omwenyo waalushe, vakwao okufifwa ohoni noixuna yaalushe.

HOSEA 13:14

Ohandi ke va mangulula meenghono dokoufi, ohandi ke va kulila mefyo. Efyo, oudu woye u nolutapo u li peni? Oshovafi, ekanifo loye oli li peni? Elivelo lombedi tali kala la holekwa momesho ange.

JOHANNES 11:11

Oye okwa tonga edi, ndele ta ti kuvo: “Lasarus, kaume ketu okwa kofa, ndelenee Ame ohandi i ko ndi ke mu pendule.”

OILONGA YOVAYAPOSTOLI 7:60

Ndele ye okwa twa eengolo ndele ta ingida mokule unene: “Omwene, etimba eli ino li va valulila”. Ndele eshi e di tya, okwa kofa po nee.

1 OVAKORINTO 11:30

Onghee hano mokati keni omu noingone novanaudu vahapu, navahapu ova fya.

1 OVAKORINTO 15:20

Ndelenee paife Kristus okwa nyumuka movafi, Oye wotete waava va kofa mo,

1 OVAKORINTO 15:51

Taleni, ohandi mu lombwele oshiholekwa: Hafye atushe hatu fi, ndelenee atusheni ohatu ka shitululwa.

1 OVATESSALONIKI 4:14

Osheshi fye ngeenge hatu itavele Jesus a fya, ndele a nyumuka, opo nee Kalunga ota ka eta pamwe naye ovo va kofa mo muJesus.

1 OVATESSALONIKI 5:10

ou e tu fila, opo tu kale tu nomwenyo pamwe naye, ngeenge twa pashuka ile twa kofa.