MATEUS 2:2 - Ombibeli Iyapuki

² ndele tava ti: “Ohamba yOvajuda, ya dalwa paife, oi li peni? Osheshi onyofi yayo otwe i mona koushilo, notwe uya okulinyongamena kuyo.”

MATEUS 2:2 ပူးပေါင်းရင်းမြစ်များ

OMAPSALOME 2:6

“Aame tuu ou nda nangeka ohamba yange muSion komhunda yange iyapuki.”

OMAPSALOME 45:11

Ndele ohamba yoye, ngeenge ye ku hala, osheshi oyo omwene woye, opo nee ove linyongamena kuyo.

JESAJA 60:3

Ndele oiwana otai ka ya kouyelele woye neehamba okeenheevilimo doye.

JEREMIA 23:5

“Taleni, omafiku otae uya, Omwene ta ti, Ame ohandi ka tutumifila David oshitutumine shouyuki, ndele ye ota ka kala ohamba ndele ta ka pangela nounongo, ndele ta diinine osho sha yuka ndele ta wanifa ouyuki moshilongo.

JEREMIA 30:9

Ndelenee otava ka kala nokulongela Omwene Kalunga kavo naDavid, ohamba yavo, ou Ame handi ke mu va nyumunina.

SAKARIA 9:9

Hafa unene, ove omona okakadona kaSion, nyakukwa pombada, omona okakadona kaJerusalem! Tala, ohamba yoye te uya kwoove! Ye omuyuki nomufindani, Ye omulixupipiki, ndele ta londo okambulu, okambulwena kokambulu okakadi.

NUMERI 24:17

Ame ohandi mu mono, ndelenee hapaife; ohandi mu tale, ndelenee hapopepi: onyofi tai ka holoka muJakob, nepangelodibo tali yeluka muIsrael. Ndele Ye ta ka teyaula eembadu domomutwe waMoab ndele ta kombo po oludalo alishe laShet.

MATEUS 2:3

Ndele ohamba Herodes eshi ye shi uda, oya haluka nOvajerusalem aveshe pamwe nayo.

MATEUS 21:5

“Lombweleni omona okakadona kaSion: ‘Tala, ohamba yoye te uya kwoove omunambili nokwa londa okambulu, okambulwena kokambulu haka longifwa.’ ”

MATEUS 27:11

Ndele Jesus okwa li ofika koshipala shomupangeli. Omupangeli okwe mu pula ndele ta ti: “Oove tuu ohamba yOvajuda?” Jesus okwa tya: “Heeno, ngaashi to ti.”

LUKAS 19:38

ndele tava ti: “Na nangekwe noupuna ohamba, ou te uya medina lOmwene, ombili omeulu nefimano opombada.”

LUKAS 2:11

Onena tuu eli mwa dalelwa Omukulili moshilando shaDavid, Oye tuu ou Kristus Omwene.

LUKAS 23:3

Pilatus okwe mu pula ndele ta ti: “Oove ohamba yOvajuda?” Ye okwe mu nyamukula ta ti: “Heeno ngaashi to ti.”

LUKAS 23:38

Ndele kombada yaye kwa tulwa yo eshangelo la shangwa mOshigreka nomOshilatina nomOshiheberi, tali ti: “OU OHAMBA YOVAJUDA.”

JOHANNES 1:49

Natanael okwa tya kuye: “Rabbi, Oove Omona waKalunga, Oove ohamba yaIsrael.”

JOHANNES 12:13

ova fola eembale domilunga nova ya ve ke mu shakeneke, ndele vo va ingida: “Hosianna! Na nangekwe noupuna, ou te uya medina lOmwene, ou ohamba yaIsrael.”

JOHANNES 18:37

Opo Pilatus okwa tya kuye: “Oove ohamba nokuli?” Jesus okwa nyamukula: “Heeno, ngaashi to ti, Aame ohamba. Onghee nda dalwa nde uya mounyuni ou, ndi hepaulule oshili. Keshe ou womoshili, ye ota udu ondaka yange.”

JOHANNES 19:19

Pilatus okwa shanga oshipalanyolo ndele te shi tulike komushiyakano. Osha shangwa ngaha: “JESUS OMUNASARETI OHAMBA YOVAJUDA.”

JOHANNES 20:28

Ndele Tomas okwe mu nyamukula, ta ti: “Omwene wange naKalunga kange.”

JOHANNES 5:23

opo aveshe va fimaneke Omona, ngaashi tava fimaneke Xe. Ou ita fimaneke Omona, oye ita fimaneke Xe ou e mu tuma.

JOHANNES 9:38

Ndele ye okwa tya kuye: “Omwene, ohandi itavele.” Ndele ta tu eengolo koshipala shaye.

OVAHEBERI 1:6

Nongaashi eshi ta eta mo vali Oshiveli shaye mounyuni, ota ti: “Novaengeli aveshe vaKalunga ove nokulinyongamena kuye.”

EHOLOLO 22:16

“Ame, Jesus, onda tuma omweengeli wange e mu hepaululile oinima ei momaongalo. Aame oshitutuma shomoludalo laDavid, onyofi yongula tai vilima.”