MALAKIA 4:3 - Ombibeli Iyapuki

³ Ndele nye otamu ka lyataula ovadinikalunga, osheshi vo otava ka ninga ngaashi ondwi koshi yeemhadi deni mefiku olo Ame handi shiti, Omwene womatanga ovakwaita ta ti.

MALAKIA 4:3 ပူးပေါင်းရင်းမြစ်များ

GENESIS 3:15

Ndele Ame ohandi ka tula outondwe pokati koye nomwalikadi nokoludalo loye nokoludalo laye. Ye ota ka nyanyaula omutwe woye ndele ove to ke mu twa moshififinwa.”

2 SAMUEL 22:39

Heeno, nde va mana po noku va teyaula, onghee inava penduka vali, ndelenee va wila koshi yeemhadi dange.

2 SAMUEL 22:43

Opo nee ame nde va nyanyaula ngaashi ondwi yedu, ngaashi ondova yomomapandavanda nde va lyataula, nde va nyanyaula.

JOB 40:12

Tala, ovaninipiki u va wilife poshi, ovahenakalunga va teyaula monhele tuu oyo ve li mo.

OMAPSALOME 147:6

Ovakwanaluhepo, Omwene ote va pamekele ofika, ndelenee eembudi ote di pundulile poshi.

OMAPSALOME 49:14

Ove lifindila moshovafi ngaashi eedi mokatomeno, efyo olo omufita wavo, nongomongula otava pangelwa kovayuki, nomalupe avo otaa lika po koshovafi, aha mone mo omutumba.

OMAPSALOME 91:13

Oto ende nokulyata onghoshi nonhoka, oto lyataula onghoshona neyoka.

JESAJA 25:10

Osheshi eke lOmwene otali ka kala kombada yomhunda ei. Ndelenee Moab ota ka lyataulilwa ponhele yaye, ngaashi oimbodi tai lyataulilwa melambo.

JESAJA 26:6

Omhadi otai shi lyataula, eemhadi deehepele nomanha ovaxupi.

OMAIMBILOKEMO 1:15

Ovaladi aveshe vange ovo ve li pwaame, Omwene e va ekelashi, Ye okwa ifanena nge oitendele yokuteyaula po ovamati vange. Omwene okwa kalela okakadona, omona waJuda, oshikololo sheeviinyu.

HESEKIEL 28:18

Molwouhapu woulunde woye, molwenyeko loye mokukumaanafana, ove wa nyateka eetembeli doye. Onghee hano Ame nda tukulula omundilo mwoove, meni loye. Oo we ku mana po, ndele Ame nde ku ninga omute kombada yedu moipafi yaaveshe tave ku tale.

DANIEL 7:18

Ndele ovayapuki vaau wOkombadambada tava ka pewa oshilongo, ndele tava ka kala nasho fiyo alushe, heeno, fiyo alushelushe.’

DANIEL 7:27

Opo nee oshiwana shovayapuki vaau wOkombadambada tashi pewa ouhamba neenghonopangelo netumbalo loilongo aishe yokoshi yeulu alishe. Oshilongo shavo osho oshilongo shaalushe, ndele omapangelo aeshe otae va fimaneke, ndele taa dulika kuvo.’

MIKA 5:8

Ndele ava va xupa muJakob mokati koiwana, tava ka kala mokati kovanhu vahapu ngaashi onghoshi mokati koifitukuti, ngaashi onghoshi onyasha mongudu yeedi. Ngeenge tai pumine mo, tai hakana notai nyanyaula, ndele kape na ou ta xupifa.

MIKA 7:10

Nomutondadi wange yo, ote ke shi mona, nohoni otai ka tuvika ou, ta ti kwaame: “Omwene Kalunga koye oku li peni?” Nokuhokwa omesho ange otae ke mu tala, opo nee ota ka lyatwa ngaashi onhata yomomapandavanda.

SAKARIA 10:5

Ndele ohava ka kala ngaashi ovaladi ava hava lyataula onhata yomomapandavanda moita, ndele vo otava ka lwa, osheshi Omwene oku li pamwe navo, novalondi veenghambe tava ka fifwa ohoni.

MALAKIA 3:17

Ndele vo otava ka ninga emona lange mefiku olo handi ke li shita, Omwene womatanga ovakwaita ta ti. Ndele Ame ohandi ke va filonghenda ngaashi omulumenhu ta file omona waye omumati onghenda, ou te mu longele.

OVAROMA 16:20

Ndele Kalunga kombili Oye ota ka nyanyaula diva Satana koshi yeemhadi deni. Efilonghenda lOmwene Jesus Kristus nali kale pamwe nanye.

EHOLOLO 11:15

Nomweengeli omutiheyali okwa shika enghuma, ndele meulu omwa udika eendaka dinene, da tya: “Ouhamba wounyuni ou wa ninga wOmwene wetu naKristus waye, ndele ta ka pangela alushe fiyo alushe.”

EHOLOLO 14:20

Oshikolelo osha kolelwa pondje yoshilando, ndele moshikolelo omo mwa dja ohonde ya hanga fiyo okoitomo yeenghambe, eekilometa omafele atatu.