MALAKIA 2:3 - Ombibeli Iyapuki

³ Taleni, Ame ohandi ka handukila omaludalo eni, ndele handi ka ekela oshandja koipala yeni, heeno, oshandja shoivilo yeni. Ndele onye vene yo tamu ka ekelwa konduba yoshandja.

MALAKIA 2:3 ပူးပေါင်းရင်းမြစ်များ

1 EEHAMBA 14:10

Tala, onghee hano Ame ohandi tumu omupya mepata laJerobeam ndele handi ka mana mo muIsrael oludalo laJerobeam ovalumenhu, keshe umwe. Ame ohandi ka komba po sheke epata laJerobeam, ngaashi oimbodi tai kombwa po, fiyo tali xulu po.

JOB 20:7

ye ota ka xula po fiyo alushe ngaashi onyata yaye mwene. Ovo ve mu mona, tava pula: ‘Openi e li?’

OMAPSALOME 47:5

Kalunga okwa londa kolukalwapangelo laye nokunyakukilwa, Omwene a ya koshipundi shaye mendudumo lomanghuma.

OMAPSALOME 83:10

ava va nyonauninwe po kuEndor, noimhu yavo ya ninga oushosho womepya.

EXODUS 29:14

Ndelenee ombelela yongobe yomhedi ekungha layo noshandja shayo shi xwika po momundilo pondje yonhanda. Olo etimbayambo.

JEREMIA 8:2

ndele taa ka nyanekwa koshipala shetango nokoshipala shohani nokoshipala shongudu aishe yomeulu (eenyofi) va li ve i hole nove i longela, ndele ve i shikula ndele tave i kongo ndele tave i linyongamene. Omakipa oo itaa ongelwa vali noitaa pakwa vali, otaa ningi oushosho womedu.

JOEL 1:10

Omapya a ninga omaputu, edu la nyika oufiye, osheshi oilya ya hanaunwa po. Omaviinyu a kuka, omaadi kae po vali.

JOEL 1:17

Eembuto da hekeshwa. Oipale ya kunghala nomaanda a tekauka po, osheshi oilya oya feta.

LEVITIKUS 26:16

opo nee naame yo handi mu ningile eshi, nokutya: Ame ohandi ke mu tumina omahaluhalu, oidinda nolwiidi nomesho taa ka twikifwa nomwenyo tau liekelele. Nye otamu ka kuna yo oshimha ombuto yeni, osheshi ovatondadi veni tave ke i lya po.

NAHUM 3:6

Ndele Ame ohandi ka ekela onyata kwoove ndele handi ku fifa ohoni nohandi ku ningi omuyolwa,

MALAKIA 2:9

Osho hano naame yo ohandi ke mu ninga ovadinwa novashundulwa poshiwana ashishe, osheshi nye itamu diinine eendjila dange ndele tamu kala mu nokatongotongo melongelo.

LUKAS 14:35

Inau wapalela mepya nomoushosho, otau ekelwashi ashike pondje. Ou e na omatwi okuuda, na ude ko.”

1 OVAKORINTO 4:13

hatu lundilwa, fye ohatu popi nombili; fye otwa talika ngaashi oshala shounyuni aushe, fye oonakweefiwa kwaaveshe fiyo onena eli.

DEUTERONOMION 28:38

“Ove oto ka kuna ombuto ihapu, ndelenee to ka teya shinini, osheshi oshipaxu tashi ke shi lya po.