LUKAS 9:41 - Ombibeli Iyapuki

⁴¹ Ndele Jesus okwe mu nyamukula ta ti: “Woo, epupi eli lihe na eitavelo nola pilalala, fiyo onaini ndi nokukala punye, noku mu lididimikila. Omona woye mu eta oku.”

LUKAS 9:41 ပူးပေါင်းရင်းမြစ်များ

2 EEHAMBA 5:8

Ndelenee Elisa, omulumenhu waKalunga, eshi a uda nokutya, ohamba yaIsrael ya pombaula oikutu yayo, okwa shiivifila ohamba: “Omolwashike ove wa pombaula oikutu yoye? Ne uye ashike kwaame, opo a shiive nokutya, muIsrael omu nomuxunganeki.”

OMAPSALOME 78:8

vo vaha kale ngaashi ooxe, ava va li va lundakana, nova xuma, oludi li nomutima u neteke, nomhepo yalo ihe kwete okutekuka kuKalunga.

EXODUS 10:3

Opo nee Moses naAron ova ya kuFarao ndele tave mu lombwele: “Omwene Kalunga kOvaheberi osho ta ti: ‘Fiyo onaini ove to anye okulininipika koshipala shange? Lekela ovanhu vange, va shiive okulongela nge.

EXODUS 16:28

Opo nee Omwene ta ti kuMoses: “Fiyo onaini tamu anye okudiinina oipango yange neemhango dange?

JEREMIA 4:14

Feta po owii wokomutima woye, ove u yele, Jerusalem, opo u shiive okuxupifwa. Fiyo onaini omadiladilo oulunde taa hondama monhulo yoye?

NUMERI 14:11

Omwene okwa lombwela Moses ndee ta ti: “Oshiwana eshi otashi ka dina nge fiyo onaini? Ndele fiyo onaini hava kala ihava itavele nge, Ame nande nda ninga omadidiliko aa aeshe mokati kavo?

NUMERI 14:27

“Oshiwana eshi shii shi nondubo tashi ngongotele nge fiyo onaini? Ame nda uda omangongoto ovana vaIsrael, vo eshi va kala nokungongotela nge,

MATEUS 11:28

“Ileni kwaame, nye amushe hamu longo nomwa lolokifwa, Ame ohandi mu pe etulumuko.

MATEUS 12:39

Ndelenee Ye okwe va nyamukula ta ti: “Epupi eli lii lovanyoni vohombo la hala edidiliko, ndele itali pewa edidiliko limwe, olo tuu alike lomuxunganeki Jona.

MATEUS 12:45

Opo nee tai i ndele tai ka konga eemhepo dikwao dii di i dule, ndele tadi i mo ndele tadi kala mo. Ndele okukala kwaxuuninwa kwomunhu ou, otaku ningi kwii ku dule kwinya kwotete. Hano epupi eli lii osho tali ningilwa.”

MATEUS 16:4

Epupi eli olii nolovanyoni vohombo ovo va hala edidiliko, ndele vo itava pewa edidiliko limwe olo tuu eli laJona.” Ndele okwe va fiya po ndele ta i.

MATEUS 17:17

Jesus okwa nyamukula ndele ta ti: “Woo, ove epupi lihe neitavelo nola pilalala, ofiyo onaini ndi nokukala punye? Ndele ofiyo onaini ndi noku mu lididimikila? Mu eteni kwaame.”

MATEUS 23:36

Oshili handi mu lombwele: aishe ei otai uya kombada yepupi eli.

MATEUS 3:7

Ndelenee eshi a mona Ovafarisai nOvasadukai vahapu ve uya keshasho laye, okwa tya kuvo: “Oludalo lomayoka nye, olyelye e mu longa okuya onhapo ehandu olo tali uya?

MARKUS 10:14

Ndele Jesus eshi e shi mona, okwa umana, ndele ta ti kuvo: “Efeni ounona ve uye kwaame nye inamu va kelela ko, osheshi ouhamba waKalunga owaava ve li ngaashi ava.

MARKUS 10:49

Opo Jesus okwa kanghama, ndele ta ti: “Mu ifaneni oku.” Ova ifana omupofi ndele tava ti kuye: “Kala nomwenyo muwa, fikama, Ye ote ku ifana.”

MARKUS 9:19

Ndele Ye okwe va nyamukula a tya: “Woo, oove epupi lihe na eitavelo fiyo onaini ndi nokukala punye? Fiyo onaini ndi noku mu lididimikila? Mu eteni kwaame.”

LUKAS 8:25

Ndelenee Ye okwe va lombwela: “Eitavelo leni oli li peni?” Vo ova tila, va kumwa ndele ova tongafana: “Ou olyelye, eshi ta lombwele omhepo nomeva, ndele taa dulika kuye.”

LUKAS 9:40

Ndele ame onda ilikana ovalongwa voye ve i te mo, ndele ova nyengwa.”

LUKAS 9:42

Ndele omumati fimbo kwa li te uya, omhepo ya nyata oye mu pundaula ndele ye mu kama neenghono. Ndele Jesus okwa hanyena omhepo ya nyata nokwa velula omumati ou, ndele okwe mu shunina xe.

JOHANNES 14:9

Jesus te mu lombwele: “Ame onda li punye efimbo lile, ove ku shii nge, Filippus? Ou a mona nge, oye a mona Tate. Ove oto ti ngahelipi: ‘Tu ulikila Xo?’

JOHANNES 20:27

Ndele okwa lombwela Tomas: “Eta omunwe woye oku, ove u tale omake ange, ove u yelule eke loye, u li twe molupati lange, ndele ove ino kala nakuhaitavela, ndelenee kala omwiitaveli.”

OILONGA YOVAYAPOSTOLI 13:18

Ndele okwe lididimikila eenghedi davo mombuwa efimbo li fike lwopomido omilongo ine,

OILONGA YOVAYAPOSTOLI 2:40

Ndele neendjovo dihapu di lili ye a hepaulula nokwe va kumaida ta ti: “Liyandjeni nye mu xupifwe mo moludalo eli la pilalala.”

OVAROMA 2:4

Ile oto dini ouyadi wouwa nowonheni nowomutima mule waye, ndele ove ino shiiva ouwa waKalunga tau ku shilile kelidilululo?

DEUTERONOMION 32:5

Vo ove mu pwidukila. Vo va li vehe fi ovana vaye, ndelenee oshififohoni, epupi la lunduka nola pilauka.

OVAHEBERI 3:19

Ndele fye otu wete kutya, omolwokuhaitavela kwavo inava dula okuya mo.

OVAHEBERI 4:11

Hano tu diinineni tu fike metulumuko olo, paha kale nande umwe ta punduka nokushikula oshihopaenenwa shokuhadulika ngaashi venya.

OVAHEBERI 4:2

Osheshi eendjovo diwa otwe di udifilwa yo ngaashi venya, ndelenee eendjovo deudifo inadi va kwafa, osheshi inadi kwatafana meitavelo noonaku di uda.

OVAHEBERI 7:25

Onghee hano ota dulu yo okuxupifa shili ava tava ehene kuKalunga mokweendela muye, shaashi oku nomwenyo alushe, e va ilikanene.