LUKAS 9:22 - Ombibeli Iyapuki

²² ndele ta ti: “Omona wOmunhu e na okuhepekwa unene nokweekelwashi kovakulunhu nokovapristeli ovakulunhu nokovanongo vomishangwa, Ye e nokudipawa, ndele efiku etitatu oku nokunyumuka.”

LUKAS 9:22 ပူးပေါင်းရင်းမြစ်များ

GENESIS 3:15

Ndele Ame ohandi ka tula outondwe pokati koye nomwalikadi nokoludalo loye nokoludalo laye. Ye ota ka nyanyaula omutwe woye ndele ove to ke mu twa moshififinwa.”

DANIEL 9:26

Ndele oivike omilongo hamano naivali ngeenge ya pita, Omuvaekwa ota dipawa, ndele hamolwaye mwene. Oshilando notembeli otai ka hanaunwa kovanhu vomupangeli te shi totele, ndele exulilo laye tali ka kala mefundja. Ndele fiyo okexulilo tapa kala omalwoodi nomahanauno, ngaashi sha tokolwa.

SAKARIA 13:7

Eongamukonda, pendukila omufita wange, nomulumenhu wopwaamelela, Omwene womatanga ovakwaita ta ti! Denga omufita, eedi opo di lihane. Ndele Ame ohandi ka yambidida ava vaxupi nokwooko kwange.

MATEUS 17:12

Ndelenee ohandi mu lombwele, Elia okwa ile mo, ndele vo inave mu koneka, nove mu ningila eshi va hala. Osho tuu Omona wOmunhu ota ka hepekwa kuvo.”

MATEUS 17:22

Ndele eshi va li tava endaenda pamwe muGalilea, Jesus ta ti kuvo: “Omona wOmunhu ota ka yandjwa momake ovanhu,

MATEUS 27:63

ndele tava ti: “Omwene, otwa dimbulukwa, omupukifi winya fimbo kwa li e nomwenyo, okwa tile: ‘Ngeenge pwa pita omafiku atatu, ohandi nyumuka.’

MARKUS 8:31

Ndele Ye a hovela oku va longa, Omona wOmunhu nhumbi e nokuhepekwa shili, ndele ta ka ekelwashi kovakulunhu nokovapristeli ovakulunhu nokovanongo vomishangwa, ota ka dipawa, ndele ngeenge pa piti omafiku atatu, ota ka nyumuka koufi.

MARKUS 9:31

Osheshi okwa longa ovalongwa vaye, ndele okwa tya kuvo: “Omona wOmunhu ota ka yandjwa momake ovanhu, ndele ovo tave mu dipaa, ndele eshi a dipawa, ndele tapa piti omafiku atatu, ota ka nyumuka koufi.”

LUKAS 17:25

Ndele tete oye e nokuhepekwa unene ndele ta ekelwashi kepupi eli.

LUKAS 24:26

Hayo tuu ei Kristus kwa li e noku i humbata nokuya moshinge shaye?”

LUKAS 24:44

Ndele Ye okwa tya kuvo: “Oyo ei nda popya meendjovo odo nde di mu lombwelele fimbo nda li punye, eshi nda tile aishe ei ya shangelwa nge momhango yaMoses nomovaxunganeki nomomapsalome oi nokuwanifwa.”

LUKAS 24:7

eshi a tile: ‘Omona wOmunhu e nokuyandjwa momake ovalunde nokuvalelwa komushiyakano, nefiku etitatu e nokunyumuka.’ ”

LUKAS 9:44

“Eendjovo edi di kwateleni momatwi eni. Omona wOmunhu ta yandjwa momake ovanhu.”

1 OVAKORINTO 15:4

Ndele Ye okwa pakwa, nefiku etitatu okwa nyumunwa pamishangwa,

1 PETRUS 1:11

va konakona efimbo lilipi ile la tya ngahelipi Omhepo yaKristus yomuvo ye li hepaulula, eshi va xunganeka okuhepekwa kwaKristus nefimano tali shikula.