LUKAS 8:47 - Ombibeli Iyapuki

⁴⁷ Ndele omukainhu eshi a mona ita dulu vali okuhondama, okwa holoka nee, ta kakama, okwa wila poshi puye, ndele okwa hepaululila moipafi yovanhu aveshe eshi e mu kumina, nanhumbi a veluka okafimbo tuu oko.

LUKAS 8:47 ပူးပေါင်းရင်းမြစ်များ

OMAPSALOME 2:11

Kaleleni Omwene netilo, nyakukweni nokukakama.

OMAPSALOME 38:9

Omwene, eshi nda hala, ashishe ou shi shii, netwo lomadima ange inali ku holekwa.

OMAPSALOME 66:16

Ileni amushe, mu pwilikine, nye ava hamu tila Kalunga, ndi mu hepaululile ashishe, eshi Ye a ningila omwenyo wange.

JESAJA 66:2

Osheshi eke lange ola ninga oinima ei aishe, nosho aishe ei oya holoka, Omwene ta ti. Ndelenee Ame ohandi ka tala komufyoona nakwaau e nomhepo ya nyanyaulwa, ndele ta kakama molwondjovo yange.

HOSEA 13:1

Efraim shamha a popya, opa holoka etilo. Ye okwa fimanekwa muIsrael. Ndelenee okwa velwa ombedi molwaBaal nokwa fya.

HOSEA 5:3

Efraim, ondi mu shii, naIsrael ina holekwa koshipala shange. Osheshi ove, Efraim owa teya ohombo paife. Israel okwe linyateka.

HABAKUK 3:16

Onda uda eshi nolutu lange talu kakama. Onghuwo eshi tai kuu, omilungu dange tadi dedema. Otwila tai shiti momakipa ange. Ame nda kala ofika ponhele imwe nokukakama, osheshi ondi nokumwena nokuteelela efiku loudjuu, mulo oshiwana shange tashi ka totelwa.

MATEUS 28:8

Ndele opo nee ova dja ko kombila diva nokutila nokuhafa pombada, ndele va tondoka va ka twalele ovalongwa vaye ondaka.

MARKUS 5:33

Omukainhu okwa kala a tila ndele ta kakama, osheshi okwa li e shi shii nhumbi a ningilwa, okwe uya ndele ta wile komesho yaye, ndele te mu hepaululile oshili aishe.

LUKAS 8:46

ndelenee Jesus okwa tya: “Umwe okwa kuma nge, osheshi onda uda mwaame mwa dja eenghono.”

LUKAS 8:48

Nokwa tya kuye: “Omumwange, eitavelo loye le ku velula, inda nombili.”

OILONGA YOVAYAPOSTOLI 16:29

Opo nee a indila omundilo nokwa tondokela mo, ndele a wila poshi keemhadi daPaulus naSilas;

1 OVAKORINTO 2:3

Eshi nda li punye onda li ndi noungone noumbada nokukakama neenghono,

2 OVAKORINTO 7:15

Ndele omutima waye owe mu kenukila shili, eshi ta dimbulukwa eduliko leni amushe, nhumbi mwe mu tambula nokutila nokukakama.

OVAFILIPPI 2:12

Onghee hano ovaholike vange, ngaashi mwa kala hamu dulika alushe, longeni shili nokutila nokukakama mu xupifwe, hasheshi ndi li mokati keni ashike, ndelenee unene paife, eshi ndihe po punye,

OVAHEBERI 12:28

Onghee hano eshi hatu pewa ouhamba itau kakama, tu kaleni nokupandula, nosho ngaha tu longeleni Kalunga noutile uyapuki noumbada, noku mu wapalela.

1 SAMUEL 16:4

Ndele Samuel a ninga ngaashi Omwene e mu lombwela. Ndele ye eshi e uya kuBetlehem, ovakulunhu voshilando ve uya nokukakama tave mu shakeneke ndee tava pula: “Euyo loye olombili tuu?”