LUKAS 8:2 - Ombibeli Iyapuki

² ngaashi yo ovakainhu vamwe ava va li ve neemhepo dii nomaudu, ndele ova li va velulwa: Maria ou a ifanwa Magdalena, mwaau eendemoni heyali da tewa mo,

LUKAS 8:2 ပူးပေါင်းရင်းမြစ်များ

MATEUS 4:24

Ndele etumbalo laye la udika muSiria ashishe, ndele ovo va eta kuye aveshe va li ve noudu u lili nau lili, nouyehame, naava ve neendemoni, novanashinhona, oonakuvela ombada, nokwe va velula aveshe.

MARKUS 16:1

Ndele Eshabata eshi la xula, Maria Magdalena naMaria, ina yaJakob naSalome ova landa omuvavo wedimba liwa, ve ke mu vaeke.

MARKUS 16:9

Ndelenee Ye eshi a nyumuka efiku lotete loshivike ongula inene, okwa holokela tete Maria Magdalena, mwaau a ta mo eendemoni 7.

LUKAS 23:27

Nongudu inene yovanhu oye mu shikula, ovakainhu yo ovo tave mu kwenaukile notave mu lilile.

LUKAS 23:49

Ndele ovashiivikile vaye aveshe ova kala ofika kokule naye, osho yo ovakainhu venya va dile naye kuGalilea ve mu shikula ndele ova tala ashishe eshi.

LUKAS 23:55

Novakainhu venya va dile naye kuGalilea, ove mu shikula, ndele ova tala ombila noshimhu nhumbi sha nangekwa mo.

LUKAS 8:30

Jesus okwe mu pula: “Edina loye olilipi?” Ye a tya: “Ongudu yakula,” osheshi eendemoni dihapu da ya muye.

JOHANNES 19:25

Ndele pomushiyakano waJesus opa kala ofika ina nomumwaina waina naMaria omukainhu waKleopas, naMaria Magdalena.

OILONGA YOVAYAPOSTOLI 1:14

Ndele ovo aveshe ova kala nomutima umwe va diinina mokwiilikana pamwe naMaria, ina yaJesus, novakainhu oovakwao pamwe novamwaina vaJesus ovalumenhu.