LUKAS 8:13 - Ombibeli Iyapuki

¹³ Ndele edi domemanya ovovo hava pwilikine eendjovo, ndele have di tambula nehafo, ndele vehe na omidi, ohava itavele okafimbo, ndele efiku leyeleko otava efa.

LUKAS 8:13 ပူးပေါင်းရင်းမြစ်များ

JOB 19:28

“Nye eshi tamu ti: ‘Otu noku mu nangela ngahelipi?’ Mwaame vati tamu monika efina loshinima,

OMAYELETUMBULO 12:12

Omuhenakalunga te lihalele oikongwa yaava vai, ndelenee omudi wovayuki otau eta oiimati.

OMAYELETUMBULO 12:3

Kape nomunhu ta dulu okulikaleka nomwenyo molwouhenakalunga. Ndelenee omudi wovayuki itau tengauka.

JESAJA 58:2

Vo otava pula nge keshe efiku vati nova hala ounongo weendjila dange! Ngaashi oshiwana tashi wanifa ouyuki noitashi efa eufo laKalunga kasho. Ohava pula nge omatokolo mayuki, va hala okweehena kuKalunga.

HESEKIEL 33:32

Ndele tala, ove u li kuvo ngaashi eimbilo lohole, la imbwa nawa nola shikwa nawa nokaxumbafeta. Vo ohava udu eendjovo doye, ndelenee ihave di wanifa.

HOSEA 6:4

Akutu Efraim, ohandi ku ningi ngahelipi, akutu Juda, ohandi ku ningi shike, eshi ohole yeni i li ngaashi oshilemo shongula, nongaashi omume tai yaumuka diva?

MARKUS 6:20

Osheshi Herodes okwa tila Johannes, eshi a li e mu shii, oye omulumenhu omuyuki nomuyapuki, ndele okwe mu amena. Ndele moku mu pwilikina okwa limbililwa koinima ihapu, ndele okwa hokwa oku mu pwilikina.

LUKAS 8:12

Domondjila ovava tave di pwilikine, ndele opo nee Satana ote uya ndele ta kufa mo eendjovo momitima davo, vaha itavele vo vaha xupifwe.

LUKAS 8:14

Ndele odo da wila meeshosholo ovava hava pwilikine, ndele mokweenda kwavo otava fi oshuunguungu shoisho youpuna noyomahafo okukalamwenyo oku, ndele itava tilyaneke oiimati.

JOHANNES 15:2

Oshitai keshe shi li mwaame eshi itashi imi, Oye ote shi tete po, nakeshe tuu eshi tashi imi ote shi yeleke, shi ime shili.

JOHANNES 15:6

Ou ita kala mwaame, oye ota ekelwashi ngaashi oshitai, ndele tashi kukuta; oyo tai ongelwa ndele tai ekelwa momundilo ndele tai pile mo.

JOHANNES 5:35

Winya okwa li oshela ya xwama ndele ya minikila, ndelenee nye omwa hala okunyakukwa okafimbo kaxupi mouyelele waye.

1 OVAKORINTO 13:2

Nonande ondi kale ndi noshali yokuxunganeka nondi shiive oiholekwa aishe nondi kale ndi neshiivo alishe, ndele nande ondi kale ndi neitavelo alishe lokudikula eemhunda, ndelenee ame nghi nohole, ame nghi fi sha.

1 OVAKORINTO 15:2

olo tuu olo tamu xupifilwa yo mulo, ngeenge tamu li diinine li kale ngaashi nde li mu udifila, ngeenge inamu li itavela oshimha.

OVAGALATI 3:1

Woo Ovagalati nye, omalai! Olyelye e mu pililika, muha dulike koshili, nye ava Jesus Kristus mwe mu fanekelwa moipafi yeni omuvalelwa komushiyakano?

OVAGALATI 3:4

Oshike mwe litwika oudjuu u fike apa epwanga? Ngeenge epwanga shili.

OVAEFESO 3:17

Kristus opo a kale momitima deni okokwiitavela, opo mu kale mwa twamifwa nomwa dikwa mohole,

OVAKOLOSSI 1:23

ngeenge tamu kala meitavelo, mwe likanghameka mulo, mwa pamenena mo, muha tengauke meteelelo levaengeli eli mwe li uda nola udifilwa ovashitwa aveshe vokoshi yeulu, olo tuu eli ame Paulus nda ninga omuyakuli walo.

OVAKOLOSSI 2:7

nokutwama nokulitungila muye nokulipamekela meitavelo, ngaashi mwa longwa, nye mu kale mwa yada omapandulo.

1 OVATESSALONIKI 3:5

Onghee hano eshi nda nyengwa okulididimika vali, onda tuma ko, ndi ude eitavelo leni, paha ningwe, omuhongauli e mu hongaule ngeno, ndele oshilonga shetu pamwe sha ninga shongaho.

1 TIMOTEUS 1:19

nokudiinina eitavelo neliudo liwa, olo la ekelwashi kuvamwe, noskepa yeitavelo lavo oya teka po.

OVAHEBERI 10:39

Ndelenee fye katu shi ovashunimonima voku ka kana, ndelenee ofye hatu itavele, eemwenyo detu di xupifwe.

JAKOB 2:26

Osheshi ngaashi olutu lihe nomhepo, la fya, osho yo neitavelo lihe noilonga, ola fya.

2 PETRUS 2:20

Osheshi nande ova dja onhapo eenyata dounyuni, mokukoneka Omwene nOmuxupifi Jesus Kristus, ndele otava yulwa vali notava findwa kudo, hano oxuuninwa yavo oii i dule yotete.

2 PETRUS 2:22

Ndelenee vo ova ningwa ngaashi omayeletumbulo ashili taa ti: “Ombwa otai alukile konghungo yayo, noshingulu sha koshwa otashi alangatele monhata.”

1 JOHANNES 2:19

Vo ova dja mufye, ndelenee kava li ve noukumwe nafye; osheshi ngeno ova li ve noukumwe nafye, ngeno ova kala nafye; ndelenee osha li shi nokuholoka muvo, haaveshe vomufye.

JUDAS 1:12

Moivilo yeni yohole ovo omalopyolopyo ohoni vehe na ouxwenge mokulya nanye nokuxwaka. Ovo va fa oilemo ihe nomeva tai tewatewa komhepo, ovo va fa omiti dopokufu da yaumuka, dihe noiimati, ya fya luvali, va dudwa mo nomidi.