LUKAS 8:10 - Ombibeli Iyapuki

¹⁰ Ndele Ye okwa tya: “Nye mwa pewa okushiiva oiholekwandunge youhamba waKalunga, vamwe tava lombwelwa momafaneko, opo vaha mone nande ohava tale, novaha koneke, nande ohava udu ko.

LUKAS 8:10 ပူးပေါင်းရင်းမြစ်များ

OMAPSALOME 25:14

Eendafano lOmwene oli li naava have mu tila; ndele te va shiivifa ehangano laye.

JESAJA 29:14

onghee hano tala, koshiwana eshi ohandi ka ninga natango oikumwifalonga, oilonga yonghumwe, ndele tai nyenge eendunge, nounongo wovanongo vavo otau xulu po, neendunge dovanaendunge vavo otadi shiti.”

JESAJA 44:18

Vo kave shi shii, ndele kave udite ko, osheshi omesho avo okwa fifikinifwa, vaha mone ko, nomitima davo opo va kale vehe udite ko;

JESAJA 6:9

Ndele Ye okwa tonga: Inda u ka lombwele oshiwana eshi u tye: “Okuuda ohamu udu, nye kamu udite ko, nokumona ohamu mono ko, nye itamu koneke sha.

JEREMIA 5:21

Pwilikineni onye omalai, muhe neendunge, ve nomesho, vo ihava mono ko, nove nomatwi, vo ihava udu ko.

HESEKIEL 12:2

“Kaana komunhu, ove u li mokati kovanhu veumbo lovatangalali, ava ve nomesho okutala, ndele kave wete ko. Vo ve nomatwi okuuda, ndelenee itava udu ko, osheshi vo eumbo lovatangalali.

MATEUS 11:25

Opomafiku enya Jesus okwa popya ndele ta ti: “Ohandi ku hambelele, Tate, Omwene weulu nowedu, osheshi oinima ei Ove we i holeka ovanongo novanaendunge, ndele we i hololela eehanana.

MATEUS 16:17

Jesus okwe mu nyamukula ndele ta ti: “Oove omunelao, Simon yaJona, osheshi hambelela nohonde ye ku hololela osho, ndelenee oTate meulu.

MARKUS 4:11

Ye okwa tya kuvo: “Nye omwa pewa okushiiva oshiholekwa shouhamba waKalunga, ndele venya vopondje otava pewa aishe momafaneko,

MARKUS 4:12

opo va kale ve wete ko, vo vaha koneke, opo va kale nokuuda, ndele vehe udite ko, opo vehe lidilulule, novaha diminwe po omatimba avo.”

JOHANNES 12:40

“Omesho avo e a twikifa, nomitima davo e di kukutika, vaha mone ko nomesho avo, ndele vaha ude ko komutima, vo vehe lidilulule, Ame ndihe va velule.”

OVAROMA 16:25

Hano, ou e neenghono oku mu pameka opavaengeli lange nopaudifo laJesus Kristus, pashiholekwa eshi sha hololwa, osho sha li inashi hololwa momafimbo onale,

1 OVAKORINTO 12:11

Ndelenee aishe ei otai longwa kOmhepo tuu ei imwe, ta tukulile keshe tuu shaye ngaashi ya hala.

DEUTERONOMION 29:4

Ndelenee Omwene ine mu pa omutima okushiiva, nomesho okumona nomatwi okupwilikina fiyo onena.

OVAKOLOSSI 2:2

opo omitima davo da kwatafana mumwe mohole, di tuwe ouladi okutambula oupuna aushe weendunge da wana, nova longwe okushiiva oshiholekwa shaKalunga, osho oKristus.

1 TIMOTEUS 3:16

Nosha shiivika nawa shili nokutya, oshiholekwa shelao lomuKalunga osho oshinene: Kalunga a holoka mombelela, okwa yukipalifwa mOmhepo, okwa monika kovaengeli, okwa udifilwa mokati koiwana, okwa itavelwa mounyuni, okwa tambulwa mefimano.