LUKAS 7:44 - Ombibeli Iyapuki

⁴⁴ Ndele mokupungulukila komukainhu okwa tya kuSimon: “Omukainhu ou mu wete ou? Ame nde uya meumbo loye, ove ino pa nge omeva okukosha eemhadi, ou a tutika eemhadi dange nomahodi ndele okwe di fetifa eexwiki daye.

LUKAS 7:44 ပူးပေါင်းရင်းမြစ်များ

GENESIS 18:4

Etelweni omeva manini mu koshe eemhadi deni ndele nangaleni mu tulumukwe momudile womuti.

GENESIS 19:2

ndele ta ti: “Oovene vange, ileni meumbo lomupiya weni, mu nangale mo nye mu koshe eemhadi deni, opo mu shiive okumeneka tamu twikile ondjila yeni.” Ndele vo ova nyamukula: “Ahowe, fye ohatu ka nangala pondje.”

GENESIS 43:24

Nomulumenhu winya okwa eta ovalumenhu meumbo laJosef, nokwe va pa omeva, ndele vo va kosha eemhadi davo. Ye okwa pa eendongi davo yo eendja.

2 SAMUEL 11:8

Ndele David ta lombwele Uria: “Inda keumbo loye u koshe eemhadi doye.” Ndele Uria okwa dja kongulu youhamba noshali yohamba ye mu shikula.

LUKAS 7:38

Nokwa ehena konima yaye peemhadi daye, ta lili, ndele ta hovele okututika eemhadi daye nomahodi ndele te di pushula neexwiki dokomutwe waye, ndele ta fipi eemhadi daye ndele te di vaeke nomaadi a nyika nawa.

LUKAS 7:43

Ndele Simon okwa nyamukula, ta ti: “Ndishi oye ou a diminwa po dihapu.” Ye okwa tya kuye: “Wa tokola nawa.”

JOHANNES 13:5

Ndele Ye okwa tila omeva moshiyaxa shokulikoshela, ndele okwa hovela okukosha eemhadi dovalongwa, ndele te di pushula noshifanduke eshi e limanga nasho.

1 TIMOTEUS 5:10

ndele a hepaululwa a longa oilonga iwa ndele a tekula ounona vaye nokuyakula ovaenda, ndele a kosha eemhadi dovayapuki nokwa kwafa ovahepekwa, ndele okwa diinina oshilonga keshe shiwa.

JAKOB 2:6

Ndelenee nye omwa dina ohepele. Ava have mu hepifa ndele tave mu twala kovatokoli, haipuna hamba?

OVATOKOLIPANGELI 19:21

Opo nee ye e va twala meumbo laye ndele ta pe eendongi eendja. Ndele vo eshi va kosha eemhadi davo, va lya ndele tava nu.

1 SAMUEL 25:41

Ndele ye a kala ofika nokwe linyongamena poshi ndele ta ti: “Tala, omupiya woye omukainhu a hala a ninge omupika womwene wange a koshe eemhadi dovapiya vomwene wange.”