LUKAS 7:40 - Ombibeli Iyapuki

⁴⁰ Ndele Jesus okwe mu nyamukula ta ti: “Simon, ondi na ondjovo oku ku lombwela.” Ye okwa tya: “Omuhongi, popya.”

LUKAS 7:40 ပူးပေါင်းရင်းမြစ်များ

1 EEHAMBA 2:14

Ye ta ti vali: “Ame ndi nondjovo naave.” Ndele winya ta ti: “Popya.”

HESEKIEL 33:31

Ndele vo otave uya kwoove ngaashi ovanhu tava ongala ndele tava kala omutumba moipafi yoye ngaashi ovanhu vange, ndele tava udu eendjovo doye, ndelenee ihave di wanifa. Osheshi vo ohava holola ohole yavo nokanya kavo, ndelenee omitima davo tadi shikula okulikola kwavo kwoulunde.

MALAKIA 1:6

Omona ta fimaneke xe, nomupiya omwene waye! Aame ngeenge oxo, efimaneko lange oli li peni? Naame ngeenge Omwene, etilo lokutila nge oli li peni? Omwene womatanga ovakwaita ta ti kunye ovapristeli, ohamu dini edina lange! Ndelenee nye tamu ti: Edina loye otwe li nyateka ngahelipi?

MATEUS 26:49

Ndele okwa ya kuJesus divadiva ndele ta ti: “Rabbi, wa tokelwa!” Ndele te mu fipi komulungu.

MATEUS 7:22

Efiku olo vahapu otava ti kwaame: ‘Omwene, Omwene, hafye tuu ovo twa xunganekele medina loye notwa ta mo eendemoni medina loye notwa longa oilonga ihapu yeenghono medina loye?’

LUKAS 18:18

Ndele elenga limwe le mu pula tali ti: “Omuhongi muwa, ondi nokulonga shike, ndi fyuulule omwenyo waalushe?”

LUKAS 5:22

Ndele omadiladilo avo eshi Jesus kwa li e a shii, okwe va nyamukula ta ti: “Tamu diladila shike momitima deni?

LUKAS 5:31

Ndele Jesus okwe va nyamukula ta ti: “Ava ve li nawa ihava pumbwa omuveluli, ndelenee ovanaudu ovo tuu aveke.

LUKAS 6:8

Ndele ye okwa li e shii omadiladilo avo, ndele ta ti komulumenhu, ou e neke la fya: “Fikama u ehene oku.” Ou okwa fikama ndele te uya po.

LUKAS 7:39

Ndele Omufarisai ou e mu ifana eshi e shi mona, okwe lipopila mwene meni laye, ta ti: “Ou ngeno omuxunganeki, ngeno a koneka omukainhu ou omushike nokwa tya ngahelipi, nokutya, ye omulunde.”

LUKAS 7:41

“Okwa li ku nomuyandji woikolo e novanhu vavali ve mu lila oikolo, umwe okwe mu lila oikolo yeedenari omafele atano, nomukwao omilongo itano.

JOHANNES 13:13

Nye otamu ifana nge Omuhongi nOmwene, ndele ohamu tongo sha yuka, osheshi Aame tuu ou.

JOHANNES 16:19

Ndele Jesus eshi a koneka vo va hala oku mu pula, okwa tya kuvo: “Otamu pulafana eshi nda tya: ‘ope nokafimbo kaxupi, ndele itamu mono nge, ndele ope na vali okafimbo kaxupi, ndele tamu mono nge?’

JOHANNES 16:30

Paife otu shi shii, oinima aishe Ove ou i shii, Ove ino pumbwa umwe e ku pule sha. Onghee hatu itavele, Ove wa dja muKalunga.”

JOHANNES 3:2

Ye okwe uya kuJesus oufiku ndele ta ti kuye: “Rabbi, otu shi shii, oove omulongi wa dja kuKalunga, osheshi kape na ou ta dulu okuninga oikumwifalonga ei to i ningi, Kalunga ngeenge ke li pamwe naye.”