LUKAS 7:38 - Ombibeli Iyapuki

³⁸ Nokwa ehena konima yaye peemhadi daye, ta lili, ndele ta hovele okututika eemhadi daye nomahodi ndele te di pushula neexwiki dokomutwe waye, ndele ta fipi eemhadi daye ndele te di vaeke nomaadi a nyika nawa.

LUKAS 7:38 ပူးပေါင်းရင်းမြစ်များ

GENESIS 18:4

Etelweni omeva manini mu koshe eemhadi deni ndele nangaleni mu tulumukwe momudile womuti.

ESRA 10:1

Ndele fimbo Esra ta indile ndele ta wile eombe mokulila, ndele ta hepaulula komesho yongulu yaKalunga, muIsrael mwa dja ongudu inene yovalumenhu noyovakainhu nounona tave uya kuye, osheshi ovanhu va lila nokulililila.

OMAPSALOME 38:18

Akutu, ohandi ku hepaululile owii wange, nonda nyika oufiye omolwomatimba ange.

OMAPSALOME 51:17

Omayambo aa a halika kuKalunga, oo omhepo ya teyauka. Omutima, ou wa teyauka nowa alamekwa, oo nee, Kalunga ito u dini.

OMUUDIFI 9:8

Oikutu yoye nai kale alushe i yela, nomaadi komutwe woye aha pumbwe ko.

EIMBILOELELA 1:3

Omivavo doye da nyika edimba liwa, edina loye omaadi a tilwa po, onghee hano ovakainhu ovanyasha ve ku hole.

JESAJA 57:9

Ndele ove wa ya kuMolek u nomaadi, ndele wa ninga omuvavo woye muhapu; ndele ove wa tuma ovatumwa voye keenhele dokokule, heeno, mokule fiyo omoshovafi.

JESAJA 61:3

okudika komutwe woonakunyika oluhodi vaSion, embale loulenga ponhele yomute, nomuvavo wehafo ponhele yoluhodi, oshikutu shehambelelo ponhele yomhepo ya djuupala; opo vo va ifanwe omiti domiterebinti douyuki, oshikunino shOmwene shoku mu fimanekifa.

JEREMIA 31:9

Otava aluka nokulila. Ndele Ame handi va endifa, eshi hava ende nokwiilikana. Ohandi va twala komakungulukilo omeva nondjila oyo ya yelakana, itava punduka nande. Osheshi Aame Xe yaIsrael, naEfraim oye oshiveli shange.

JOEL 2:12

Ndelenee natango tuu Omwene ta ti: “Alukeni kwaame nomutima weni aushe nokulidilika nokulila nokunyika oufiye.

SAKARIA 12:10

Ndele ohandi ka tilila keumbo laDavid nokombada yoonakukalamo muJerusalem Omhepo yonghenda noyeilikano. Ndele otava ka tala ou a tuwa kuvo. Ndele otave ke mu lila ngaashi ewifa tali lilwa, ndele tave ke mu lilila unene, ngaashi oshiveli ta nyikilwa unene oluhodi.

MATEUS 5:4

“Ovanelao ovo va nyika oluhodi, osheshi ovo tava ka hekelekwa.

LUKAS 22:62

Ye okwa pita pondje, ndele okwa lila nokulililila.

LUKAS 6:21

“Ovanelao nye ovo mwa fya ondjala paife, osheshi nye otamu ka kutifwa. Ovanelao nye ava tamu lili paife, osheshi otamu ka yola.

LUKAS 7:37

Ndele tala, moshilando omo omwa li mu na omukainhu omulunde, ye eshi a uda kutya Jesus e li meumbo lOmufarisai e li omutumba poshililo, okwe uya mo e noshanga yomaadi a nyika nawa unene.

LUKAS 7:39

Ndele Omufarisai ou e mu ifana eshi e shi mona, okwe lipopila mwene meni laye, ta ti: “Ou ngeno omuxunganeki, ngeno a koneka omukainhu ou omushike nokwa tya ngahelipi, nokutya, ye omulunde.”

JOHANNES 11:2

Maria oye ou a vaekele Omwene nomaadi, neemhadi e di pushulile neexwiki daye dokomutwe, hano omumwaina, Lasarus, okwa li ta vele.

JAKOB 4:9

Shiiveni oluhepo leni, nyikeni oluhodi nokulila; okuyola kweni naku shituke oluhodi, nehafo leni nali shituke oufiye.