LUKAS 7:33 - Ombibeli Iyapuki

³³ “Osheshi Johannes Omushashi e uya ina lya omungome, ye ina nwa omaviinyu, nye otamu ti: ‘Oku kwetiwe kondemoni.’

LUKAS 7:33 ပူးပေါင်းရင်းမြစ်များ

MATEUS 10:25

Osha wanena omulongwa, ngeenge ta ningwa ngaashi omulongi waye, nomupiya ngeenge ta ningwa ngaashi omwene waye. Mwene weumbo ngeenge ve mu ifana Belsebul, hano unene tuu ovaneumbo vaye osho tave va ifana.

MATEUS 3:1

Momafiku enya Johannes Omushashi okwa holoka, ndele ta udifile mombuwa yaJudea

MATEUS 3:4

Ndele Johannes okwa li ha djala oshikutu sholududi longamelo, nekwamo loshipa moshiya shaye; eendja daye odo oshipaxu nomaadi eenyiki.

MARKUS 1:6

Ndele Johannes okwa li a djala oshikutu sholududi longamelo nekwamo loshipa moshiya shaye, ndele okwa li ha li oshipaxu nomaadi eenyiki.

LUKAS 1:15

Osheshi ye ota ningi omunene koshipala shOmwene, omaviinyu nomeva keshe haa kolwifa ite a nu, ota yadifwa Omhepo Iyapuki fimbo e li medimo laina.

LUKAS 7:32

Vo ova fa ounona ve li omutumba poilandelo, tava ingidafana ndele tava ti: ‘Otwe mu shikila eenyalilo, nye inamu tutula oudano; notwa imba omaimbilo eenghali, ndele onye inamu lila.’

LUKAS 7:34

Omona wOmunhu e uya, ha li ndele ha nu, nye otamu ti: ‘Tala, omufukenhu ou nongholwe, kaume kovafendelifi nokovalunde.’

JOHANNES 10:20

Ndele vahapu vavo va tya: “Ye oku na ondemoni, ndele ta i eenghwengu; oshike tamu mu pwilikinine?”

JOHANNES 8:48

Opo nee Ovajuda va nyamukula tava ti kuye: “Inatu popya mbela da yuka, eshi twa tya, Oove Omusamaria nou na ondemoni?”

JOHANNES 8:52

Opo Ovajuda ova tya kuye: “Paife otu shi shii nee ou na ondemoni. Abraham okwa fya novaxunganeki, ndele ove to ti: ‘ngeenge pe na ou ta diinine eendjovo dange, ita ka makela efyo fiyo alushe.’

OILONGA YOVAYAPOSTOLI 2:13

Ndele vakwao ve va sheka tava ti: “Vo ova kumwa omaviinyu manyenye.”