LUKAS 7:22 - Ombibeli Iyapuki

²² Ndele Ye okwe va nyamukula ta ti: “Indeni mu ka hepaululile Johannes ei mwe i mona nomwe i uda: ovapofi otava mono ko, noingudu tai ende, ovanashilundu tava yela, novafitamatwi tava udu ko, ovafi otava nyumunwa, neehepele tadi udifilwa evaengeli.

LUKAS 7:22 ပူးပေါင်းရင်းမြစ်များ

JOB 29:15

Ame nda li eisho lomupofi, nomhadi yaau ta shongola.

OMAPSALOME 146:8

Omwene omutwikululi wovapofi. Omwene omunyongamununi wovanyongamekwa koufiye. Omwene omuhokwi wovayuki.

JESAJA 42:16

Ndele ovapofi ohandi ke va endifa mondjila vehe i shii, ohandi ke va endifa melila inali shiivika kuvo. Omilaulu Ame ohandi ke di va ningila ouyelele, noitunhu ohandi i yelakanifa. Oinima tuu ei ohandi i shakenifa, itandi i efa, inandi i wanifa.

JESAJA 43:8

Pitifa mo oshiwana shipofi, nande oshi nomesho, novafitamatwi, nande ove na omatwi.

JEREMIA 31:8

Tala, Ame ohandi ke va kufa medu lokoumbangalanhu nohandi va kongolola kominghulo dounyuni. Mokati kavo omu novapofi noingudu, ovafimba novamwali, ngaashi ve li, otava alukile apa ongudu inene.

SEFANIA 3:12

Ndelenee Ame ohandi ka fiya mo mokati koye oshiwana sha xupa nosha nghundipala tashi lineekele edina lOmwene.

MATEUS 11:5

ovapofi otava mono ko, noingudu otai ende, novanashilundu otava yelifwa, novafitamatwi otava udu ko, novafi otava nyumunwa, neehepele otava udifilwa evaengeli.

MATEUS 21:14

Ndele ovapofi noingudu ove uya kuye motembeli, Oye okwe va velula.

LUKAS 4:18

“Omhepo yOmwene oi li kombada yange, osheshi Ye okwa vaeka nge ndi udifile eehepele evaengeli, Ye okwa tuma nge ndi xunge ava ve nomutima wa nyanyaulwa; okwa tuma nge ndi ingidile eenghwate emangululo novapofi etwikululo, okutembukifa mo oonakuhepekwa,

LUKAS 7:21

Ndele mefimbo tuu olo ye okwa velula vahapu va li ve kwetiwe komaudu nokeemhepo dii, novapofi vahapu okwe va pashula.

LUKAS 7:23

Nomunelao oye ou ita limbililwa nge.”

JOHANNES 1:46

Opo Natanael okwa tya kuye: “MuNasaret otamu di tuu ouwa nande owasha?” Filippus okwa tya kuye: “Ila u ka tale!”

OILONGA YOVAYAPOSTOLI 26:18

okupashukifa omesho avo, va dje mo momulaulu, ve uye mouyelele, va efe epangelo laSatana, nove uye kuKalunga, ndele mokwiitavela nge, va mone ekufilo lomatimba nefyuululo mokati kovayapulwa.’

OILONGA YOVAYAPOSTOLI 8:7

Osheshi eemhepo da nyata oda dja mo muvahapu, ava va li ve di kwete, oda ingida mokule noingudu novanaudu vahapu vombada ova veluka.

JAKOB 2:5

Ovamwatate ovaholike, pwilikineni, Kalunga ina hoolola hamba ava va talwa kounyuni ou eehepele, va ninge oipuna meitavelo novafyuululi vouhamba ou wa udanekelwa ovo ve mu hole?