LUKAS 7:16 - Ombibeli Iyapuki

¹⁶ Ndele aveshe ova kwatwa ketilo ndele ova hambelela Kalunga tava ti: “Omuxunganeki munene a holoka mokati ketu, naKalunga e uya a tale ovanhu vaye.”

LUKAS 7:16 ပူးပေါင်းရင်းမြစ်များ

OMAPSALOME 65:9

Ove wa yavelela edu, to li tutike, ndele oto li ningi la punapala unene, nomulonga waKalunga u yadi omeva; oto va menifile oilya; osheshi osho ngaha to longekida edu.

EXODUS 4:31

Novanhu va itavela. Ndele vo eshi va uda nokutya, Omwene okwa dimbulukwa Ovaisraeli nokwa mona oudjuu wavo, vo ove linyongamena nokutwa oipala yavo poshi.

JEREMIA 33:9

Ndele oshilando eshi otashi ka ninga efimano nehafo kwaame, nehambelelo noshinge koiwana aishe yokombada yedu, yo eshi tai udu ouwa ou aushe, handi u va ningile. Oyo tai ka tila nokukakama omolwouwa aushe ou nelao alishe eli ame ohandi ke li va pa.

MATEUS 15:31

Ndele ongudu yovanhu oya kumwa eshi va mona ovafitamatwi tava udu ko, noingudu ya veluka, noilema ya enda, novapofi ova twikuluka; ndele va hambelela Kalunga kaIsrael.

MATEUS 21:11

Ndele eengudu dovanhu tadi ti: “Oye omuxunganeki ou, Jesus womuNasaret shaGalilea.”

MATEUS 28:8

Ndele opo nee ova dja ko kombila diva nokutila nokuhafa pombada, ndele va tondoka va ka twalele ovalongwa vaye ondaka.

MATEUS 9:8

Ndele eengudu dovanhu eshi de shi mona, oda haluka ndele tadi fimaneke Kalunga, eshi a pa ovanhu eenghono di fike apa.

LUKAS 1:65

Ndele aveshe vomoushiinda ova kwatwa kehaluko, nokomukunda aushe wokeemhunda daJudea okwa hepaululwa aishe ei ya ningwa,

LUKAS 1:68

“Omwene Kalunga kaIsrael na fimanekwe, osheshi e uya okutala oshiwana shaye, ndele okwe shi longela ekulilo,

LUKAS 19:44

ndele tave ku ngumauna po fiyo okomikangha, novamwoye vomwoove, vo itava fii po emanya la londekwa kulikwao, osheshi ove ino koneka efimbo lekongo loye.”

LUKAS 2:20

Ndele ovafita ova shuna nokuhambelela nokufimaneka Kalunga omolwaaishe ei ve i uda nove i mona, ngaashi va lombwelwa.

LUKAS 24:19

Ndele Ye okwa tya kuvo: “Oshike?” Vo ova tya kuye: “Osheshi sha ningwa Jesus Omunasareti, a li omuxunganeki omunaenghono nomoilonga nomeendjovo koshipala shaKalunga noshovanhu aveshe,

LUKAS 5:26

Ndelenee aveshe ova kwatwa konghumwe, ndele ova hambelela Kalunga, ndele va yada oumbada, tava ti: “Nena otwa mona oinyengandunge.”

LUKAS 5:8

Ndele Simon Petrus eshi e shi mona, okwa twa eengolo keemhadi daJesus ndele ta ti: “Omwene, dja po pwaame, osheshi aame omulunde.”

LUKAS 7:15

Nakufya okwa kala omutumba, ndele okwa hovela okupopya. Ye okwe mu pa ina.

LUKAS 7:39

Ndele Omufarisai ou e mu ifana eshi e shi mona, okwe lipopila mwene meni laye, ta ti: “Ou ngeno omuxunganeki, ngeno a koneka omukainhu ou omushike nokwa tya ngahelipi, nokutya, ye omulunde.”

LUKAS 8:37

Ndele ovanhu aveshe vokedu lOvagerasa novopoushiinda ove mu ilikana a dje po puvo, osheshi ova kwatwa ketilo linene, ndele Ye okwa ya mowato, ndele a shuna.

LUKAS 9:19

Ndele ovo ve mu nyamukula tava ti: “OJohannes Omushashi, vamwe otava ti oElia navakwao otava ti oumwe womovaxunganeki vonale a nyumuka koufi.”

JOHANNES 1:21

Ndele vo ve mu pula: “Oove lyelye hano? Oove Elia?” Ye okwa tya: “Haame ou.” “Oove omuxunganeki winya?” Ye okwa tya: “Ahowe.”

JOHANNES 1:25

Ndele vo ove mu pula tava ti kuye: “Oshike hano ho shashele, ove ngeenge ku fi Kristus ile Elia ile omuxunganeki winya?”

JOHANNES 4:19

Omukainhu ta ti kuye: “Omwene, ondi wete, oove omuxunganeki.

JOHANNES 6:14

Opo ovanhu eshi va mona oshikumwifalonga eshi Jesus e shi ninga, ova tya: “Ou oshili omuxunganeki winya kwa li e nokuuya mounyuni.”

JOHANNES 9:17

Ndele va pula vali omupofi: “Ove oto mu tongo ngahelipi, eshi a twikulula omesho oye?” Ye okwa tya: “Ye omuxunganeki.”

OILONGA YOVAYAPOSTOLI 5:5

Ananias eshi a uda eendjovo edi, okwa wila poshi ndele okwa fya, aveshe ava ve shi uda, ova kwatwa ketilo linene.

OILONGA YOVAYAPOSTOLI 7:37

Moses tuu ou a lombwela ovana vaIsrael: ‘Kalunga ote mu pendulile movamwaxo omuxunganeki umwe ngaashi ame.’

OVAGALATI 1:24

ndele va hambelela Kalunga molwange.

DEUTERONOMION 18:15

“Mokati keni, movakweni, Omwene Kalunga koye ote ke ku pendulila mo omuxunganeki ngaashi ame. Mu udeni.