LUKAS 7:12 - Ombibeli Iyapuki

¹² Ndele eshi a ehena koshivelo shoshilando, tala, omufi a humbatwa mo, omumati ewifa laina omufiyekadi, novanhu vahapu vomoshilando ove mu findikila.

LUKAS 7:12 ပူးပေါင်းရင်းမြစ်များ

GENESIS 22:12

Ndele ye ta ti: “Eke loye ino li kumifa omumwoye, ino mu ninga sha. Osheshi paife ame ndi shi shii kutya oho tila Kalunga, no ino anyena nge omumwoye ewifa.”

GENESIS 22:2

Opo Ye ta ti: “Kufa Isak, omona woye ewifa, ou u mu hole, ndele inda kedu laMoria. Ndee oko to ke mu yamba exwikiloyambo komhunda oyo Ame handi ke ku ulikila.”

2 SAMUEL 14:7

“Ndele tala, epata alishe la fikama okukondjifa omupiya woye omukainhu ndele tali ti: ‘Yandja nakudipaa mumwaina, tu mu dipaele omwenyo womumwaina ou e mu dipaa po, nanakufyuulula tu mu teye po yo.’ Osho ngaha va hala okudima po ekala nde li xupifilwa, omulumenhu wange aha xupifilwe edina ile oludalo kombada yedu.”

1 EEHAMBA 17:12

Ndelenee winya ta nyamukula, ta ti: “Oshili, ngaashi Omwene Kalunga koye e nomwenyo, ame kandi nomungome, oufila eshambekela limwe alike moshiyuma nomaadi manini moshanga. Paife ohandi ongele oukuni vamwe, opo nee handi i, tu lipakele po fye nomumwange omumati, tu lye fye tu fye!”

1 EEHAMBA 17:18

Opo nee ye ta ti kuElia: “Ondi na shike naave, oove omulumenhu waKalunga! Ove we uya kwaame, opo oulunde wange u dimbulukuwe nomumwange opo a fye!”

1 EEHAMBA 17:23

Opo nee Elia a kufa okaana nokwe ka kufa mo monduda yopombada yomongulu ndele te ka yandje kuina. Ndele Elia ta ti: “Tala, omumwoye e nomwenyo!”

1 EEHAMBA 17:9

“Fikama, inda kuSarefat puSidon ndele kala ko. Tala, Ame nda lombwela omufiyekadi umwe e ku palule.”

2 EEHAMBA 4:16

Elisa ta ti: “Mefimbo tuu eli momudo tau uya, ove to ukata okaana okamati mekolo.” Ndele ye ta nyamukula: “Ahowe, omwene wange, omulumenhu waKalunga, ino fufya omupiya woye omukainhu!”

2 EEHAMBA 4:20

Nokwe ka twala, ndele te ka eta kuina. Ndele oko ka li omutumba komatundji aye fiyo pokati komutenya ndele taka fi.

JOB 29:13

Enangeko noupuna lomukwanaluhepoelela le uya kwaame, nomutima womufiyekadi nde u hafifa.

SAKARIA 12:10

Ndele ohandi ka tilila keumbo laDavid nokombada yoonakukalamo muJerusalem Omhepo yonghenda noyeilikano. Ndele otava ka tala ou a tuwa kuvo. Ndele otave ke mu lila ngaashi ewifa tali lilwa, ndele tave ke mu lilila unene, ngaashi oshiveli ta nyikilwa unene oluhodi.

LUKAS 7:11

Ndelenee opa ningwa, Ye okwa ya koshilando edina lasho Nain, novalongwa vaye novanhu vahapu ova enda pamwe naye.

LUKAS 7:13

Ndele Omwene eshi e mu mona okwe mu etififa olukeno ndele okwa tya kuye: “Ino lila.”

LUKAS 8:42

osheshi ye okwa li e na ewifa laye okakadona komido ngeno omulongo nambali, taka vele ke li pokufya. Ndele eshi ta i kwinya, eengudu dovanhu de mu fininika.

LUKAS 8:52

Ndele aveshe ova lila noku mu kwenaukila. Ye okwa tya: “Inamu lila, inaka fya, oka kofa po.”

JOHANNES 11:19

NOvajuda vahapu ve uya kuMarta naMaria ve va pendule shaashi va filwa omumwaina.

OILONGA YOVAYAPOSTOLI 9:39

Ndele Petrus okwa fikama ndele ta i pamwe navo. Ye eshi a fika ko, vo ove mu twala mondjuwo inya yokombada, ovafiyekadi aveshe ove uya kuye, tava lili, ndele tave mu ulikile eembidja neehema odo Dorkas e di hondja, eshi a li puvo.

OILONGA YOVAYAPOSTOLI 9:41

Ndele Petrus okwe mu kwata keke laye ndele okwe mu fikamifa, a ifana mo ovayapuki novafiyekadi ndele te mu tula mokati kavo e nomwenyo.

JAKOB 1:27

Elongelokalunga la yela nolihe nedilo lasha koshipala shaKalunga naTate oleli: okutalela po eefiye novafiyekadi momaudjuu avo, nokuliamena aha nyatekwe kounyuni.