LUKAS 6:26 - Ombibeli Iyapuki

²⁶ “Woo nye, ava ovanhu aveshe tave mu popile mouwa, osheshi osho tuu ngaha ooxe va ningila ovaxunganeki ovanaipupulu.

LUKAS 6:26 ပူးပေါင်းရင်းမြစ်များ

OMAYELETUMBULO 27:21

Onhelekelo koshisiliveli, nediko koshingoldo, nomulumenhu e li ngaashi okupopiwa kwaye.

JESAJA 30:10

ovovo tava lombwele ovamoni vomamoniko: “Inamu mona! Novaxunganeki: Inamu tu xunganekela eshi sha yuka. Tu lombweleni eshi fye twa hala; xunganekeni oipupulu;

JEREMIA 5:31

Ovaxunganeki otava xunganeke oipupulu, ovapristeli ohava pangele pahalo laavenya; novanhu vange osho ve hole osho. Ndelenee hauxuuninwa otamu ka ninga ngahelipi?

MIKA 2:11

Ngeenge tape uya umwe ta ende nomhepo yokufufya nokukengelela ndele ta ti: “Ame ohandi ke mu xunganekelela omaviinyu noikolwifa yeenghono, oye omuxunganeki woshiwana eshi.”

MATEUS 7:15

“Ndelenee lungameni ovaxunganeki ovanaipupulu, ava have uya kunye moipa yeedi, ndele meni lavo ovo omambungu haa lyaana.

LUKAS 6:25

“Woo nye, ava mu nekuta paife, osheshi tamu ka fya ondjala. “Woo nye, tamu yolo, osheshi otamu ka nyika oluhodi nokulila.

JOHANNES 15:19

Ngeno onye vomounyuni, ngeno ounyuni u hole vakwao, ndelenee eshi muhe fi vomounyuni, Ame eshi nde mu hoolola mo mounyuni, onghee ounyuni tau mu tondo.

JOHANNES 7:7

Ounyuni itau dulu oku mu tonda; Ame otau tondo nge, shaashi handi hepaulula nokutya, oilonga yao oii.

OVAROMA 16:18

Osheshi ava ve li ngaha, itava longele Omwene wetu Kristus, ndelenee omadimo avo vene, nokeendjovo davo da fewa da fa omaadi, ohava pukifa omitima domalai.

JAKOB 4:4

Ovanyoni vohombo nye, kamu shi shii hamba nokutya, oukaume wounyuni ou owo okutonda Kalunga? Hano ou a hala okukala kaume kounyuni, ota ningi omutondi waKalunga.