LUKAS 5:35 - Ombibeli Iyapuki

³⁵ Ndelenee omafiku otae uya fiku omuhomboli a kufwa po puvo, opo nee pomafiku oo tave lidilike.”

LUKAS 5:35 ပူးပေါင်းရင်းမြစ်များ

JESAJA 22:12

Ndele mefiku tuu olo Omwene, Kalunga komatanga ovakwaita, ote va ifana kelilo nokeenghali nokekululo lomapalu nomitwe nokomundjalo weefya.

DANIEL 9:26

Ndele oivike omilongo hamano naivali ngeenge ya pita, Omuvaekwa ota dipawa, ndele hamolwaye mwene. Oshilando notembeli otai ka hanaunwa kovanhu vomupangeli te shi totele, ndele exulilo laye tali ka kala mefundja. Ndele fiyo okexulilo tapa kala omalwoodi nomahanauno, ngaashi sha tokolwa.

SAKARIA 13:7

Eongamukonda, pendukila omufita wange, nomulumenhu wopwaamelela, Omwene womatanga ovakwaita ta ti! Denga omufita, eedi opo di lihane. Ndele Ame ohandi ka yambidida ava vaxupi nokwooko kwange.

MATEUS 9:15

Ndele Jesus okwa tya kuvo: “Ookaume komuhomboli otava shiiva ngahelipi okunyika oluhodi fimbo omuhomboli e li puvo? Ndele omafiku tae uya, omuhomboli te va kufwa, opo nee otave lidilike oikulya.

MARKUS 2:20

Ndele omafiku tae uya nomuhomboli te va kufwa, heeno, efiku olo otave ke lidilika oikulya.

LUKAS 17:22

Ndele Ye okwa lombwela ovalongwa vaye: “Omafiku tae uya, nye otamu kala mwa djuulukwa mu mone nande efiku limwe lOmona wOmunhu, nye itamu li mono.

LUKAS 5:34

Ndele Jesus okwa tya kuvo: “Otamu dulu tuu okufininika ookaume komuhomboli ve lidilike oikulya, omuhomboli fimbo e li puvo?

LUKAS 5:36

Ndele Ye okwe va lombwela efaneko ta ti: “Kaku na ou ta tete mo moshikutu shipe oshivando, ndele te shi hondjele koshikutu shikulu, ndele ngeenge te shi ningi, ota nyono po oshikutu shipe, noshivando shomoshikutu shipe itashi wapalele osho shikulu.

JOHANNES 12:8

Osheshi eehepele odi li punye alushe, ndelenee Ame nghi li punye alushe.”

JOHANNES 13:33

Ovamwange, okafimbo kanini natango ndi li punye. Otamu ka konga nge, ndele ngaashi nde shi lombwelele Ovajuda: Oku Ame handi i, itamu dulu okuya ko, osho handi mu lombwele yo paife.

JOHANNES 16:28

Ame onda dile kuTate, ndele onde uya mounyuni. Ounyuni ohandi u fii po vali, ndele handi i kuTate.”

OILONGA YOVAYAPOSTOLI 1:9

Opo nee eshi a tonga eendjovo edi, okwa yelulwa pombada moipafi yavo, noshilemo she mu kufa po momesho avo.

OILONGA YOVAYAPOSTOLI 14:23

Ndele eshi ve va hoololela ovakulunhu meongalo keshe, mokwiilikana nomokulidilika eendja ove va yandja kOmwene ou ve mu itavela.

OILONGA YOVAYAPOSTOLI 3:21

Oye ou eulu la li li noku mu tambululula noku mu kwatela mo fiyo omafimbo enya, oinima aishe tai shunwa ponhele yayo, ngaashi Kalunga e shi popifa nale omakanya ovaxunganeki vaye ovayapuki.

1 OVAKORINTO 7:5

Inamu lidilikafana, okuninga mwe shi pangela mu likalele manga, opo mu liyandje keilikano, nye mu ye vali pamwe, opo muha shindwe kuSatana omolwokuhelipangela kweni.

2 OVAKORINTO 11:27

omoilonga nomoudjuu, omokukala oupafi luhapu oufiku, omondjala nomenota, omokulidilika oikulya luhapu, omoutalala nomonghai.