LUKAS 5:34 - Ombibeli Iyapuki

³⁴ Ndele Jesus okwa tya kuvo: “Otamu dulu tuu okufininika ookaume komuhomboli ve lidilike oikulya, omuhomboli fimbo e li puvo?

LUKAS 5:34 ပူးပေါင်းရင်းမြစ်များ

EIMBILOELELA 5:8

Ohandi mu anifa, nye oukadona vomuJerusalem: Omuholike wange ngeenge tamu mu mono, otamu mu lombwele shike? Mu lombweleni nokutya, ame ohandi vele ohole.

EIMBILOELELA 6:1

Omuholike woye okwa ya peni, oove onhemoelela mokati kovakainhu? Fye naave tu ye tu ke mu konge.

JESAJA 54:5

Osheshi Omumi woye, omulumenhu woye, Omwene, Omwene womatanga ovakwaita, olo edina laye, Omukulili woye Omuyapuki waIsrael. Oye ta ka ifanwa Kalunga kedu alishe.

JESAJA 62:5

Osheshi ngaashi omulumenhu omunyasha ta hombola okakadona, osho yo ovamwoye otave ku hombola nongaashi omuhomboli ta hafele omuhombolwa osho yo Kalunga koye te ku hafele.

SEFANIA 3:17

Omwene Kalunga koye e li mokati koye, Ye Omuladi ha xupifa. Ye ote ku hafele nehafo. Ye ota kala nokumwena mohole yaye. Ye ote ku hafele noku ku nyakukilwa.

MATEUS 22:2

“Ouhamba wokeulu u nokufanekwa nohamba ya ningila omona ehombolo.

MATEUS 9:15

Ndele Jesus okwa tya kuvo: “Ookaume komuhomboli otava shiiva ngahelipi okunyika oluhodi fimbo omuhomboli e li puvo? Ndele omafiku tae uya, omuhomboli te va kufwa, opo nee otave lidilike oikulya.

LUKAS 5:33

Opo vo va tya kuye: “Ovalongwa vaJohannes ohave lidilike eendja luhapu ndele hava ningi omailikano nosho yo vali ovo vOvafarisai, ndele voye ohava li nohava nu.”

LUKAS 5:35

Ndelenee omafiku otae uya fiku omuhomboli a kufwa po puvo, opo nee pomafiku oo tave lidilike.”

JOHANNES 3:29

Ou e nomuhombolwa, oye omuhomboli; ndelenee kaume komuhomboli ou e li ofika ndele te mu pwilikine, oye ta hafele shili ondaka yomuhomboli. Ehafo eli lange paife ola wanenena.

2 OVAKORINTO 11:2

Osheshi ohandi mu kondjele nouladi waKalunga, osheshi onde mu valekela omulumenhu umwe, ndi etele Kristus okakadona ka koshoka.