LUKAS 5:25 - Ombibeli Iyapuki

²⁵ Opo nee ye okwa yambuka diva moipafi yavo, a kufa po olutala laye oko a li a nangala, ndele okwa ya keumbo nokuhambelela Kalunga.

LUKAS 5:25 ပူးပေါင်းရင်းမြစ်များ

GENESIS 1:3

Ndele Kalunga okwa ti: “Nape uye ouyelele!” Nouyelele owe uya.

OMAPSALOME 33:9

Osheshi Ye okwa popya, ndele sha ningwa, okwa lombwela, ndele osha monika.

OMAPSALOME 50:23

Ou ta yambe olupandu, oye tuu omufimaneki wange, naau ehe na oshipo mokweenda kwaye, oye tuu ou handi monifile exupifo laKalunga.”

MATEUS 9:8

Ndele eengudu dovanhu eshi de shi mona, oda haluka ndele tadi fimaneke Kalunga, eshi a pa ovanhu eenghono di fike apa.

MARKUS 2:12

Ye okwa fikama, a kufa po diva olutala laye, ndele okwa ya pondje moipafi yaaveshe, aveshe ova kumwa, va hambelela Kalunga ndele tava ti: “Oinima i fike apa inatu i mona nale.”

LUKAS 13:13

opo Ye okwe mu tenheka omake aye, nopo tuu opo ye okwa yukilila ndele okwa hambelela Kalunga.

LUKAS 18:43

Opo tuu opo ye a mona ko, ndele okwe mu shikula nokufimaneka Kalunga, novanhu aveshe ava ve shi mona, ova hambelela Kalunga.

LUKAS 5:13

Ndelenee Ye okwa nana eke laye, e mu kuma, ndele ta ti: “Onda hala, yela.” Opo pefimbo tuu olo oshilundu osha dja mo muye.

JOHANNES 9:24

Opo nee vo va ifanununa omunhu ou a li omupofi, ndele va tya kuye: “Pa Kalunga efimano, otu shi shii omulumenhu winya omulunde.”