LUKAS 5:17 - Ombibeli Iyapuki

¹⁷ Ndele efiku limwe, eshi kwa li ta longo ovanhu, Ovafarisai novalongimhango ova li po omutumba, va dile komikunda adishe domuGalilea nodomuJudea nomuJerusalem, ndele eenghono dOmwene oda longa mokuvelula ovanaudu.

LUKAS 5:17 ပူးပေါင်းရင်းမြစ်များ

MATEUS 11:5

ovapofi otava mono ko, noingudu otai ende, novanashilundu otava yelifwa, novafitamatwi otava udu ko, novafi otava nyumunwa, neehepele otava udifilwa evaengeli.

MATEUS 15:1

Opo nee Ovafarisai novanongo vomishangwa ova dja kuJerusalem, ve uya kuJesus ndele tava ti:

MARKUS 1:45

Ndele eshi a ya pondje, okwa hovela oku shi hepaulula shili nokuudifa oshinima osho, onghee hano Jesus ina dula vali okuya moilando moipafi, ndele okwa kala koxulo poima pe likalela novanhu vokeembinga adishe ove uya kuye.

MARKUS 16:18

otava ka kwata omayoka nongeenge tava nu oudiyo, itau va ningi sha; otava tenheke omake avo kovanaudu, notava veluka.”

MARKUS 3:22

Novanongo vomishangwa ovo va dja kuJerusalem ova tya: “Ye oku kwetiwe kuBelsebul, neendemoni ote di te mo neenghono domukulunhu weendemoni.”

MARKUS 5:30

Ndele Jesus eshi e udite muye mwa dja eenghono, okwa pungulukila mokati kovanhu ndele ta ti: “Olyelye a kuma koshikutu shange?”

MARKUS 7:1

Opo nee puye opa ongala Ovafarisai novanongo vomishangwa vamwe, va dile kuJerusalem.

LUKAS 15:2

Ndele Ovafarisai novanongo vomhango ova ngongota tava ti: “Ou ota tambula ovalunde ndele ta lile pamwe navo.”

LUKAS 2:46

Ndele eshi pa pita omafiku atatu, opo nee ove ka hanga nee motembeli, ke li omutumba mokati kovalongindjovo noku va pwilikina noku va pula.

LUKAS 5:21

Ndele ovanongo vomishangwa nOvafarisai ova hovela nee okudiladila, ndele ova tya: “Olyelye ou, eshi ta popi ngaha omasheko? Olyelye ta dulu okudima po omatimba, ehe fi Kalunga, Oye aeke?”

LUKAS 5:30

Ndele Ovafarisai novanongo vomishangwa vavo ova ngongotela ovalongwa vaye, ndele va tya: “Oshike tamu lile ndele tamu nwine pamwe novafendelifi novalunde?”

LUKAS 6:19

Novanhu aveshe ova hala oku mu kuma, osheshi eenghono da dja muye da velula aveshe.

LUKAS 7:30

Ndelenee Ovafarisai novanongo vomhango ova dina omhangela yaKalunga molwaashi inave liyandja va shashwe kuye.

LUKAS 8:46

ndelenee Jesus okwa tya: “Umwe okwa kuma nge, osheshi onda uda mwaame mwa dja eenghono.”

JOHANNES 3:10

Jesus okwe mu nyamukula ndele ta ti: “Oove omulongi waIsrael, ndele eshi ku shi shii.

JOHANNES 3:21

Ndelenee ou ha longo oshili, oye ta holokele pouyelele, oilonga yaye i hololwe, osheshi oya ningilwa muKalunga.

OILONGA YOVAYAPOSTOLI 19:11

Ndele Kalunga okwa longifa yo Paulus oilonga inene yeenghono,

OILONGA YOVAYAPOSTOLI 4:30

Ove u yelule eke loye okuvelula ovanaudu nokulonga oilongadidiliko noikumwifalonga okedina lOmona woye omuyapuki, oJesus.”

OILONGA YOVAYAPOSTOLI 5:34

Ndele moshiongalele omwa fikama Omufarisai umwe edina laye Gamaliel, omulongimhango a fimanekwa kovanhu aveshe, okwa lombwela ovalumenhu va twalwe manga pondje.