LUKAS 4:15 - Ombibeli Iyapuki

¹⁵ Ndele Ye okwe va longa meeshinagoga davo, ndele aveshe ove mu fimaneka.

LUKAS 4:15 ပူးပေါင်းရင်းမြစ်များ

JESAJA 55:5

Tala, oto ka ifana oiwana wa li uhe i shii, noiwana inai ku shiiva, tai ka tondokela kwoove molwOmwene Kalunga koye, nomolwOmuyapuki waIsrael, osheshi Ye e ku fimanekifa.

MATEUS 13:54

Ndele okwe uya koshilando shambulavo nokwe va longa moshinagoga yavo ndele vo va kumwa ndele tava ti: “Ounongo oo e u kwete noilonga yeenghono e i na, oyapeni?

MATEUS 4:23

Ndele Ye okwa endaenda muGalilea ashishe, ndele ta longo meeshinagoga davo, ndele ta udifa evaengeli lOuhamba, ndele ta velula oudu keshe noungone aushe movanhu.

MATEUS 9:35

Ndele Jesus okwa li ta endaenda noilando aishe nomikunda, ndele ta longo meeshinagoga davo, ndele ta udifa evaengeli lOuhamba, ndele ta velula ovanaudu vavo, nakeshe tuu oshiponga.

MATEUS 9:8

Ndele eengudu dovanhu eshi de shi mona, oda haluka ndele tadi fimaneke Kalunga, eshi a pa ovanhu eenghono di fike apa.

MARKUS 1:27

Aveshe ova kumwa, ova pulafana va tya: “Oshike eshi? Elongo lipe li neenghono! Ye ota hanyene eemhepo da nyata, ndele do tadi dulika kuye.”

MARKUS 1:39

Ye okwa ya ndele ta udifa meeshinagoga davo domuGalilea ashishe, ndele ta te mo eendemoni.

MARKUS 1:45

Ndele eshi a ya pondje, okwa hovela oku shi hepaulula shili nokuudifa oshinima osho, onghee hano Jesus ina dula vali okuya moilando moipafi, ndele okwa kala koxulo poima pe likalela novanhu vokeembinga adishe ove uya kuye.

LUKAS 13:10

Ndele Ye okwa hangika ta longo moshinagoga mefiku lEshabata.

LUKAS 4:16

Ye okwe uya kuNasaret omo a tekulwa ndele okwa ya moshinagoga efiku lEshabata, ngaashi a ika, ndele a fikama okulesha.