LUKAS 4:1 - Ombibeli Iyapuki

¹ Ndele Jesus okwa dja kuJordan a yada Omhepo Iyapuki ndele okwa twalwa kOmhepo mombuwa.

LUKAS 4:1 ပူးပေါင်းရင်းမြစ်များ

1 EEHAMBA 18:12

Kandi shii apa Omhepo yOmwene tai ku twala ngeenge handi di po pwoove, ndele ngeenge handi i ndi hepaululile Ahab, ndele ye ite ku mono, opo nee ta dipaa nge. Ndele omupiya woye okwa kala ha tila Omwene okudja kounyasha waye.

1 EEHAMBA 19:4

Ndelenee ye mwene okwa ya kombuwa ondjila yefiku limwe ndele ta kala omutumba momudile woshixwa sheno nokwe lihalela efyo, ndele ta ti: “Sha wana. Omwene, kufa omwenyo wange, osheshi ame ndihe dule ootate.”

JESAJA 61:1

Omhepo yOmwene, Omwene oi li kombada yange, osheshi Ye okwa vaeka nge ndi udifile omapongo ondaka yehafo, okwa tuma nge ndi mange ava ve na omutima wa nyanyaulwa, okwiingidila eenghwate emangululo naava ve li meemango, eyeuluko leedolongo;

HESEKIEL 3:14

Opo nee Omhepo ya yelula nge po ndele ya twala nge, ndele ame nda enda noluhodi moupyuhandu womhepo yange. Ndelenee eke lOmwene la li li neenghono kombada yange.

MATEUS 3:16

Ndele Jesus eshi a shashwa okwa dja momeva diva, ndele tala, eulu la yeuluka, ndele a mona Omhepo yaKalunga ya fonghuti ya kuluka ndele tai uya kombada yaye.

LUKAS 2:27

Ndele ye okwa etwa kOmhepo Iyapuki motembeli. Hano ovakulunhu eshi va eta mo okaana Jesus ve ka ningile panghedi yomhango,

LUKAS 3:3

Ndele ye okwa ya komikunda adishe dokuJordan nokwa udifa kutya, ovanhu nave lidilulule nava shashwe, opo omatimba avo a dimwe po,

LUKAS 3:38

owaEnos owaSet owaAdam owaKalunga.

LUKAS 4:14

Ndele Jesus okwa aluka ko meenghono dOmhepo e uya kuGalilea, nepopiwo laye ola ya komikunda adishe domoushiinda.

LUKAS 4:18

“Omhepo yOmwene oi li kombada yange, osheshi Ye okwa vaeka nge ndi udifile eehepele evaengeli, Ye okwa tuma nge ndi xunge ava ve nomutima wa nyanyaulwa; okwa tuma nge ndi ingidile eenghwate emangululo novapofi etwikululo, okutembukifa mo oonakuhepekwa,

JOHANNES 1:32

Ndele Johannes okwa hepaulula ta ti: “Onda mona Omhepo ya fa onghuti ya kuluka ya dja meulu, ndele tai kala kombada yaye.

JOHANNES 3:34

Osheshi ou a tumwa kuKalunga, oye ta popi eendjovo daKalunga, osheshi Kalunga ita yandje Omhepo ta yeleke.

OILONGA YOVAYAPOSTOLI 1:2

fiyo okefiku olo a twalwa meulu, eshi a pa tete ovayapostoli, ava e va hoolola, oipango yaye mOmhepo Iyapuki;

OILONGA YOVAYAPOSTOLI 10:38

Mu shi shii, Jesus Omunasareti, Kalunga nhumbi e mu vaekifa Omhepo Iyapuki neenghono, Ye ta endaenda, ta longo ouwa ndele a velula aveshe venya va li mepangelo laSatana, osheshi Kalunga okwa li pamwe naye.

OILONGA YOVAYAPOSTOLI 8:39

Ndele eshi va dja momeva, Omhepo yOmwene oya kufa po Filippus, nelenga ine mu mona vali, okwa ya nondjila yaye a hafa.