LUKAS 3:16 - Ombibeli Iyapuki

¹⁶ Johannes okwe va lombwela aveshe: “Ame ohandi mu shashe nomeva, ndele taku di ou e dule nge meenghono, ame inandi wana okuditula nande omiya deenghaku daye, ye ote mu shashe nOmhepo Iyapuki nomundilo.

LUKAS 3:16 ပူးပေါင်းရင်းမြစ်များ

OMAYELETUMBULO 1:23

Alukileni omakumaido ange, opo nee Ame ohandi mu tondokifile omhepo yange, handi mu shiivifile eendjovo dange.

JESAJA 32:15

Osho tapa ka kala fiyo hatu tililwa Omhepo yokeulu. Opo nee ombuwa otai shitukifwa edilopya loiimati, nedilopya loiimati tali talwa olo li fike pomuulu muwa.

JESAJA 4:4

Omwene nghee a feta po ekako lovana oukadona vaSion nokwa kosha omatimba ohonde aJerusalem mokati kavo nOmhepo yetokolo nOmhepo yeyelifo.

HESEKIEL 36:25

Opo nee handi ka tila kombada yeni omeva a yela, opo mu yele. Ame ohandi ke mu yapula eenyata deni adishe noikalunga yeni aishe.

SAKARIA 13:9

Opo oshitukulwa oshititatu Ame ohandi ke shi twala momundilo ndele handi va hemuna ngaashi oshisiliveli hashi hemunwa, ndele handi va yeleke ngaashi oshingoldo hashi yelekwa. Vo otava ka ifana edina lange, ndele Ame ohandi ke va uda. Ame handi ti: Eshi oshiwana shange! Ndele ohava ti: Omwene, Kalunga ketu!

MATEUS 3:11

Ame ohandi mu shashe nomeva mu lidilulule, ndelenee ou ta di konima yange, e dule nge eenghono, ame inandi wana nande oku mu humbatela eenghaku daye. Oye te mu shashe nOmhepo Iyapuki nomundilo.

MATEUS 3:12

Oye e noshiyelifo meke laye, ndele ta kombo oshipale shaye, noilya ote i tuvikile momaanda aye, ndelenee olungu ote li xwike po nomundilo ihau dimi po.”

JOHANNES 1:26

Opo Johannes e va nyamukula ndele ta ti: “Ohandi shashe nomeva, ndelenee mokati keni omwa kala ofika ou muhe mu shii.

JOHANNES 1:27

Oye tuu ou te uya konima yange, ndele ame inandi wana okuditula omiya deenghaku daye.”

JOHANNES 1:33

Ndele ame nda li ndihe mu shii, ndelenee ou a tuma nge okushasha nomeva, ye okwa lombwela nge: ‘Oye ou to mono Omhepo tai wile kombada yaye, ndele tai kala po, Oye tuu ou ta shashe nOmhepo Iyapuki.’

JOHANNES 7:38

‘Oye ou ta itavele nge, ngaashi omishangwa tadi ti, meni laye otamu ka tondoka omilonga domeva e nomwenyo.’ ”

OILONGA YOVAYAPOSTOLI 1:5

Osheshi Johannes okwa shashele nomeva, ndele nye otamu ka shashwa nOmhepo Iyapuki omafiku amwe eshi a pita po.

OILONGA YOVAYAPOSTOLI 10:44

Opo nee Petrus fimbo a popya eendjovo odo, Omhepo Iyapuki ya kulukila mwaava aveshe va pwilikina eendjovo odo.

OILONGA YOVAYAPOSTOLI 2:33

Hano eshi a kala kolulyo laKalunga, a yelulilwa ko, okwa pewa kuXe Omhepo Iyapuki, ou a udanekelwa, Ye okwe mu tilila, Oye ou mwe mu mona nomwe mu uda.

1 OVAKORINTO 12:13

Osheshi atusheni otwa shashelwa mOmhepo imwe twa ninga olutu limwe, ngeenge Ovajuda ile Ovagreka, ovapika ile ovadalwa, atusheni otwa nwefweni mOmhepo imwe.