LUKAS 3:1 - Ombibeli Iyapuki

¹ Ndele momudo omutimulongo nanhano wepangelo lomukesari Tiberius, Pontius Pilatus eshi kwa li omupangeli waJudea, naHerodes omupangeli woshitine muGalilea, nondenge yaye Filippus omupangeli woshitine shoshilongo shaIturea naTrakonitis, naLisanias omupangeli woshitine muAbilene,

LUKAS 3:1 ပူးပေါင်းရင်းမြစ်များ

GENESIS 49:10

Epangelodibo itali ka kufwa kuJuda nodibo youhamba itai di po peemhadi daye. Fiyo ou e na okuuya te uya, noiwana tai ka dulika kuye.

MATEUS 14:1

Ndele opo nee pomafiku enya omupangeli woshitine shoshilongo Herodes okwa uda etumbalo laJesus.

MATEUS 14:3

Osheshi Herodes okwa kwatifa Johannes ndele okwe mu manga, ndele okwe mu idilila modolongo omolwaHerodias, omukainhu waFilippus, ondenge yaye.

MATEUS 14:6

Ndelenee oshivilo shefiku lokudalwa kwaHerodes eshi sha dana, omona okakadona kaHerodias oka tutula oudano moipafi yavo, ndele oo owa hafifa Herodes;

MATEUS 22:17

Hano tu lombwela: oto ti ngahelipi? Osha wapala tuu okupa omukesari efendelo ile inashi wapala?”

MATEUS 27:2

Ndele ove mu manga, ndele ve mu twala ko, ndele tave mu yandje momake aPilatus, omupangeli woshilongo.

MARKUS 6:17

Osheshi Herodes okwa tumine ko, a kwatifa Johannes nokwe mu mangifa, ndele okwe mu idililifa modolongo omolwaHerodias, omukainhu wondenge yaye Filippus. Osheshi Herodes okwe mu hombola.

MARKUS 6:21

Hano efiku la wapala le ke uya, Herodes eshi a ningila omalenga aye novaneyovi novakulunhu vomuGalilea oshivilo shefiku ledalo laye.

LUKAS 13:31

Ndele pefimbo tuu olo Ovafarisai vamwe ve uya po ndele ve mu lombwela: “Fikama Ove u dje po apa, osheshi Herodes a hala oku ku dipaa.”

LUKAS 2:1

Ndele momafiku enya opa ningwa omhango ya dja komukesari Augustus, ounyuni aushe u lishangife u yandje oifendela.

LUKAS 23:24

Opo nee Pilatus okwa tokola, ehalo lavo li wanifwe.

LUKAS 3:19

Ndelenee omupangeli woshitine, Herodes, eshi a hanyenwa kuye omolwaHerodias, omukainhu wondenge yaye nomolwowii aushe Herodes e u ninga,

LUKAS 9:7

Omupangeli woshitine Herodes eshi a uda aishe ei ya ningwa ko, okwa limbililwa, osheshi vamwe ova tya: Johannes okwa nyumuka koufi,

OILONGA YOVAYAPOSTOLI 23:26

“Klaudius Lisias ota kundu omupangeli woshilongo, Feliks, omufimanekwa munene.

OILONGA YOVAYAPOSTOLI 24:27

Ndele eshi pa pita omido mbali, Porkius Festus okwa tulwa mo mepangelo ponhele yaFeliks. Ndele Feliks eshi a hala okuwapalela Ovajuda, okwa fiya mo Paulus meemango daye.

OILONGA YOVAYAPOSTOLI 26:30

Ndele Paulus eshi e shi tya, opo ohamba nomupangeli woshilongo naBernike, naaveshe ava va li va kala omutumba pamwe navo, ova fikama.

OILONGA YOVAYAPOSTOLI 4:27

Osheshi moshilando eshi omwa ongalela mo shili, Herodes naPontius Pilatus pamwe novapaani, novanhu vaIsrael ova twa ondubo nomumwoye omuyapuki Jesus, ou we mu vaeka,