LUKAS 24:32 - Ombibeli Iyapuki

³² Ndele vo ova tongafana: “Omitima detu inadi xwama tuu mufye, eshi a popya nafye mondjila ndele okwe tu fatululila omishangwa!”

LUKAS 24:32 ပူးပေါင်းရင်းမြစ်များ

OMAPSALOME 104:34

Eshipululo lange nali mu wapalele. Ohandi hafele mOmwene.

OMAPSALOME 39:3

Omutima wange owa hovela okupupyala monhulo yange; mokudiladila kwange, onda fa ndi nomundilo wa xwama meni lange; opo nda efa elaka lange li popye, ndi fululuke nda tya:

OMAYELETUMBULO 27:17

Oshivela tashi upike oshivela, nosho yo omunhu ta upike mukwao.

OMAYELETUMBULO 27:9

Omaadi noitwiminifo tai hafifa omutima, nosho yo ohole yakaume tai kala, e nehalo okupukulula.

JESAJA 50:4

Omwene okwa pa nge elaka la longwa, opo ndi kale ndi nounongo okuyakula nokutwa ouladi ava va loloka; Oye ta pendula nge keshe ongula, ta pendula okutwi kwange, opo ndi ude ko panghedi yovalongwa.

JEREMIA 15:16

Eendjovo doye oda hanga nge, ame onde di lya nde di pona. Ndele eendjovo doye oda li kwaame enyaku nehafo lomutima wange, osheshi ame onda lukilwa edina loye, Omwene, Kalunga komatanga ovakwaita.

JEREMIA 20:9

Ndelenee eshi nda tya: Ame inandi hala vali oku mu diladila noinandi hala vali okupopya medina laye, opo nee momutima wange omwa fa mwa xwama omundilo tau xwike wa kwatelelwa momakipa ange. Ame onda hetekela oku u lididimikila fiyo nda loloka, ndelenee nda nyengwa.

JEREMIA 23:29

Ondjovo yange inai fa omundilo ngeno, Omwene osho ta ti, nongaashi ohamala tai nyanyaula emanya?

MARKUS 4:34

Ndele odo dihe fi domafaneko ine di va lombwela. Ndele ovalongwa vaye okwe va fatululila adishe, eshi ve ke likalela.

LUKAS 24:45

Opo nee Ye okwe va fatululila eendunge davo okushiiva omishangwa.

JOHANNES 6:63

Omhepo oyo tuu tai yandje omwenyo; ombelela kai na eshi tai kwafa. Eendjovo edi nde di mu lombwela, odo omhepo nomwenyo.

OILONGA YOVAYAPOSTOLI 28:23

Ovo ve mu pa efiku, ndele eshi la fika, vahapu ve dule voshito ove uya kuye monduda yaye. Ndele ye okwe va fatululila ndele te va hepaululile ouhamba waKalunga, ndele te va longo okuhovela ongula fiyo onguloshi, nokwa hetekela oku va tomhifa omhango yaMoses novaxunganeki, va koneke Jesus.

OVAHEBERI 4:12

Osheshi ondjovo yaKalunga oi nomwenyo neenghono, noi neememo i dule eongamukonda leememo keembinga mbali, otai tu, ndele tai tongola omwenyo nomhepo, eengolo nomungo; ndele i shii okutokola omadilongo nomadiladilo omutima.