LUKAS 23:4 - Ombibeli Iyapuki

⁴ Ndele Pilatus okwa lombwela ovapristeli ovakulunhu nongudu aishe: “Ame nghi wete etimba momunhu ou.”

LUKAS 23:4 ပူးပေါင်းရင်းမြစ်များ

MATEUS 27:19

Ndele fimbo a li omutumba kolukalwatokolo, omwalikadi waye okwa tuma kuye ndele ta ti: “Omulumenhu ou omuyuki ino mu ningila owii, osheshi ame onde mu ehamenwa shili oufiku wonena mondjodi.”

MARKUS 15:14

Pilatus okwa tya kuvo: “Owii owashike hano a ninga?” Ndele ova ingida pombada: “Mu valela komushiyakano.”

LUKAS 23:22

Ndele ye okwa tya kuvo lutitatu: “Owii washike Ye a ninga hano? Ame inandi mona etimba lokufya muye. Hano ngeenge nde mu dengifa, ohandi mu efa.”

JOHANNES 18:38

Pilatus ta ti kuye: “Oshili oshike?” Ndele eshi e shi tya, ye okwa pita mo vali, ta i kOvajuda, ndele ta ti kuvo: “Nghi wete nande etimba muye.

OILONGA YOVAYAPOSTOLI 25:25

Ndele ame onda koneka kutya ye ke netimba lokufya, naye mwene e liameka komukesari, onda hala oku mu tuma ko.

OILONGA YOVAYAPOSTOLI 3:13

Kalunga kaAbraham naIsak naJakob, Kalunga kootate, Oye a fimanekifa Omona Jesus, Oye tuu ou nye mwe mu yandja, nomwe mu lidimbika koshipala shaPilatus, ye eshi kwa li a pangela oku mu efa.

OVAHEBERI 7:26

Heeno, omupristeli omukulunhu a tya ngaha okwe tu wapalela yo, omuyapuki ehe nomatimba, ke na nande oshipo, a yoololwa movalunde, nokwa ningwa munene a yelwa pombada yomaulu.

1 PETRUS 1:19

ndelenee onohonde yaKristus i nondilo, ngaashi ei yodjona ihe noshipo noihe nonyata.

1 PETRUS 2:22

Oye ou ina longa oulunde washa nokwa li ehe na nande oipupulu mokanya kaye.

1 PETRUS 3:18

Osheshi naKristus okwa fila yo omatimba lumwe aluke, omuyuki ponhele yovalunde, opo e tu twale kuKalunga; okwa dipawa palutu nokwa tulwa omwenyo pamhepo,