LUKAS 22:30 - Ombibeli Iyapuki

³⁰ mu shiive okulya nokunwa poshililo shange, nokukala omutumba komalukalwa nokutokola omapata omulongo naavali aIsrael.

LUKAS 22:30 ပူးပေါင်းရင်းမြစ်များ

2 SAMUEL 19:28

Osheshi eumbo lange alishe la kala pomwene wange ohamba ngaashi ovalumenhu va yandjwa mefyo. Nande ngaha, omupiya woye ove we mu tula mongudu yaava hava li koshililo shoye. Hano ame ondi noufemba washike vali, opo ndi pule sha kohamba?”

OMAPSALOME 49:14

Ove lifindila moshovafi ngaashi eedi mokatomeno, efyo olo omufita wavo, nongomongula otava pangelwa kovayuki, nomalupe avo otaa lika po koshovafi, aha mone mo omutumba.

MATEUS 19:28

Jesus ta ti kuvo: “Oshili handi mu lombwele: medalululo olo Omona wOmunhu eshi ta ka kala omutumba kolukalwapangelo loshinge shaye, nanye yo ava mwa shikula nge, tamu ka kala omutumba komalukalwa omulongo naavali, ndele tamu ka tokola omapata aIsrael omulongo naavali.

MATEUS 5:3

“Ovanelao eehepele domhepo, osheshi Ouhamba weulu owavo.

MATEUS 8:11

Ndelenee Ame ohandi mu lombwele: otaku di vahapu koushilo nokouninginino, ndele tava ka lya pamwe naAbraham naIsak naJakob mouhamba womeulu;

LUKAS 12:37

Ovanelao ovapiya ava Omwene wavo te va hange ve li oupafi nge te uya, oshili handi mu lombwele, Ye ote lidjaleke, ndele te va lombwele va kale omutumba note va yakula.

LUKAS 14:15

Ndele umwe womovaenda eshi e di uda okwa tya kuye: “Omunelao oyou ta ka lya omungome mouhamba waKalunga.”

2 TIMOTEUS 2:12

ngeenge hatu lididimikeni, ohatu ka kaleni nokupangela yo pamwe naye; ndelenee ngeenge ohatu mu likale, Oye ote ke tu likala yo.

JAKOB 1:1

Jakob, omupiya waKalunga nowOmwene Jesus Kristus, Ohandi kundile po omapata omulongo naavali, oo a kala melihano.

EHOLOLO 19:9

Oye omweengeli a lombwela nge: “Shanga u tye: Ovanelao ovovo va ifanwa kehombolo lOdjona.” Ndele ta ti kwaame: “Eendjovo odo odoshili daKalunga.”

EHOLOLO 3:21

Ou ta findi, ohandi mu kaleke omutumba pamwe naame kolukalwapangelo lange, ngaashi Ame nda finda ndele ndi li omutumba pamwe naTate okolukalwapangelo laye.

EHOLOLO 4:4

Nolukalwapangelo eli ola dingililwa komalukalwapangelo omilongo mbali naane, ndele komalukwalwapangelo aa okwa kalwa omutumba kovakulunhu omilongo mbali navane, va djala oikutu itoka nokomitwe davo ova djala oikoloni yoingoldo.