LUKAS 21:34 - Ombibeli Iyapuki

³⁴ “Ndelenee lipashukileni, omitima deni diha lolokifwe koitendele nokokukolwa nokoshisho shoipalwifa, efiku olo lihe mu vakele ngaashi omwiyo,

LUKAS 21:34 ပူးပေါင်းရင်းမြစ်များ

GENESIS 19:32

Ila, tu pe tate omaviinyu a nwe, ndele hatu nangala naye, opo tu limonene oludalo mutate.”

GENESIS 19:35

Oufiku ou vo ova pa vali xe omaviinyu a nwe, ndele ondenge oya penduka, ndele tai nangala naye. Ye ina shiiva kutya onaini e uya okunangala nonaini a penduka.

GENESIS 27:14

Opo nee ye okwa ya e ke va tale ndele te va etele ina. Ndele ina okwe va paka po eendja dinyenye ngaashi xe kwa li e di hole.

OMAPSALOME 35:8

Ngeno na hangelelwe koshiponga ine shi shiiva, a papale eshi e li melulo laye, eli a tela nge meholeko, e liyule ye mwene. Omo na wile, a nyonauke po.

OMAYELETUMBULO 21:4

Elinenepeko lomesho nounhwa womutima osho evilimo lovahenakalunga novalunde.

OMAYELETUMBULO 23:20

Ino kala mokati kaava hava finyuna omaviinyu, hamokati kaava va duka okulya ombelela.

OMUUDIFI 9:12

Heeno, nomunhu yo ina shiiva efimbo laye, ngaashi eeshi odo tadi yulwa moshiyulifo shitilifa nongaashi eedila tadi kwatwa meendjadja dokukwata. Ngaashi do osho yo ovana vovanhu tava yulwa mefimbo lii, olo tali va kwata divadiva.

JESAJA 28:7

Naava yo tava i oshidungwe komaviinyu, noikolwifa tai va pungaukifa, omupristeli nomuxunganeki otava i oshindungwe koikolwifa, omaviinyu e va etela oshitelele, ova pungaukifwa koikolwifa. Otava puka momamoniko, ndele tava i pomunghulo mokutokola.

HOSEA 4:11

Oluhaelo nomaviinyu nomaongo otaa nyeka omunhu eendunge.

LEVITIKUS 10:9

“Ove novana voye ovamati inamu nwa omaviinyu ile oikolwifa nye ngeenge tamu i metwali leongalo, muha fye. Oyo onghedimhango yaalushe yomomaludalo eni.

MATEUS 13:22

Ndele odo da kunwa meeshosholo, oye tuu ou ta udu eendjovo, ndelenee oshisho shounyuni neheka loupuna tali fininike eendjovo, ndele ta kala ehe noiimati.

MARKUS 13:9

“Ndele lilungameneni nye vene. Otave ke mu yandja koiongalele yovakulunhu, ndele tamu ka dengelwa meeshinagoga, ndele tamu ka twalwa koipala yomalenga noyeehamba molwange mu ninge ondobwedi kuvo.

MARKUS 4:19

ndele oshisho shounyuni ou nepukifo loupuna, nakeshe tuu okahalu take uya mo ndele taka fininike eendjovo, ndele tadi kala oifete.

LUKAS 10:41

Ndelenee Omwene okwe mu nyamukula ta ti: “Marta, Marta, ove to lipe oshisho noupyakadi noinima ihapu.

LUKAS 12:40

Nanye yo osho mu kale mwe lilongekida, osheshi Omona wOmunhu ote uya motundi ei inamu i teelela.”

LUKAS 17:3

Lilungameneni nye vene! “Omumwanyoko ngeenge ta nyono, mu hanyena, ndele ngeenge te lidilulula, mu kufila po.

LUKAS 21:35

osheshi olo otali hange aveshe ava hava kala kombada yedu alishe.

LUKAS 21:8

Ndele Ye okwa tya: “Lungameni muha pukifwe, osheshi vahapu tave uya medina lange ndele tava ti: aame ou, nefimbo ola fika. Ndelenee inamu va shikula.

LUKAS 8:14

Ndele odo da wila meeshosholo ovava hava pwilikine, ndele mokweenda kwavo otava fi oshuunguungu shoisho youpuna noyomahafo okukalamwenyo oku, ndele itava tilyaneke oiimati.

1 OVAKORINTO 5:11

Ndelenee onde mu shangela, nokutya ngeenge pe na ou ha ifanwa omumwaxo, ye omuhaeli ile omunalwisho ile omukaleli woikalunga ile omusheki ile ongholwe ile omunyeki, muha endafane naye, nye muha lye nandenande naye.

1 OVAKORINTO 6:10

novalunga novanalwisho, neengholwe novasheki novanyeki ovo itava fyuulula ouhamba waKalunga.

OVAGALATI 5:20

oukalele woikalunga, oundudu, etondafano, eemhata, oukodi, ehandu, omashilafano, omaliyalafano, oimhanga;

DEUTERONOMION 29:19

Ndele umwe ngeenge ta udu eendjovo deano eli, nge te litangele ounelao momutima waye, ndele ta ti: ‘Ame ohandi ka mona ouwa nande ohandi ende moukukutu womwenyo wange.’ Osho ngaha tamu dudwa po eshi sha tuta naashi shikukutu!

OVAFILIPPI 4:6

Kaleni muhe na nande oshisho shasha, ndelenee oufyoona weni u shiivifileni Kalunga momailikano nomomaindilo pamwe nomapandulo,

OVAHEBERI 12:15

Litaleni, paha kale nande umwe te likufa mefilonghenda laKalunga, paha tutume nande omudi woululu mokati keni ndele tau eta edundakano ndele vahapu tava nyatekwa kuwo.

2 PETRUS 3:10

Ndelenee efiku lOmwene otali ke uya ngaashi omulunga, opo tuu eulu tali nyonauka po nomipwalakato dinene noihovelitungifo otai dilukifwa komundjene, nedu noilongwanima otai lungwinine mo.

2 PETRUS 3:14

Onghee hano, ovaholike, mokuteelela oinima ei kendabaleni shili, mu monike puye muhe nonyata nomuhe noshipo mombili;

EHOLOLO 3:3

Dimbulukwa hano nhumbi wa pelwe nowa udile, ove u shi diinine u lidilulule. Ndelenee ngeenge ito kala wa pashuka, ohandi uya ngaashi omulunga, ndele ku na apa to ka shiiva otundi oyo handi ku hange.

1 SAMUEL 25:36

Abigail eshi e uya kuNabal, a hanga ye a teleka oitendele meumbo laye ngaashi oitendele yohamba. Nomutima waNabal wa hafa nokwa li a kolwa unene. Onghee hano Abigail ine mu lombwela sha shinini ile shakula fiyo ongula kwa sha.