LUKAS 20:20 - Ombibeli Iyapuki

²⁰ Osho nee ve mu nangela, ndele ova tuma ko ovayeleki ve lininga ovayuki, ve mu yule meendjovo, opo va dule oku mu yandja momake epangelo nokovatokoli nokomwene woshilongo.

LUKAS 20:20 ပူးပေါင်းရင်းမြစ်များ

2 SAMUEL 14:2

Joab okwa tuma kuTekoa va ka tale ko omukainhu omunaendunge ndele ta ti kuye: “Liningifa ngaashi ou ta nyika oluhodi u djale oshikutu sheefya. Ino vava omaadi, ndelenee kala ngaashi omwalikadi ou ta lili eefya omafiku mahapu omolwanakufya.

OMAPSALOME 38:12

Ava tava nangele omwenyo wange, otava tele omiyo, naava va hala okuyehameka nge, otava lombola oixuna, ndele tava dutu ekonda efiku alishe.

OMAPSALOME 66:3

Tyeni kuKalunga: “Oilonga yoye ikumwifa oi fike peni! Molwouyadi weenghono doye, ovatondi voye otave linyongamene kwoove.

OMAPSALOME 81:15

Ava hava tondo Omwene, ngeno nava linyongamene kuye, noshihangwa shavo nashi kale po alushe.

JEREMIA 11:19

Ndele onda li ngaashi okadjona ka mwena taka twalwa koshidipaelo, ndele shiiva nokutya, vo va kundafana nge ve nondubo naame tava ti: Tu nyonauneni po omuti ou pamwe noiimati yao, ndele tu u dude mo medu lovanamwenyo, edina laye liha dimbulukiwe vali.

JEREMIA 18:18

Ndelenee vo ova tya: “Ileni tu ka hangakeneni Jeremia. Osheshi elongo itali xulu komupristeli nomayele kovanaendunge nondjovo kovaxunganeki. Ileni tu ke mu denge nelaka, fye tuha pwilikine vali eendjovo daye.”

JEREMIA 20:10

Osheshi ame onda uda omalundilo avahapu, omatilifo keembinga adishe! Mu hololeni! Natu mu holole! Nookaume kange aveshe tava kala nokunangela nge, ndi punduke. Vo otava ti: Kashiimba tashi dulika a tulwe moulai, nena hatu mu dulu eenghono ndele hatu polifile muye ehandu letu.

DANIEL 6:4

Opo nee omalenga makwao aa akula nomalenga ova kongela Daniel etimba loku mu popya omolwouteku woshilongo. Ndelenee vo ova nyengwa okumona sha eshi tashi mu kaulifa onyanga ile shimwe inashi yuka, osheshi ye okwa li omudiinini, ndele muye inamu monika oshileda ile oshilonga inashi yuka.

MATEUS 27:2

Ndele ove mu manga, ndele ve mu twala ko, ndele tave mu yandje momake aPilatus, omupangeli woshilongo.

MARKUS 3:2

Ndele vo ove mu nangela va tale ngeenge te mu velula efiku lEshabata, opo va dule oku mu hokololifa.

LUKAS 11:54

noku mu nangela, va mone sha oku mu pa etimba.

LUKAS 20:21

Ndele vo ove mu pula tava ti: “Omuhongi, otu ku shii, ove omuyuki mokupopya nomokulonga, ove iho tale oshipala, ndele to longo ondjila yaKalunga moshili.

LUKAS 20:26

Ndele vo ova nyengwa oku mu yula meendjovo moipafi yovanhu, ndele va kuminwa enyamukulo laye, vo va mwena nee.

2 PETRUS 2:3

Nomolwolwisho tave mu likola neendjovo domaheko, ndelenee etokolo lavo la kala nale la pashuka nenyonauko lavo ihali kofa.