LUKAS 20:10 - Ombibeli Iyapuki

¹⁰ Ndele efimbo eshi la fika, ye okwa tuma ko omupiya kovalongi ve mu pe oiimati yepya lomiviinyu, ndele ovalongi ove mu denga, ndele ove mu shunifa hamakasha.

LUKAS 20:10 ပူးပေါင်းရင်းမြစ်များ

1 EEHAMBA 22:24

Opo nee Sedekia a yambuka nokwa denga Mikaia enghava moshipala, nde ta ti: “Onaini hano Omhepo yOmwene ya dja mo mwaame i uye i popye mwoove?”

2 EEHAMBA 17:13

NOmwene okwa londwela Israel naJuda nomuxunganeki keshe nonomumonikokule keshe, ndele ta ti: “Lialulukeni keendjila deni inadi yuka, ndele diinineni oipango yange, neenghedimhango dange, pamhango oyo nde i pa ooxo, nayo nde i mu lombwelifa kovapiya vange, ovaxunganeki, ovo nde mu tumina.”

1 OMAFIMBO 19:4

Opo nee Hanun a kwata ovatumwa vaDavid nokwa kululifa eendjedi davo ndele ta tete oikutu yavo pokati fiyo moshiya, nokwe va lekela va ye.

2 OMAFIMBO 16:10

Ndelenee Asa okwa handukila omumonikokule nokwe mu idililifa modolongo, shaashi ye okwa li e mu udila onya. Ndele pefimbo olo Asa okwa hepeka vamwe vomoshiwana.

NEHEMIA 9:26

Ndele inava dulika vo ve ku twila ondubo nova ekela omhango yoye kombuda yavo. Novaxunganeki voye ovo ve va londwela, ve va alulile kwoove, ve va dipaa ndele va ninga oinima inene yoixuna yokusheka Kalunga.

NEHEMIA 9:30

Nomido dihapu wa li u nolukeno navo ndele we va londola nOmhepo yoye nomakanya ovaxunganeki. Ndelenee vo va li inava hala okuuda. Onghee hano we va yandja momake oiwana yoilongo.

OMAPSALOME 1:3

Ndele ye ota ka kala ngaashi omuti, ou wa twikwa pomatondokelo omeva ndele tau imifa oiimati yao pefimbo lao, nomafo ao ihaa lembe. Naashishe eshi ta ningi, osha fewa.

JEREMIA 2:30

Ovana veni ovamati onde va dengela epwanga, osheshi inava dulika komakumaido ange. Omaongamukonda eni okwa lya ovaxunganeki ngaashi onghoshi tai li.

JEREMIA 20:2

opo nee Pashur okwa denga omuxunganeki Jeremia ndele te mu tula meti la li mOshivelo shokombada shaBenjamin opongulu yOmwene.

JEREMIA 35:15

Ndele Ame inandi fya ounye oku mu tumina ovapiya vange ovaxunganeki efimbo alishe, vo va tye: Lialulukeni, keshe umwe kondjila yaye ii, nye mu wapaleke oilonga yeni, ndele inamu shikula oikalunga, mu i longele, opo nee nye tamu ka kala medu leni nde li mu pa, onye nooxokulu. Ndelenee nye inamu pwilikina nomatwi eni inamu ameka kwaame.

JEREMIA 5:24

Inava tya momitima davo nokutya: Natu tileni Omwene Kalunga ketu, ou he tu lokifile odula, odula yonhemuna nodula yokulombo pefimbo layo nokwe tu tongolela oivike yeteyo.

LUKAS 13:34

“Jerusalem, Jerusalem, ove ou ho dipaa ovaxunganeki noho dipaa nomamanya ovo we va tuminwa, lungapi nda li nda hala okwoongela ovamwoye, ngaashi oxuxwa hai ongele ouxuxwena momavava ayo, ndele nye inamu hala.

LUKAS 20:11

Opo ye a tuma ko omupiya umwe, ndele naye yo ove mu denga ndele ve mu tuka, ndele ove mu shunifa hamakasha.

LUKAS 20:9

Ndele Ye okwa hovela okulombwela ovanhu efaneko eli: “Omulumenhu umwe okwa twika epya lomiviinyu, okwe li pa ovalongi ndele okwa ya koilongo a ka menekele ko.

JOHANNES 15:16

Nye, hanye mwa hoolola nge, Aame nde mu hoolola, nonde mu tula po mu ye ko, nye mu ka ime oiimati, noiimati yeni i kalelele, opo nee keshe tuu eshi tamu shi indile Tate medina lange, Oye te shi mu pe.

OVAROMA 7:4

Osho nanye yo, ovamwatate, omwa fya mo momhango okolutu laKristus, mu ninge vaumwe, ovaau a nyumunwa movafi, opo tu imikile Kalunga oiimati.