LUKAS 2:4 - Ombibeli Iyapuki

⁴ Ndele osho yo Josef a fikama muGalilea moshilando shaNasaret nokwa ya kuJudea koshilando shaDavid sha ifanwa Betlehem, osheshi ye owomeumbo nomepata laDavid,

LUKAS 2:4 ပူးပေါင်းရင်းမြစ်များ

GENESIS 35:19

Osho hano Rakel okwa fya. Ndele ye okwa pakwa pondjila yokuya kuEfrat, nokutya Betlehem.

GENESIS 48:7

Ndele ame eshi nda dja muPaddan, Rakel okwa fila moshilongo shaKaanan mondjila, eshi pa li ashike okanano kanini okufika kuEfrat.” Oko nde mu paka pomunghulo wondjila yokuya kuEfrat nokutya, Betlehem.

MIKA 5:2

Ndele oove Betlehem Efrata, oove munini mokati komapata aJuda, mwoove tamu ka dja ou, ta ka ninga Omupangeli muIsrael. Nehovelo laye oloshitonale, heeno, olomoukwaalushe.

MATEUS 1:20

Ndelenee eshi kwa li ta diladila ngaha, tala, omweengeli wOmwene okwe mu holokela mondjodi ndele ta ti: “Josef, omona waDavid, ino tila okweeta kwoove Maria, omukainhu woye, osheshi oufimba ou e u kwete owOmhepo Iyapuki.

MATEUS 2:23

Ndele eshi e uya ko, okwa kala moshilando edina lasho Nasaret. Opo nee eshi sha tongwa kovaxunganeki shi wanifwe: “Oye ta ka ifanwa Omunasareti.”

LUKAS 2:3

Ndele aveshe ova ya ko, ve ke lishangife, keshe ou moshilando shavo.

LUKAS 2:5

e ke lishangife pamwe nomuputulwa waye Maria, ou a li omufimba.

LUKAS 4:16

Ye okwe uya kuNasaret omo a tekulwa ndele okwa ya moshinagoga efiku lEshabata, ngaashi a ika, ndele a fikama okulesha.

JOHANNES 1:46

Opo Natanael okwa tya kuye: “MuNasaret otamu di tuu ouwa nande owasha?” Filippus okwa tya kuye: “Ila u ka tale!”

JOHANNES 7:42

Omushangwa itau ti: Kristus ota di moludalo laDavid nomoshilando shaBetlehem, oku kwa li David?”

RUT 1:19

Ndele vo vavali ova enda nondjila fiyo tava fiki kuBetlehem. Ndele vo eshi ve uya kuBetlehem, oshilando ashishe she va ongalela novalikadi tava ti: “Oye tuu Naomi?”

RUT 2:4

Ndele Boas okwe uya mo, ta di muBetlehem, nokwa popifa ovatei ta ti: “Omwene na kale nanye!” Ndele vo ove mu nyamukula: “Omwene ne ku nangeke noupuna!”

RUT 4:11

Opo nee ovanhu aveshe ava va li moshivelo shoshilando novakulunhu tava ti: “Fye eendobwedi. Omwalikadi ou te uya meumbo loye na ningilwe kOmwene ngaashi Rakel nongaashi Lea, ovo aveshe vavali ova tunga eumbo laIsrael. Ninga oilonga yeenghono muEfrata, edina loye li ninge linene muBetlehem!

RUT 4:17

Novalikadi ovashiinda ve ka luka ndele tava ti: “Naomi a dalelwa okaana okamati!” Ndele ve ka luka Obed. Ye oye xe yaIsai, xe yaDavid.

1 SAMUEL 16:1

Opo nee Omwene ta ti kuSamuel: “Fiyo onaini to nyika oluhodi omolwaSaul? Ame nde mu ekelashi aha kale vali ohamba Ovaisraeli. Yadifa oshanga yoye omaadi u ye. Ame ohandi ku tumu kuIsai Omubetlehem, osheshi movana vaye ovamati, Ame nde lihoololela ohamba.”

1 SAMUEL 16:4

Ndele Samuel a ninga ngaashi Omwene e mu lombwela. Ndele ye eshi e uya kuBetlehem, ovakulunhu voshilando ve uya nokukakama tave mu shakeneke ndee tava pula: “Euyo loye olombili tuu?”

1 SAMUEL 17:12

Ndelenee David okwa li omona wOmuefrat womuBetlehem shomuJuda, edina laye Isai. Ye okwa li e na ovana ovamati vahetatu, ndele pefimbo laSaul omulumenhu ou okwa li a kulupa, omido daye da li dihapu.

1 SAMUEL 17:58

Ndele Saul te mu pula: “Omunyasha oove omona walyelye?” Ndele David ta ti: “Omona womupiya woye Isai, Omubetlehem.”

1 SAMUEL 20:6

Xo ngeenge ta yongola nge, u nokutya: ‘David okwa indila nge a shiive okuya diva moshilando shavo Betlehem, osheshi ko oku na oshivilo sheyambo lomudo keshe lepata lavo alishe.’