LUKAS 2:13 - Ombibeli Iyapuki

¹³ Ndelenee ohaluka, pomweengeli opa holoka ongudu inene yovakwaita vomeulu, ova hambelela Kalunga tava ti:

LUKAS 2:13 ပူးပေါင်းရင်းမြစ်များ

GENESIS 28:12

Ndele ye okwa twa ondjodi: vati kombada yedu ku na omhani, oxulo yayo ya twa keulu, novaengeli vaKalunga tava londele ko vo tava londolokele ko.

1 EEHAMBA 22:19

Mikaia ta ti vali: “Pwilikina ondjovo yOmwene: Ame nda mona Omwene e li omutumba kolukalwapangelo laye meulu, novaengeli aveshe va kala ofika puye.

JOB 38:7

Eenyofi dongula eshi da hafa mumwe novana aveshe ovamati vaKalunga va nyakukwa?

OMAPSALOME 148:2

Ovaengeli vaye nye amushe, mu tangeni; eengudu daye nye amushe, mu tangeni!

OMAPSALOME 68:17

Omatemba oita aKalunga, oo omayovi omulongo eyovi lweyovi; Omwene ota kala mokati kavo, moukalelo waye, ngaashi kuSinai.

HESEKIEL 3:12

Opo nee Omhepo ya yelula nge po, ndele nda uda konima yange ondaka inene tai ndunduma tai ti: “Efimano lOmwene nali hambelelwe monhele yalo!”

DANIEL 7:10

eenghungulukilo domundilo oda tondoka, da dja koshipala shaye, eyovi lwomayovi ove mu longela, nomayovi omulongo lwomayovi omulongo ova kala ofika koshipala shaye. Ovatokoli va kala omutumba, omambo a nyanunwa.

LUKAS 15:10

Ohandi mu lombwele, osho tuu tamu ningi ehafo movaengeli vaKalunga omolwomulunde umwe e lidilulula.”

LUKAS 2:12

Nedidiliko mu mu koneke oleli: otamu ka mona okaana ka tonyenwa momalapi, ndele taka nangekwa mepeta lokulila oimuna.”

LUKAS 2:14

“Efimano olaKalunga mokombadambada nombili kombada yedu movanhu e va hokwa.”

OVAEFESO 3:10

opo omapangelo neenghonopangelo eenghwaulu di shiivifilwe keongalo ounongo uhapu waKalunga,

1 TIMOTEUS 3:16

Nosha shiivika nawa shili nokutya, oshiholekwa shelao lomuKalunga osho oshinene: Kalunga a holoka mombelela, okwa yukipalifwa mOmhepo, okwa monika kovaengeli, okwa udifilwa mokati koiwana, okwa itavelwa mounyuni, okwa tambulwa mefimano.

OVAHEBERI 1:14

Ovo aveshe kave fi eemhepo dokuyakula, va tuminwa eyakulo laavo tava ka fyuulula exupifo?

1 PETRUS 1:12

Nashaashi inave liyakula voovene, ndelenee ove tu yakula, ova hololelwa osho mwe shi shiivifilwa paife kwaava ve mu udifila evaengeli omOmhepo Iyapuki a tumwa a dja meulu, nomo tuu omo novaengeli hava djuulukwa okuvandamena mo.

EHOLOLO 5:11

Ame onda mona, ndele nda uda ondaka yovaengeli vahapu, va dingilila olukalwapangelo noinamwenyo novakulunhu, nomuvalu wavo owa li omayovi omulongo lwomayovi omulongo, neyovi lweyovi,