LUKAS 2:11 - Ombibeli Iyapuki

¹¹ Onena tuu eli mwa dalelwa Omukulili moshilando shaDavid, Oye tuu ou Kristus Omwene.

LUKAS 2:11 ပူးပေါင်းရင်းမြစ်များ

GENESIS 3:15

Ndele Ame ohandi ka tula outondwe pokati koye nomwalikadi nokoludalo loye nokoludalo laye. Ye ota ka nyanyaula omutwe woye ndele ove to ke mu twa moshififinwa.”

GENESIS 49:10

Epangelodibo itali ka kufwa kuJuda nodibo youhamba itai di po peemhadi daye. Fiyo ou e na okuuya te uya, noiwana tai ka dulika kuye.

OMAPSALOME 2:2

Eehamba dedu tadi fikama, ovapangeli otava kundafana pamwe notava tu ondubo nOmwene nomuvaekwa waye.

JESAJA 9:6

Osheshi okaana ke tu dalelwa, Omona omumati e tu yandjelwa, nepangelo oli li komapepe aye, ndele ta ifanwa: Omukumwifa-Omupukululi, Kalunga Omunaenghono, Tate yaalushe, Ohamba yombili.

MATEUS 1:16

Ndele Jakob okwa dala Josef, omulumenhu waMaria, Maria okwa dala Jesus, ou ha ifanwa Kristus.

MATEUS 1:21

Ndele ye ota ka dala okamati, ndele to ke mu luka Jesus, osheshi Oye ta ka xupifa oshiwana shaye momatimba asho.”

MATEUS 16:16

Ndele Simon Petrus okwa nyamukula ndele ta ti: “Oove Kristus, Omona waKalunga omunamwenyo.”

MATEUS 16:20

Opo nee okwa kelela ovalongwa vaye vehe shi tonge nande okomunhu nokutya, Oye Kristus.

LUKAS 1:43

Ndele osha dila nge peni, ina yOmwene wange te uya kwaame?

LUKAS 1:69

ndele okwe tu tumbila oluvinga lexupifo omeumbo laDavid, omupiya waye,

LUKAS 2:26

Ndele okwa hololelwa kOmhepo Iyapuki kutya, ye ita mono efyo fimbo ina mona Kristus Omwene.

LUKAS 2:4

Ndele osho yo Josef a fikama muGalilea moshilando shaNasaret nokwa ya kuJudea koshilando shaDavid sha ifanwa Betlehem, osheshi ye owomeumbo nomepata laDavid,

JOHANNES 1:41

Ye okwa shakena tete namumwaina Simon, ndele ta ti kuye: “Fye otwa mona Messias, otashi ti Kristus.”

JOHANNES 1:45

Ndele Filippus okwa hanga Natanael, ndele ta ti kuye: “Fye otwa mona ou a shangwa kuMoses momhango nokovaxunganeki, Jesus womuNasaret, omona waJosef.”

JOHANNES 11:27

Ye okwa tya kuye: “Heeno Omwene, handi itavele nokutya, Oove Kristus, Omona waKalunga, ou e nokuuya mounyuni.”

JOHANNES 20:31

Ndele ei oya shangwa, nye mu itavele Jesus Oye Kristus, Omona waKalunga, ndele moku mu itavela mu kale mu na omwenyo medina laye.

JOHANNES 4:25

Omukainhu ta ti kuye: “Ondi shi shii, Messias, ou ta ifanwa Kristus, ote ke uya. Oye ngeenge te uya, ote tu hololele aishe.”

JOHANNES 4:42

ova tya komukainhu: “Paife inatu itavela vali omolweendjovo doye, osheshi ofye vene twa uda ndele tu shi shii, Oye shili Omukulili wounyuni.”

JOHANNES 6:69

ndele fye twa itavela ndele tu shi shii, Oove Omuyapuki waKalunga.”

JOHANNES 7:41

Ndele vamwe tava ti: “Ou oKristus,” ndele vamwe vali tava ti: “Kristus ota di tuu kuGalilea?

OILONGA YOVAYAPOSTOLI 10:36

Eendjovo odo e di tumina ovana vaIsrael noku va udifila eenghundana diwa dombili yomuJesus Kristus, ou Omwene waaveshe,

OILONGA YOVAYAPOSTOLI 13:23

Omoludalo laau, Kalunga okwa pendulila Israel Omukulili Jesus, ngaashi e shi udaneka,

OILONGA YOVAYAPOSTOLI 17:3

nokwe va fatululila ndele te va ulikile mudo Kristus nhumbi kwa li e nokuhepekwa nokunyumuka koufi, ndele ta ti: “Jesus tuu ou, handi mu udifile, Oye Kristus.”

OILONGA YOVAYAPOSTOLI 2:36

“Hano eumbo alishe laIsrael nali shiive shili, Jesus tuu ou, mwe mu valela komushiyakano, Kalunga okwe mu ninga Omwene naKristus.”

OILONGA YOVAYAPOSTOLI 5:31

Oye ou Kalunga e mu nenepekifa neke laye lokolulyo, a ninga Omwene, e mu lenge mouyehame Omukulili okupa Ovaisraeli elidilululo nedimepo lomanyonauno.

1 OVAKORINTO 15:47

Omunhu wotete okwa dja medu, omukwadu; omunhu omutivali, Omwene, a dja meulu.

OVAFILIPPI 2:11

nelaka keshe li nokufimaneka Kalunga Xe nokuhepaulula, kutya Jesus Kristus Oye Omwene.

OVAFILIPPI 3:8

Heeno oshili, oinima aishe, eshi nde i shaameka nokushiiva Kristus Jesus Omwene wange, handi i tale oyo oshiponga, osheshi omolwaye nda kanifa aishe nohandi i dini oyo oimbodi yongaho, ndi likole Kristus,

OVAKOLOSSI 2:6

Hano ngaashi mwa tambula Kristus Jesus Omwene, osho kaleni nokweenda muye,

1 JOHANNES 4:14

Nafye yo otwe shi mona nohatu shi hepaulula, nokutya Xe okwa tuma Omona a ninge Omukulili wounyuni.

1 JOHANNES 5:1

Keshe tuu ou ha itavele nokutya, Jesus Oye Kristus, oye a dalwa muKalunga; ndele keshe ou e hole ou e mu dala, oye e hole yo ou a dalwa kuye.