LUKAS 19:47 - Ombibeli Iyapuki

⁴⁷ Ndele Ye okwa li he va longo omafiku aeshe motembeli, ndele ovapristeli ovakulunhu novanongo vomishangwa ove mu konga ve mu dipae, nosho tuu ovakulunhu voshilongo,

LUKAS 19:47 ပူးပေါင်းရင်းမြစ်များ

MATEUS 21:23

Opo nee eshi a ya motembeli, ovapristeli ovakulunhu novakulunhu voshiwana ve uya kuye fimbo ta longo ovanhu, ndele tava ti: “Okeenghono dilipipo ho longo ei? Olyelye e ku pa epangelo eli?”

MATEUS 26:55

Efimbo tuu eli Jesus okwa lombwela eengudu: “Onye mwe uya okukwata nge ongaashi omukolokoshi, mu nomaongamukonda needibo. Omafiku aeshe kwa li nda kala omutumba motembeli ndele nda longa, nye inamu kwata nge.

MARKUS 11:18

Ovapristeli ovakulunhu novanongo vomishangwa ove shi uda, ndele va diladila nhumbi tava ningi va shiive oku mu dipaa, osheshi ove mu tila, osheshi elongo laye ola kumwifa ovanhu aveshe.

MARKUS 12:12

Ndele ova diladila oku mu kwata, ndele ova tila ovanhu, shaashi ova koneka kutya, ovo e va popya mefaneko eli. Ove mu fiya po, ndele tava i.

MARKUS 14:1

Ndele opa li natango omafiku avali opo oshivilo shaPaasa noshomingome dinyenye shi fike. Novapristeli ovakulunhu novanongo vomishangwa ova kundafana, nhumbi ve noku mu kwata nomakoto, vo ve mu dipae.

MARKUS 14:49

Omafiku aeshe onda kala punye motembeli handi longo ovanhu, nye inamu kwata nge. Ndele eshi otashi ningwa, omishangwa opo di twe.”

LUKAS 19:48

ndele va nyengwa nhumbi ve mu ninge, osheshi ovanhu aveshe ve mu hokwa ndele ove mu pwilikina.

LUKAS 20:19

Ndele ovanongo vomishangwa novapristeli ovakulunhu va hala oku mu kwata efimbo tuu olo, ndele ova tila ovanhu, osheshi va koneka efaneko olo tali va popi.”

JOHANNES 10:39

Opo vo va hala vali oku mu kwata, ndele Ye okwa dja mo momake avo, ndele ta i.

JOHANNES 18:20

Jesus okwe mu nyamukula: “Nda tonga moipafi younyuni. Alushe onda longa ovanhu meeshinagoga nomotembeli, omo hamu ongala Ovajuda aveshe, ndele inandi tonga sha meholeko.

JOHANNES 7:19

Moses haye e mu pa omhango hamba, ndele nande umwe mokati keni ite i wanifa. Oshike mwa hala okudipaa nge?”

JOHANNES 7:44

Ndele vamwe vomuvo va hala ve mu kwate; ndele kapa li nande umwe e mu kuma.