LUKAS 19:12 - Ombibeli Iyapuki

¹² Ye okwa tya hano: “Okwa li ku na omunhu a daleka a ya koshilongo shokokule a vaekwe ouhamba, ye a aluke ko.

LUKAS 19:12 ပူးပေါင်းရင်းမြစ်များ

MATEUS 21:38

Ndelenee ovalongi vepya eshi va mona omona, ova kundafana ndele tava ti: ‘Ou omufyuululi, tu yeni, tu ke mu dipaeni fye tu mone efyuululo laye.’

MATEUS 28:18

Ndele Jesus okwe uya kuvo, okwe va lombwela ndele ta ti: “Ame onda pewa eenghono adishe meulu nokombada yedu.

MARKUS 12:1

Ndele Ye okwa hovela oku va lombwela momafaneko: “Omulumenhu umwe okwa tota epya lomiviinyu ndele okwe li umbila ongubu, ndele okwa fa mo elambo lokukamena eeviinyu, okwa tunga ongulu yokukelela, ndele okwa nangeka mo ovalongi vepya, ndele ye okwa ya koilongo.

MARKUS 16:19

Hano Omwene Jesus eshi a tonga kuvo, okwa tambulwa meulu. Ndele okwa kala omutumba kolulyo laKalunga.

LUKAS 20:9

Ndele Ye okwa hovela okulombwela ovanhu efaneko eli: “Omulumenhu umwe okwa twika epya lomiviinyu, okwe li pa ovalongi ndele okwa ya koilongo a ka menekele ko.

LUKAS 24:51

Ndele fimbo te va nangeke noupuna, Ye okwa tukuka navo ndele okwa yelulilwa meulu.

JOHANNES 18:37

Opo Pilatus okwa tya kuye: “Oove ohamba nokuli?” Jesus okwa nyamukula: “Heeno, ngaashi to ti, Aame ohamba. Onghee nda dalwa nde uya mounyuni ou, ndi hepaulule oshili. Keshe ou womoshili, ye ota udu ondaka yange.”

OILONGA YOVAYAPOSTOLI 17:31

osheshi Ye e tu yukifila efiku lokutokola ounyuni, eshi te u tokolifa ouyuki komulumenhu tuu oo, Ye mwene okwe mu hoolola nokwe mu didilikila aveshe eshi e mu nyumuna koufi.”

1 OVAKORINTO 15:25

Osheshi Oye e nokupangela fiyo ota tula ovatondi vaye aveshe koshi yeemhadi daye.

OVAHEBERI 9:28

osho tuu naKristus yo, eshi a yandjelwe lumwe aluke eyambo a kufe po omatimba avahapu, ta ka holoka olutivali ehe netimba kwaava have mu teelele, va mone exupifo.

1 PETRUS 3:22

Oye ou ya meulu nokwa kala kolulyo laKalunga, nokwa pewa koshi yaye ovaengeli nomapangelo neenghono e di pangele.

EHOLOLO 1:7

Tala, Ye ote uya moilemo, nomesho aeshe otae ke mu mona, naava yo ve mu tyuula; nomapata aeshe okombada yedu otaa ka lilaana, eshi tae mu mono. Heeno, Amen.