LUKAS 18:14 - Ombibeli Iyapuki

¹⁴ Ohandi mu lombwele: ou a shuna keumbo omuyuki, e dule winya, osheshi ou te linenepeke ota ninipikwa, ndele ou te lininipike ota nenepekwa.”

LUKAS 18:14 ပူးပေါင်းရင်းမြစ်များ

JOB 22:29

Ondjila ngee tai filukile to ti: ‘Okulonda!’ Nomulininipiki ote mu kwafa.

JOB 25:4

Omunhu ta dulu ngahelipi okukala omuyuki koshipala shaKalunga? Naau a dalwa komukainhu ota dulu ngahelipi okukala a yela?

JOB 9:20

Nande ndi kale ndimuyuki, okanya kange mwene taka pe nge oushima. Nande ndi kale ndihe nombedi, Ye ota mono owii mwaame.

OMAPSALOME 138:6

osheshi Omwene Oye a tumbala, ndele ta yavelele omudinwa, ndelenee ovalituliko ohe va dimbulukile kokule.

OMAPSALOME 143:2

Ove ino tokola omupiya woye, osheshi kape na omunamwenyo omuyuki koshipala shoye.

EXODUS 18:11

Paife ondi shi shii nokutya, Omwene omunene e dule oikalunga aishe. Eshi Ovaegipiti ve linenepeka.”

OMAYELETUMBULO 15:33

Okutila Omwene okwo outekuduliko tau eta ounongo; nelininipiko tali tetekele efimano.

OMAYELETUMBULO 18:12

Omutima womulumenhu tau linenepeke komesho yehanauno laye. Ndelenee elininipiko tali tetekele efimano.

OMAYELETUMBULO 25:7

Osheshi shi dule, ove to lombwelwa: “Ila oku komesho!” Ile to ninipikwa moipafi yomunedina, ou omesho oye e mu wete.

OMAYELETUMBULO 29:23

Elinenepeko lomunhu tali mu xutula, ndelenee ou e nomhepo i nelininipiko, ota ka fimanekwa.

OMAYELETUMBULO 3:34

Ava hava sheke, Kalunga yo te va sheke. Ndelenee ovalininipiki tava filwa onghenda kuye.

OMUUDIFI 9:7

Inda hano u ka lye nehafo omungome woye, ndele nwa omaviinyu oye nomutima wa nyakukwa, osheshi Kalunga okwa hokwa nonale oilonga yoye.

JESAJA 45:25

Oludalo alishe laIsrael otali ka yukipalifwa mOmwene, ndele Oye efimano lavo.”

JESAJA 53:11

Molwoudjuu womwenyo waye ote ke shi mona ndele ta kuta; nomolweshiivo laye Omupiya wange omuyuki ota ka ninga vahapu ovayuki, ndele Ye ota humbata omatimba avo.

JESAJA 57:15

Osheshi Omwene nOmufimanekwa ou ha kala moukwaalushe, nedina laye Omuyapuki, Ye ota ti: Ame ohandi kala pokule mokombadambada nomouyapuki nomwaava ve na omhepo ya nyanyaulwa noye lininipika, opo ndi hekeleke omhepo yovalininipiki nondi tululule omwenyo momutima waava va nyanyaulwa.

JESAJA 66:2

Osheshi eke lange ola ninga oinima ei aishe, nosho aishe ei oya holoka, Omwene ta ti. Ndelenee Ame ohandi ka tala komufyoona nakwaau e nomhepo ya nyanyaulwa, ndele ta kakama molwondjovo yange.

DANIEL 4:37

Aame Nebukadnesar, paife ohandi hambelele ndele handi tumbaleke ndele handi fimaneke Ohamba yomeulu! Oilonga yaye aishe oyo yoshili, neendjila daye oda yuka. Oye ta dulu okuxutula ava hava ende melinenepeko.”

HABAKUK 2:4

“Tala, omwenyo waye we linenepeka noinau yuka. Ndelenee omuyuki ta ka kala e nomwenyo keitavelo laye.

MATEUS 23:12

Ndele ou te linenepeke, oye ta ninipikwa, naau te lininipike, ye ota nenepekwa.”

MATEUS 5:3

“Ovanelao eehepele domhepo, osheshi Ouhamba weulu owavo.

LUKAS 1:52

Ovapangeli okwe va undula ko komalukalwa ndele okwa nenepekifa ovaxupi.

LUKAS 10:29

Ndelenee winya okwa hala okulimonikifa omuyuki ndele ta ti kuJesus: “Omukwetu olyelye?”

LUKAS 14:11

Osheshi keshe ou te linenepeke ota ninipikwa, naau te lininipike ota ka nenepekwa.”

LUKAS 16:15

Ndele opo Ye okwe va lombwela: “Onye tuu ovo hamu lipe ouyuki moipafi yovanhu, ndelenee Kalunga e wete omitima deni, osheshi osho sha fimana povanhu, osho oixuna puKalunga.

OVAROMA 3:20

osheshi kape na omunhu ta ka ninga omuyuki koshipala shaye okoilonga yomhango; osheshi momhango ohamu di eshiivo loulunde.

OVAROMA 4:5

Ou ita longo oilonga ndele ta itavele ou ta yukipalifa omukehenakalunga, ota valulilwa eitavelo laye ouyuki;

OVAROMA 5:1

Hano eshi twa yukipalifwa keitavelo, otu nombili naKalunga molwOmwene wetu Jesus Kristus,

OVAROMA 8:33

Olyelye ta dulu okuyandja etimba kovahoololwa vaKalunga? Kalunga Oye tuu ou ta yukipalifa.

OVAGALATI 2:16

eshi tu shi shii kutya, omunhu iha yukipalifwa molwoilonga yomhango, ndelenee omolweitavelo laJesus Kristus, onghee hano nafye yo otwa itavela Kristus Jesus, opo tu yukipalifwe okeitavelo laKristus, hakoilonga yomhango, osheshi kape na nande ombelela imwe tai yukipalifwa koilonga yomhango.

JAKOB 4:10

Lininipikeni koshipala shOmwene, ndele Ye ote mu nenepeke.

JAKOB 4:6

Ndelenee ye ota yandje efilonghenda linene unene. Onghee tapa tiwa: “Kalunga oku tonde ovalinenepeki, ndelenee ovalininipiki te va file onghenda.”

1 SAMUEL 1:18

Opo nee ye ta ti: “Omupiya woye omukainhu na filwe onghenda momesho oye.” Omwalikadi okwa dja po opo, ta li ndele ina kala vali e noluhodi.