LUKAS 18:12 - Ombibeli Iyapuki

¹² eendja ohandi di lidilike luvali moshivike keshe ndele handi yandje oitimulongo moilikolwa yange aishe.’

LUKAS 18:12 ပူးပေါင်းရင်းမြစ်များ

2 EEHAMBA 10:16

ndele ta ti: “Ila, tu yeni, u tale nohokwe ouladi wange omolwOmwene.” Ndele vo ove mu londeka metemba laye.

JESAJA 1:15

Ndele Ame ohandi mu fifimana nomesho ange, ngeenge tamu yelula omaoko eni; nonande mu indile omaindilo mahapu, itandi a udu: osheshi omake eni oku yadi ohonde.

MALAKIA 3:8

Omunhu ota nyeka tuu Kalunga? Osheshi nye otamu nyeka nge ndele tamu ti: Mushike twe ku nyeka? Moitimulongo nomoiyandjiwa.

NUMERI 18:24

Osheshi oitimulongo yovana vaIsrael, tave i yandje kOmwene eeshaliyambo, oyo ohandi i pe Ovalevi i kale efyuululo. Onghee Ame ihandi va pe efyuululo mokati kovana vaIsrael.

NUMERI 23:4

Ndele Kalunga e uya nokwa shakena naBileam, ndele Bileam okwe mu lombwela: “Eealtari heyali nde di tungifa nongobe imwe yomhedi nodi imwe yomhedi onde i yamba koaltari keshe.”

MATEUS 5:20

Osheshi Ame ohandi mu lombwele: ouyuki weni ngeenge kau dule shili ou wovanongo vomishangwa nowOvafarisai, itamu i nande mouhamba womeulu.

MATEUS 6:1

“Lungameni okutalifa ouyuki weni moipafi yovanhu mu monike kuvo; ndele ngeenge tamu u talifa, kamu noshipewa kuXo yeni meulu.

MATEUS 6:16

“Ndele onye ngeenge tamu lidilike oikulya, inamu kala noshidimbi moshipala ngaashi ovanaihelele, osheshi vo ohava lulike oipala yavo, opo ovanhu va koneke ove lidilika oikulya. Oshili handi mu lombwele: ovo va pewa ondjabi yavo.

MATEUS 6:5

“Ndele ngeenge tamu ilikana, inamu kala ngaashi ovanaihelele; osheshi ve hole okukala ofika nokwiilikana meeshinagoga nopomashakeneno eendjila, va monike kovanhu. Oshili handi mu lombwele: ovo va pewa ondjabi yavo.

MATEUS 9:14

Ovalongwa vaJohannes ove uya kuye ndele tava ti: “Ofye nOvafarisai luhapu ohatu lidilike oikulya; oshike ovalongwa voye ihave lidilike?”

LUKAS 11:42

“Ndelenee woo, nye Ovafarisai, eshi hamu yandje oitimulongo yombidi noyoidimba noyeembidi adishe, ndele hamu pitilile ouyuki nohole okuhola Kalunga, eshi oshi nokuwanifwa naashinya kashi na okweefiwa.

LUKAS 17:10

Hano osho nanye yo, ngeenge mwa wanifa ashishe mwe shi lombwelwa, tyeni: ‘Ofye ovapiya vongaho, otwa longa osho ashike twa li tu noku shi longa.’ ”

OVAROMA 3:27

Elitango oli li peni? Ola kufwa po molwomhango yashike? Oyo ei yoilonga? Ahowe, omolwomhango yeitavelo.

1 OVAKORINTO 1:29

opo paha kale nande ombelela imwe tai litange koshipala shaKalunga.

OVAGALATI 1:14

nonda li nda ehena komesho mOujuda ndi dule vakwetu vahapu novomepupi lange vomoludi letu, ongaashi nda li omuladi okudiinina eenghulunghedi dootatekulu.

OVAEFESO 2:9

hamolwoilonga, opo paha kale nande umwe te litange.

1 TIMOTEUS 4:8

Osheshi edeulo lokolutu oli nekwafo lixupi, ndelenee etilokalunga otali kwafa moinima aishe, osheshi olo li neudaneko lomwenyo wopaife nowokomesho.

1 SAMUEL 15:13

Samuel eshi e uya kuSaul, Saul ta ti kuye: “Ove u nangekwe noupuna kOmwene. Ame nda wanifa ondjovo yOmwene.”