LUKAS 18:11 - Ombibeli Iyapuki

¹¹ Ndele Omufarisai okwa kala ofika e likalela ndele okwa ilikana ngaha: ‘Kalunga, ohandi ku pandula, osheshi ame inandi fa ovanhu vamwe, ovakolokoshi, eembudi novanyoni vohombo ile ongaashi omufendelifi ou,

LUKAS 18:11 ပူးပေါင်းရင်းမြစ်များ

OMAPSALOME 134:1

Yambukeni, hambeleleni Omwene, ovapiya vaye nye amushe, ava hamu kala ofika meumbo lOmwene oufiku.

OMAPSALOME 135:2

ava hamu kala ofika meumbo lOmwene, momikala deumbo laKalunga ketu.

OMAYELETUMBULO 20:6

Ovanhu vahapu tave litangele ouwa wavo, ndelenee olyelye ta mono omulumenhu e shii kulineekelwa?

OMAYELETUMBULO 30:12

epupi tali litale lo la yela momesho alo, ndelenee inali koshoka keenyata dalo;

JESAJA 1:15

Ndele Ame ohandi mu fifimana nomesho ange, ngeenge tamu yelula omaoko eni; nonande mu indile omaindilo mahapu, itandi a udu: osheshi omake eni oku yadi ohonde.

JESAJA 58:2

Vo otava pula nge keshe efiku vati nova hala ounongo weendjila dange! Ngaashi oshiwana tashi wanifa ouyuki noitashi efa eufo laKalunga kasho. Ohava pula nge omatokolo mayuki, va hala okweehena kuKalunga.

JESAJA 65:5

ava tava ti: “Kala nge kokule, ino ehena nge popepi, osheshi Aame omuyapuki kwoove.” Ovanhu ava ovo omwifi momayulu ange, nomundilo hau tema omutenya aushe.

JEREMIA 2:28

Oikalunga yoye oi li peni, we i lihongela? Nava fikame, ngeenge otava dulu oku ku kwafa fiku to hangika koshiponga; osheshi ngaashi oilando yoye oi li ihapu, osho yo oikalunga yoye, akutu Juda.

JEREMIA 2:35

Ndele oto popi ndele to ti: ‘Ame nghi netimba. Ehandu laye ola pitilila nge po.’ Tala, ame onda hala oku ku hokololifa, osheshi ove oto ti: ‘Ame inandi nyona sha.’

HESEKIEL 33:31

Ndele vo otave uya kwoove ngaashi ovanhu tava ongala ndele tava kala omutumba moipafi yoye ngaashi ovanhu vange, ndele tava udu eendjovo doye, ndelenee ihave di wanifa. Osheshi vo ohava holola ohole yavo nokanya kavo, ndelenee omitima davo tadi shikula okulikola kwavo kwoulunde.

MIKA 3:11

Ovakulunhu vasho, eendjovo otave di tokolele ombubo. Novapristeli vasho otava longele ofuto, novaxunganeki tava xunganekele oimaliwa. Nande ongaha, vo otave liameke kOmwene, ndele tava ti: “Omwene ita kala hamba mokati ketu? Kape noshiponga tashi ke tu hanga.”

MATEUS 10:3

Filippus naBartolomeus, Tomas naMateus, omufendelifi; Jakob yaAlfeus, naLebbeus, edina laye limwe Tadeus;

MATEUS 5:20

Osheshi Ame ohandi mu lombwele: ouyuki weni ngeenge kau dule shili ou wovanongo vomishangwa nowOvafarisai, itamu i nande mouhamba womeulu.

MATEUS 6:5

“Ndele ngeenge tamu ilikana, inamu kala ngaashi ovanaihelele; osheshi ve hole okukala ofika nokwiilikana meeshinagoga nopomashakeneno eendjila, va monike kovanhu. Oshili handi mu lombwele: ovo va pewa ondjabi yavo.

MARKUS 11:25

Ndele nge tamu kala ofika tamu ilikana, kufilei po, ngeenge mu na sha namukweni, Xo yeni yomeulu e mu kufile po yo omatauluko eni.

LUKAS 20:47

ovovo hava li omaumbo ovafiyekadi ndele hava ningi omailikano malemale pamoniko, ovo tuu tava ka mona etokolo lidjuu unene.”

LUKAS 22:41

Ndele Ye okwe likufa muvo oshinano shoule wekupulo lemanya, ndele ta tu eengolo ndele okwa ilikana

OVAGALATI 3:10

Osheshi aveshe ava vomoilonga yomhango, otava kala koshi yefingo, osheshi opa shangwa: “Keshe ou iha kala mwaai aishe ya shangelwa momushangwa womhango e u wanife, oye omufingwa.”

OVAFILIPPI 3:6

pauladi ndimuhepeki weongalo, pauyuki womhango aame omuhenashipo.

EHOLOLO 3:17

Shaashi ove oto ti: Aame oshipuna, heeno, nda punapala, ndihe na eshi nda pumbwa, ndele ku shi shii, nokutya ove epongo, omukwanaluhepo, omupofi, u li hamunghele.