LUKAS 17:6 - Ombibeli Iyapuki

⁶ Ndele Omwene ta ti: “Ngeno omu na eitavelo li fike pombuto yoshinapi ndele tamu lombwele omukwiyu ou: ‘Lidikula po ove u litwike mefuta,’ ngeno tau mu udu.

LUKAS 17:6 ပူးပေါင်းရင်းမြစ်များ

MATEUS 14:29

Ndele Oye ta ti: “Ila!” Ndele Petrus okwa dja mo mowato nokwa enda kombada yomeva e uye kuJesus.

MATEUS 17:20

Ndele Ye ta ti kuvo: “Omolweitavelo leni linini, osheshi oshili handi mu lombwele, ngeno okwa li mu neitavelo li fike pombuto yoshinapi, ngeno otamu dulu okulombwela omhunda ei: ‘Lilundulula po apa, ove u lundulukile kwinya, ngeno tai lilundulula po, ndele kaku noshinima tashi mu nyenge.’

MATEUS 21:21

Ndelenee Jesus okwe va nyamukula: “Oshili handi mu lombwele: ngeno mu neitavelo, nye itamu limbililwa, ngeno otamu dulu hasheshi ashike, omukwiyu eshi wa ningwa, ndele ngeno otamu lombwele omhunda ei: ‘litumba po, ove u liundulile mefuta’, ngeno otashi ningwa.

MARKUS 4:31

Owa fa ombuto yoshinapi, oyo pakukala i li okambuto kanini ke dulike keembuto adishe dokombada yedu.

MARKUS 9:23

Jesus okwa tya kuye: “ ‘Ngeenge to dulu’, wa ti? Ou ta itavele, iha nyengwa kusha.”

LUKAS 13:19

Oo wa fa ombuto yoshinapi, omunhu e i kufa ndele okwe i kuna moshikunino shaye, oya mena ndele ya kula ndee tai ningi omuti, needila dokeulu oda tunga oihadi yado moitai yao.”

LUKAS 17:7

“Ndele olyelye womunye e na omupiya ta pulula ile ta lifa, ngeenge ta di kepya ndele te mu lombwele ngeno: ‘Ila diva, ove u lye?’

LUKAS 19:4

Ndele ye okwa tondokela komesho ndele ta londo komukwiyu e mu mone, osheshi Ye okwa li e nokweenda po.

LUKAS 7:13

Ndele Omwene eshi e mu mona okwe mu etififa olukeno ndele okwa tya kuye: “Ino lila.”

LUKAS 7:19

Opo Johannes okwa ifana ovalongwa vaye vavali, ndele okwe va tuma kOmwene okupula: “Oove tuu ou onakuuya, ile natu teelele umwe?”

1 OVAKORINTO 13:2

Nonande ondi kale ndi noshali yokuxunganeka nondi shiive oiholekwa aishe nondi kale ndi neshiivo alishe, ndele nande ondi kale ndi neitavelo alishe lokudikula eemhunda, ndelenee ame nghi nohole, ame nghi fi sha.